Аксы районундагы Аркыт токой чарбасынын балчылары Кара-Суу айыл аймагына караштуу Миң-Бугу, Түрдүк, Кум-Бел жайлоорунан бал жыйнашат. Өткөн жылы бал жакшы топтолгон эмес. Быйыл болсо алда канча кирешелүү болуп жатыптыр. Балчылардын турмушун кабарчыбыз Талгат Абжалил уулу көрүп келген.
30 жаштагы Бегимжан Молдобаева өзү туулуп-өскөн Ат-Башы районунун Кара-Булуң айылына жүндү кайра иштетүүчү чакан ишкана ачты. Учурда ал ишкердикти ата-энеси менен чогуу жүргүзүп, тогуз кишини иш орун менен камсыз кылды.
Кыргызстанда Бириккен Араб Эмираттардын (БАЭ) бир катар ири компанияларынын жетекчилери иш сапар менен келип кетти. Алар Кыргызстанга энергетика тармагында инвестиция салары кабарланды. Бул ортодо президент Садыр Жапаров жакын арада эмираттарга барары айтылды.
28-августта Жалал-Абад облусунун Ноокен районунда МИСТЕLAND аталышында мисте фестивалы өттү. Иш-чаранын максаты - Кыргызстанда өскөн мистени чет өлкөлөргө таанытуу, өлкөгө инвесторлорду тартуу.
Нарында “Шырдак” фестивалы онунчу ирет өттү. Эл аралык деп айтылган бул иш-чарада 7 облустун уздарынын кол эмгектери көрсөтүлдү. Кыргыз шырдагын дүйнөгө таанытууну көздөгөн бул фестивалга чет өлкөлүк туристтер келгени менен кол өнөрчүлөрдүн соодасы анчейин кызыган жок.
Кара-Булуң айылынын тургундары "Ат-Башыда жашылча бышпайт" деген көз карашты бузушту. Азыр бул айылдагы 30дай аял тамаркага помидор, бадыраң, капуста сыяктуу жашылчанын түрүн айдап, түшүмүн жыйнап жаткан учур.
Турганбүбү Океева Ат-Башынын Босого жайлоосуна туристтер үчүн мейманкана ачып кызмат көрсөтүп жатат. Өзгөчө конок үйлөрдү тоолуктар жаңылык катары кабыл алышууда. Акыркы жылдары Ат-Башыда ички туризм да өнүгө баштады.
Алай районунун Сары-Могол айылында ар бейшемби күнү жайма базар болот. Ал айылдын так ортосунда жайгашып, Ош шаарынан да соодагерлер барышат. Базарда турмуш тиричиликке пайдаланган буюм-тайымдардан тарта азык-түлүккө чейин сатылат.
Ысык-Көлдө Абердин ангус тукумундагы уй багуу күч алды. Мындагы “Рейна-Кенч” дыйкан чарбасы мындан 8 жыл мурун бул уйдун тукумун биринчилерден болуп Кыргызстанга алып келген.
Ош шаарындагы "Кыргыз унаа курулуш" заводу кытайлык Dongfeng компаниясы менен келишим түзүп, 12 жүк ташуучу унаанын тетиктерин алып келип кураштырууда. 9-июнда компания кураштырып бүткөн алгачкы жүк ташуучу чакан унааларын кардарларга сунуштады.
34 жаштагы Максат Мусабаев Ысык-Көл районунун Чоң-Өрүктү айылында өстүргөн кулпунайды Орусиянын Сургут шаарына сатат. Ал ошондой эле элеттик 30 кишини жумуш менен камсыз кылган. Жай айларында иштеп, жарым миллиондон ашык киреше тапкан ишкер эми кулпунай талааларын кеңейтүүнү максат кылууда.
Дагы жүктөңүз
