2019-жылы Кыргызстан макроэкономикалык көрсөткүчтөрүн туруктуу сактоо менен чыкты.
Соода борборлорунда жаңы жылга даярдык учурунда баалардын кымбаттаганы анчалык деле байкалбайт. Соодагерлер бул көрүнүштүн себебин базарда атаандаштык көп экени менен түшүндүрүп жатышат. Кардарлардын пикиринде соңку кезде майрам үчүн ашыкча каражат которткондордун саны азайды.
БУУнун өндүрүштү өнүктүрүү долбоору Ысык-Көл аймагында чогултулган экологиялык жактан таза, дары чөптөрдү кайра иштете турган чакан цех ачты. Азырынча ички базарды гана камсыз кылган бул цех 27 түрдүү чай чыгарууда.
“Эже-сиңдилер” берүүсүндө бул жолу ишкердикти кантип башташ керектиги тууралуу баарлаштык. Бул үчүн студиябызга өз ишин баштаган айымдарды топтодук. Алар бул багыттагы тоскоолдуктар жана мүмкүнчүлүктөр тууралуу айтып беришти.
Бишкектеги арак-шарап заводу боюнча токтотулган кылмыш иши кайрадан териштирилмек болду.
Баткенде күрүч бышып, иш кызыган учур. Жергиликтүү дыйкандардын жай бою өстүргөн күрүчү бышып, шалы кургатууга убакыт жетти.
Кыргыз парламентинин депутаты Орусиянын өкмөтү Кыргызстанга акча которууну чектегени үчүн Евразия Экономикалык Биримдигине байланыштуу келишимдерди ратификациялабай турууну сунуш кылды.
Инфляция, насыя, акчанын курсу сыяктуу экономикалык терминдерди ак таңдай акындар комуздун күүсүнө салып, чечмелеп ырдап беришет. Бул - Улуттук банктын төкмө акындардын тили менен калктын финансылык сабаттуулугун жогорулатуу аракети.
Өлкөнүн түштүк аймагында бир кап ундун наркы 300 сомго кымбаттады. Кыргызстандын ун өндүрүүчүлөрү Казакстанда буудайдын түшүмү начар болгону үчүн баа өскөнүн айтышууда. Кыргызстандын материалдык резервдер фондунда элди кыштан чыгарганга жетерлик ун барбы?
Кочкор районунун тургуну Болот Асанбеков Бугучу айылындагы суу жетпеген он беш гектар кайрак жерге өрүк менен кайналынын көчөтүн тиккен. Багбандын кыялы какыраган талааны гүлдөгөн бакчага айлантуу. Гектарлаган аянттагы өрүкзарды ишкер жайы менен сырттан суу ташып келип сугарды.
Ушул тапта картөшкөнүн бир килограммы Кочкордо 6-8 сомдон бааланууда. Дыйкандар “кымбат сатып каларбыз” деген үмүт менен жыйган түшүмүн кармап турушат. Ошол эле учурда райондун айрым айылдарын кыдырып, картөшкө алгандардын карааны көрүнө элек.
Ош базарынын батыш тарабындагы «Берекет универсал» дүң жана чекене базарынын соодагерлери Бишкек мэриясынын алдына нааразылык акциясына чыгышты. Алар базарга электр энергиясын берип, базарды мэриянын карамагына өткөрүп алууну талап кылышты.
Дагы жүктөңүз
