Сузак районунда багбан байбиче фундук өстүрө баштады. Аталган дарактын Кыргызстандын климатында өнүп кетерин байкагандан кийин анын көчөттөрүн көбөйтүүгө өттү.
Норвегия, Түркиядагы жогорку маяналуу ишин таштап, кыргызстандык үч жигит Бишкекке кир жуучу каражаттарды чыгаруучу чакан цех ачкан.
Чынгыз Айтиев жубайы менен бирге сегиз жыл миграцияда жүргөн. Алар Москва шаарында бут кийим чыгаруучу заводдо эмгектенген. Жубайлар ал жерде бут кийим тигүүнүн жолдорун өздөштүрүп, Кыргызстанга кайтып келип өздөрү жашаган Өзгөн районунун Мырза-Аке айылына чакан ишкана ачышкан.
30 жаштагы Улан Акунов эки айдан бери үй шартында самын чыгарып жатат. Анын кичи цехи өзү жашаган Нарын районунун Таш-Башат айылындагы үйүнүн тар сарайында жайгашкан. Ал күнүнө 200дөй самын чыгарып, айылдаштарына сатат. Улан мындай иши менен өндүрүштү айылдан да жасаса болорун көрсөттү.
McDonald's компаниясына таандык биринчи ресторан Москвада мындан 32 жыл илгери, 1990-жылдын январында ачылган.
Кыргыз-казак чек арасындагы "Ак-Тилек" көзөмөл бекетинде Казакстандын аймагына кире албай кезек күткөн автоунаалардын саны көбөйүп, 23-февралда беш чакырымга чейин тизилип турушат.
Мугалимдердин айлыгын жана пенсиясын көбөйтүү Жогорку Кеңеште көтөрүлдү. 30-40 жыл иштеп пенсияга чыккан мугалимдер айына 8-9 миң сом алышууда.
Акыркы жылдары тигүүчүлүк Кыргызстанда суроо-талап жогору кесиптердин бирине айланды. Анткен менен оңой акча таба кое турган кесиптерге кирбейт. Каарманыбыз Жылдыз Абакирова он жылдан бери онго жакын тигүү цехтеринде иштеген.
Сузактык жеке ишкер үч айылды электр энергиясы менен камсыз кылуу үчүн чакан ГЭС куруп жатат. Акыркы жылдары Кыргызстанда суу таңкыстыгы пайда болуп, Токтогул суу сактагычында суунун көлөмү кескин азайып, электр энергиясын өндүрүүдө кыйынчылыктар жаралган.
Ак-Талаа районунун Коңорчок айылынын тургуну Сыядат Сыдыкова балык багат. Ал өндүргөн продукциясын Нарын, Чүй, Жалал-Абад облустарындагы балык чарбаларга сатат. Сыдыкованын эмгегинин аркасы менен айылда да акыркы жылдары балык чарбалары көбөйгөн.
Дагы жүктөңүз
