Батыс басылымдары бұл аптада Орталық Азия елдері ынтымақтастықты күшейте ала ма деген сұраққа жауап іздеді. Сонымен қатар Пекин Қазақстан бидайына арналған тарифті аяқ астынан өзгерткен соң, Қытайға бидай экспорты тоқтап, диқандар шығынға батып жатқанын жазды. Басылымдар бұдан бөлек елден білікті мамандар не себепті көшіп жатқанын талдап, оның салдарына үңілді.
Украина билігі Ресейдің Курск облысында алға жылжып жатқанын мәлімдеді. Батыс басылымдары Украинаның шабуылы Кремльді састырып, Ресей президенті Владимир Путиннің беделіне үлкен соққы болып тигенін жазып жатыр. Украинаның түпкі мақсаты не, Курскідегі операцияның ақыры не болмақ және Путин қалай әрекет етуі мүмкін? Азаттық Батыс басылымдарын шолып шықты.
Ұлыбританияның сыртқы істер министрі Дэвид Камерон қазақ әріптесі Мұрат Нұртілеумен болды делінген әңгімені ресейлік пранкерлерге айтып берді, бірақ Қазақстан СІМ оны "жалған ақпарат" дейді. Грекия өртенген арал маңында яхтада болған сегіз қазақстандықты іздеуге Қазақстаннан көмек сұрады.
Тағы
