ЧУКУЛ КАБАР!

2-Февраль, 2025-жыл, жекшемби, Бишкек убактысы 05:00

Амирбек Азам уулу

UsmanovA-FL@rferl.org

Автору Амирбек Азам уулу

Февраль 05, 2008
НЬЮ-ЙОРКТУК ДЕМОКРАТТАР БАРАК ОБАМАГА ИШЕНЕБИ, ЖЕ ХИЛЛАРИ КЛИНТОНГОБУ?

Шейшемби - АКШда чоң шайлоонун күнү. Бул күнү өлкөнүн финансылык борбору, көп улуттуу жана эң чоң шаары Нью-Йоркто да президентке талапкерлерлер тандалат. Америкалыктарды экономикалык жагдай көбүрөөк кыжаалатка салганын, шаардын экс-мэри Руди Жулианинин жарыштан чыгышы далилдеди. Республикачыл Жулиани шайлоо өнөктүгүндө улуттук коопсуздук маселесине өзгөчө басым жасап жаткан. Соңку сурамжылоого караганда, нью-йорктук демократ-шайлоочулардын көбү кимди колдоорун билбей эки анжы абалда турат.
Февраль 01, 2008
РАХАТ АЛИЕВ: «НАЗАРБАЕВ КАЗАКСТАНДАГЫ САЯСИЙ МАФИЯНЫН ПИРИ»

Президент Нурсултан Назарбаевдин мурдакы күйөө баласы Рахат Алиев 15-январда сыртынан 20 жылга соттолгон. Алиевди сот кылмыштуу топту уюштурду, адамдарды талап-тоноду, киши уурдады, өкмөттүк мүлктү натуура пайдаланды деп айыптаган. Австрияда өз ыктыяры менен бозгун болуп калган Рахат Алиев “Азаттыктын” кабарчысы Эржан Карабекке берген интервьюда, ал саясый оюндун курмандыгы болгонун, Казакстандагы саясый оюндарды президент Назарбаев уюштуруп жатканын, экс-кайнатасынын былыктарын жыл аягында чыкчу китепте ашкере кыларын айтты.
Январь 31, 2008
ТАЖИКСТАНДА ИСЛАМ ПАРТИЯСЫНЫН БЕЛДҮҮ МҮЧӨСҮ АБАКТА АЖАЛ ТАПТЫ

Тажикстан Ислам кайра жаралуу партиясынын төрага орун басары Шамсуддин Шамсуддинов шаршемби күнү каза тапты. Маркум 2004- жылдын башынан бери Дүйшөмбүнүн четиндеги абакта отурган. Ырасмий бийликтер 55 жаштагы Шамсуддинов рактан көз жумганын маалымдашты. Мындай маалыматка маркумдун жакындары ишене бербей жатышат. Ал эми Ислам партиясынын жетекчилиги башында эле Шамсуддинов жалган жалаа менен соттолгонун, бир күнү президенттин жарлыгы менен акталаарын айтып жүрүшкөн.
Январь 30, 2008
БАРАК ОБАМА КЕННЕДИЛЕРДИН БАТАСЫН АЛДЫ

АКШ президенттигине талапкер Барак Обама 5-февралда болчу “супер шейшембинин” алдында өтө маанилүү чоң колдоо алды. Конгресстин өтө таасирлүү мүчөсү, демократ-сенатор Тед Кеннеди шайлоочуларды Барак Обама үчүн добуш берүүгө чакырды. Кеннедилер үй-бүлөсүнүн Обаманы колдоосу, аны менен үзөңгүлөш келаткан атаандашы-Хиллари Клинтондун Демократтык партиянын атынан президенттикке көрсөтүлүү мүмкүнчүлүгүн бир кыйла азайташы ыктымал.
Январь 29, 2008
ЕВРОПА БИРИМДИГИ СЕРБИЯЛЫК ШАЙЛООЧУЛАРДЫ ТАРБИЯЛАМАК БОЛДУ

Дүйшөмбү күнү Европа Биримдиги Сербияны уюмга кабыл алуу боюнча убактылуу келишимге кол койууга макул болду. Брюсселдик атка минерлердин айтышынча, биримдик мындай келишим аркылуу жекшемби күнү Сербияда болчу президенттик шайлоону “Европа жөнүндөгү референдумга” айлантууну көздөдү. 3- февралда болчу шайлоонун экинчи айлампасында Сербияны Евробримдикке кошууга дилгир азыркы президент Борис Тадич жана улутчул Томислав Николич таймашат.
Январь 25, 2008
ООГАН ЖУРНАЛИСТИ ЖАЗБАГАН МАКАЛАСЫ ҮЧҮН ӨЛҮМ ЖАЗАСЫНА ТАРТЫЛДЫ

Ооган журналисти Сайед Первез Камбакш өлүм жазасына өкүм болду. Мазари- Шариф шаардык соту Камбакшты Курандын аялдар жөнүндөгү аяттарын сындаган макала жазды деп таап, жогорку жазага тарткан. Бирок, макаланын чыныгы автору Европа өлкөлөрүнүн биринде окуган Араш Бекуда ирандык студент болуп чыкты.
Январь 24, 2008
ИРАК УБАКТЫЛУУ ЖЕЛЕКТҮҮ БОЛДУ

22- январда Ирак парламенти бир нече айга созулган талаш- тартыштан кийин өлкөнүн убактылуу жаңы желеги бекитилди. Күрт азчылыгы Саддам Хусейн доорунан келген желек зулумдуктун символу деп, желекти өзгөртүүнү талап кылып жаткан. Парламент эми Ирактын жаңы желегин бир жылдын ичинде кабыл алыш керек. Cерепчилер Ирактын желеги боюнча эл өкүлдөрү арасында бир пикирдин жоктугу- коом элдешүүгө али алыс экенин күбөлөйт дешет.
Январь 23, 2008
ГЕРМАНИЯЛЫК ЖУРНАЛИСТТИ АСТАНАДА “ӨЛТҮРӨ САБАП” КЕТИШТИ

Казакстандын байтакты Астанада германиялык тележурналист Маркус Бенсманды белгисиз бирөөлөр катуу сабап, көчөгө таштап кеткен. Түнү бою суукта жатып, бетин, колу-бутун үшүк урган журналист жекшемби күнү эртең менен табылган. Маркус Бенсман греманиянын маалымат булактарында Борбор Азия, анын ичинде Анжиян калабасы жана Бишкектеги 2005-жылкы ыңкылап жөнүндө жайынан кабарлап турган.
Январь 22, 2008
МАТЬЮ БРАЙЗА: ГРУЗИЯНЫН НАТОго КОШУЛУУ ДЫМАГЫН АКШ КОЛДОЙТ

Михаил Саакашвили жекшемби күнү Грузиянын президенти катары ырасмий түрдө такка отурду. Ал 5-январда өткөн шайлоодо 53 процент добуш алып, экинчи мөөнөткө президент шайланган. Кезексиз президенттик шайлоодогу өткөрүүгө өкмөт менен оппозиция арасындагы катуу араздашуу түрткү болгон. Өлкөдөгү жагдай, Тбилиси-Москва мамилеси, Грузиянын НАТОго кошулуу планы жөнүндө АКШнын Мамлекеттик катчысынын жардамчысы Матью Брайзанын “Азаттык” үналгысынын грузин кызматына маек куруп берди.
Январь 21, 2008
ПРЕЗИДЕНТ СААКАШВИЛИ ОРУСИЯНЫ ЖАРАШУУГА ЧАКЫРДЫ

Жекшемби күнү Тбилисиде Михаил Саакашвили Грузиянын президенти катары ант берди. Ал 5-январдагы кезексиз шайлоодо экинчи мөөнөткө президент шайланган. Оппозиция шайлоо адилет өтпөдү деп, ырасмий аземге катышкан жок жана ордо шаарда нааразылык акциясын өткөрдү. Шайлоодо экинчи орунду алган талапкер Леван Гачечиладзе оппозиция нааразылык чараларын токтотпосун билдирди. Саакашивлинин бийликке отуруу аземи дүйшөмбү күнү өлкө батышындагы Кутаиси шаарындагы Баграти чиркөөсүндөгү салтанат менен аяктайт.
Январь 15, 2008
АКШ ИРАКТАГЫ САЯСИЙ ЭЛДЕШҮҮНҮ ТЕЗДЕТҮҮНҮН АМАЛЫН ЖАСООДО

АКШнын Мамкатчысы Кондолиза Райс шейшемби күнү Эр-Рияддан Багдадга күтүүсүз сапары менен келди. Мамкатчы Жакынкы Чыгышта сегиз күндүк сапарда жүргөн президент Жорж Бушту коштоп жүргөн эле. Райстын Багдадга күтүүсүз келүүсүнүн максаты эмне?
Январь 13, 2008
ИРВИН СТЕЛЗЕР: МУНАЙ ЖАНА АВТОРИТАРИЗМ КОЛМО-КОЛ ЖҮРБӨЙТ

Мунайдын баасы 2004-жылдан бери токтобой өйдөлөөдө. 2-январда бир баррел кара майдын баасы 100 АКШ долларына чыгып, кайра төмөндөдү. Кымбатчылык мунайы мол өлкөлөрдү байтып, элдин жашоосун жакшыртканга мүмкүндүк берет. Ошол эле бийликтеги элита эпсиз байыган учурлар да арбын. Атүгүл экономиканын башка тармактарынын өнүгүүсүнө жолтоо да болот. Мына ушул теманын тегерегинде АКШдагы Гудзон институн Экономикалык саясат борборун жетектеген Ирвин Стелзер “Азаттык” радиосу менен ой бөлүшкөн.
Январь 12, 2008
СЕНАТОР ГРЕСЛИ ОРУСИЯДАГЫ ДЕМОКРАТИЯ ЖӨНҮНДӨ

Республикачыл сенатор Чарльз Гресли АКШ Сенатынын беделдүү мүчөлөрүнүн бири саналат. Ал Сенатка биринчи жолу 1980- жылы шайланып, ошондон бери анын мүчөсү. Гресли 2005-06- жылдары НАТОнун Парламенттик ассмаблеясындагы Сенаттын делегациясында иштеп, терроризмге, өзөктүк куралдарга байланыштуу эларалык проблемалар менен жакындан таанышкан. Таасирлүү сенатор Гресли 9- январда “Эркин Европа/Азаттык” радиосунун Прагадагы баш кеңсесинде сенаторлордун тобу менен болгондо, Орусиядагы саясый кырдаалга байланыштуу радионун серепчиси Жэреми Бранштейнге интервью берген.
Январь 11, 2008
ЖОРЖ БУШТУН ЖАКЫНКЫ ЧЫГЫШ ТӨЛГӨСҮ ОҢУНАН ЧЫГАБЫ?

АКШ президенти Жорж Буш быйыл ал бийликтен кеткенче Израил менен Палестина автономиясы ортосундагы тынчтык келишимине кол коюлат деп ишенет. Мурдакы президент Билл Клинтон сегиз жыл мурда Израилдин жана Палестинанын лидерлерин 11 саат бою кысмакка алып, ийгиликке жеткен эмес. Буштун Кошмо Штаттардагы колдоочулары президенттин сөзүн илгери тилек катары айтылган сөз катары баалашты.
Январь 11, 2008
БУУ: 2003-ЖЫЛДАН БЕРИ СОГУШТА 151 МИҢ ИРАКТЫК ӨЛДҮ

Иракка АКШ башындагы коалициялык күчтөр басып кирген 2003-жылдын март айынан 2006-жылдын июнуна чейин 151 миң ирактык набыт болгон. Дүйнөлүк саламаттык сактоо уюму Ирактын ар кайсы бөлүгүндөгү 1 миңге жакын шаар- кыштакта 9300дөн ашуун кожолукту сурамжылагандан кийин ушундай тыянакка келген.
Январь 10, 2008
АРАБ ДҮЙНӨСҮ САБАТСЫЗДЫКТЫН КОЙНУНДА

Араб Лигасы жаңы жарыялаган изилдөөгө караганда, араб өлкөлөрүнүн 100 миллион жараны не жазганды, не окуганды билбейт. Алардын дээрлик жарымы аялдар. «Ошондуктан, араб коому өнүгүүнү ойлосо, улуттук өкмөттөр билим берүүгө болгон мамилени чекиндүү өзгөртүшү зарыл», деп айтылат изилдөөдө.
Январь 09, 2008
ИРАНДЫК ТЕЗ ЖҮРҮҮЧҮ КАЙЫКТАР ЭМНЕ ҮЧҮН АКШнын АСКЕР КЕМЕЛЕРИН КЫСМАККА АЛДЫ?

Ырасмий Тегеран АКШлык жана ирандык аскерий күчтөр арасында 6-январь күнү Ормуз кысыгында болгон тирешүүгө анчейин маани бербеген түр көрсөтүүдө. Дүйнөлүк базарга мунай ташуучу кемелердин кан жолунда болгон бул эрегиш жөнүндө эларалык маалымат булактары жапырт жазган эле. Теги ирандык талдоочулар бейтарап суулардагы тирешүүгө ырасмий Тегеран ички жана сырткы жагдайдан улам абдан кызыкканын айтышат.
Январь 08, 2008
ПАКИСТАН «НЬЮ-ЙОРК ТАЙМС» ГЕЗИТИНИН КАБАРЫН ЖОККО ЧЫГАРДЫ

АКШ аскерлери Пакистан уруулары башкарган аймактарда “ал-Каида” менен талиптерге каршы жашыруун операцияларды күчөтүшү мүмкүн экенин “Нью-Йорк Таймс” гезити жекшемби күнү жазган эле. Андай аракеттерге берилбесин Пакистандын тышкы иштер министрлиги дүйшөмбү күнү билдирди. Бул эки кабар, серепчилердин айтымында, Вашингтон менен Исламабад ортосунда жүрүп жаткан курч саясый дебатты чагылдырат.
Январь 04, 2008
АКШнын ПРЕЗИДЕНТТИГИНЕ ТАЛАПКЕРЛЕРДИ ТАНДОО БАШТАЛДЫ

Айова штатында АКШнын эки негизги партиясынын өкүлдөрү президенттикке татыктуу деген саясатчылар үчүн добуш беришет. Бул талапкерлер иргелип, тандалчу жараяндын алгачкысы. Айовадагы “праймериз” шайлоодо жеңген саясатчы үчүн жалпы партиялык жыйында талапкер болууга кенен жол ачылат.
Январь 03, 2008
ПАКИСТАН - САЯСИЙ БЕЛГИСИЗДИКТИН ТОЛКУНУНДА

Пакистанда парламенттик шайлоо, мурда белгиленген 8-январдын ордуна 18-февралда болот. Оппозиция лидери Беназир Бхутто өлтүрүлгөндөн кийин түзүлгөн кырдаалга байланыштуу Борборшайлооком ушундай чечим кабыл алды. Бхуттонун Пакистан элдик партиясы менен экс премьер-министр Наваз Шариф башындагы Мусулман лигасы партиясы шайлоону 8-январда өткөрүүнү талап кылып жаткан. Президент Мушарраф 2-январдын кечинде улутка кайрылып, элди биримдикке чакырды жана Бхуттонун өлүмүн иликтөөгө британиялык тергөөчүлөр жардамдашат деп билдирди.

Дагы жүктөңүз

XS

SM

MD

LG