“Азаттыктын” Бишкек бюросунун кызматкери, веб-редактор. Жусуп Баласагын атындагы Улуттук университеттин бүтүрүүчүсү.
Кыргыз Эл жазуучусу Топчугүл Шайдуллаева менен эркиндик, миграция, кыргыз адабияты жана андагы аялдардын образы, ролу тууралуу маек.
Жалал-Абадда көп балалуу үй-бүлөнүн УКМК төрагасы Ташиевден үй сураганы талкууга түштү. Айрымдар буга чейин атайын кызматтын жетекчисинин көп бала төрөөгө чакырганын эске салса, башкалары эч кандай шарты жоктугуна карабай балалуу болгон аялдын өзүн күнөөлөп жатышат.
Президент Садыр Жапаров Тяньцзинь шаарындагы Шанхай кызматташтык уюмунун саммитине катышууда. Ал жыйынга катышуу үчүн Кытайга 31-августта сапар алган. Дүйнөдөгү геосаясий мааниси бар жыйын катары сыпатталып жаткан жолугушуунун Кыргызстанга кандай мааниси бар?
53 жашында бөөдө кырсыктан каза болгон актер Руслан Курманалиевдин сөөгү 25-августта жерге берилди. Ал 35 жылга жакын чыгармачылык менен алек болуп, театр жана кинодо 80ге жакын роль жараткан. Маркум Руслан Курманалиев акыркы сапарга Ак-Ордо конушундагы үйүнөн узатылды.
53 жашында бөөдө кырсыктан каза болгон актер Руслан Курманалиевдин сөөгү 25-августта жерге берилди. Ал 35 жылга жакын чыгармачылык менен алек болуп, театр жана кинодо 80ге жакын роль жараткан.
Кыргызстандын калкы таштандыны туш келди ыргытуу адатынан арылбай келет. Акыркы кезде өлкөнүн жогорку кызматтагы адамдары да бул тууралуу айтып, элди табиятты таза тутууга чакыра баштады. Ал арада мамлекеттен колдоо күтпөй, айлана-тегеректи өз алдынча жыйнап-тазалаган адамдар бар.
Кыргызстанда август айынын башында 1916-жылдагы Үркүн окуясын эскерген жүрүш өттү. “Тосор” коому жана “Эсимде” изилдөө аянтчасы уюштурган жүрүш быйыл жылдагыдан узагыраак болуп, төрт күнгө созулду.
Кыргызстанда 19-кылымда жашап өткөн казак тарыхчысы, этнограф Чокан Валиханов тууралуу даректүү тасма тартылды. Анын бет ачары кечээ, 21-августта Бишкекте өттү. Ага кыргыз-казак саясий жана маданий ишмерлери катышты.
Бишкекте төбө чачты тик тургузган оор кылмыш катталды. Көп кабаттуу үйлөрүнүн биринен аялдын сөөгү табылып, кылмышка шектүү катары анын уулу кармалган. Бул окуя коомдогу агрессия, психикалык саламаттык жөнүндө талкууну кайрадан жандантты.
Кыргызстанда жергиликтүү бийликтерге Лениндин аты коюлган борбордук көчөлөрдү Манас деп өзгөртүү сунушталганы маалым болду.
Жүз тогуз жыл мурда болгон кандуу окуя азыр кандай изилденип жатат?
Садыр Жапаров кыргызстандыктарды жайлоолорду коргоого чакырды. Президент жайыттардын такырайып кетүү себебин малдын көбөйүп кетишинен көргөн. Экологдор болсо туризм маселеси, экологиялык аң-сезимдин төмөндүгү дагы көйгөйдү ырбатып жатканын белгилешет.
Бишкектин Көк-Жар-2 конушунун 172-контурунда мыйзамсыз делген курулуштарды бузуу учурунда кармалган беш киши Октябрь райондук сотунун чечими менен 10 күнгө убактылуу кармоочу жайга камалды.
Кыргызстанда быйыл чегиртке жылдагыдан да көбөйүп, айыл чарбасына олуттуу коркунуч жаратты. Айыл чарба министрлиги 92 миңден ашуун гектар аянтты дарылоого аргасыз болду.
Жети-Өгүздүн Тосор айылында Кыргызстандын бардык аймагындагы калемгерлердин башын кошкон "Омор Султанов - поэзиянын султаны" аттуу маданий иш-чара өттү. Анда акындын ырлары окулуп, ырдалды. Омор Султановдун кыргыз поэзиясына салган чыйыры айтылды.
Акыркы жылдары балдардын тиши эрте кетип жатканы айтылып келет. Буга эмне себеп болууда? Тамак-аш сапаты начарлап, экологиянын бузулушубу? Эмне үчүн кош бойлуу аял тишине кам көрүшү керек?
Кыргызстанда тоо үстүндөгү көлдөрдүн дагы бири жырылды. Сел коркунучунан улам Ысык-Ата районундагы үч айылдын тургундары эвакуация болду. Адистер климат өзгөрүп, аба табы жогорулаган сайын мындай кырсыктар көбөйүшү мүмкүн экенин эскертишет.
Кызыл китепке жоголуп бараткан канаттуулардын 50дөн ашык түрү кирген. Кийинки редакцияга андан да көп түрү кириши мүмкүн.
Өзбекстандын жараны кызы Бишкекте бир жарым ай мурун жол кырсыгына кабылып, комага түшкөнүн, тиешелүү мекемелер тарабынан жакшы көңүл бурулбай жатканын айтып кайрылды. Бишкек шаардык милициясы кырсык боюнча кылмыш иши козголуп, тергөө жүрүп жатканын маалымдады.
Кыргызстанда быйыл "Өлбөс полк" жүрүшү бардык шаарларда өткөнү жатат. Коңшу Казакстанда Алматыдан башка калааларда бул жүрүштү өткөрүүгө тыюу салынды.
Дагы жүктөңүз
