16 қаңтар Ақтөбенің тергеу соты "адамдарды кепілге алу" және "кісі өлтіру" қылмысына күдікті ретінде ұсталған азамат Б.-ны екі айға қамауға алуға санкция берді. Оны полиция бірнеше күн бұрын Ақтөбеде кепілге алынған адамдарды босату операциясы кезінде қолға түсірген.
Ақтөбе полициясының хабарлауынша, күдікті кепілге алған адамдарды босатуды бас тартқан соң, арнайы операция жүргізіліп, кепілге алынған әйел босатылған. Жертөледе сол әйелдің пышақтан жараланған ата-анасы табылған. Құтқарылғандардың екеуі кейін қайтыс болған.
Өскеменде бір топ адам Ресейдің "Белгісіз солдат күні" деп аталатын еске алу күнін атап өтті. Олардың арасында Екінші дүниежүзілік соғыста қаза тапқандар рухына тағзым етуге келгендер де, сонымен бірге Ресей Украинаға қарсы жүргізіп жатқан соғыста із-түссіз кеткен туысын жоқтағандар да болды.
Шығыс Қазақстан облысының орталығы Өскемен қаласын 20 қарашадан бері газ бен тұман тұмшалап тұр. Әлеуметтік желі қолданушылары шұңқырда орналасқан қала түтінге бөгіп, іргедегі таудың төбесінен көрінбей қалғанын дәлелдейтін видеолар жариялап жатыр.
Маңғыстауда Каспий теңізін мекендейтін итбалық жаппай қырылып қалған, Кейінгі бір аптада теңіз жағалауынан үш жүзге жуық итбалық өлексесі табылды. Мамандар олардың неден өлгенін анықтауға кірісті.
Шахтинск қаласының соты "Қазақстан" шахтасындағы кеншілер өліміне қатысты істі қайтадан қарай бастады. Істі қарау аяқталуға таяғанда судья ауысып, процеске қатысушылар мен көптеген куә қайта жауап беретін болды. "Жақындарымыздың қалай тұншыққанын, қалай өлгенін басынан бастап тыңдауға тура келді", – деді жәбірленушілер.
Коммерциялық емес CREA зерттеу ұйымы Теміртау металлургия комбинатының қаладағы ауа сапасына экологиялық ықпалы туралы баяндамасында зауыт ширек ғасырдан астам уақыт ішінде мыңдаған жергілікті тұрғынның өліміне себепші болды деген қорытынды жасаған. Азаттық зерттеу авторларының бірімен әңгімелесті.
Қазақстанда 2024 жылдың алғашқы алты айында, ресми дерек бойынша, кәмелетке толмаған мыңнан аса екіқабат қыз есепке алынған. 170-тен астамы аборт жасатқан. Дәрігерлер жасы жетпей бала көтеру жасөспірім қыздың өміріне қауіпті екенін ескертеді. Ондай қыздар арасында зорлық көріп, аяғы ауыр болғандар да бар. Бұл оларға физиологиялық, моралдық, психологиялық тұрғыдан ауыр тиеді, мінез-құлқы түбегейлі өзгереді дейді мамандар.
Құқық қорғаушылар "Жалған ақпаратты жариялау, тарату" деген әкімшілік бап биліктің қолайына жақпайтын журналистерді, блогерлер мен белсенділерді қудалауға пайдаланатын құралға айналғанын айтады. Әрі бұл баптар әркім әрқалай түсіндіре алатындай бұлыңғыр.
Ақтау қалалық сотының бұрынғы төрағасы Мәлік Кенжәлиев зейнетке шыққан соң шалғай ауылға көшіп, асыл тұқымды мал өсіруге кіріскен. Бюрократиялық жүйенің кеселіне кезіккен шаруа үкіметтің ауыл шаруашылығын дамыту бағдарламалары неге іске аспайтыны жайлы ой-пікірін Азаттыққа айтып берді.
Мұндай үйде тұру қиын әрі қауіпті, ал ұсынған шартына көну – обал. Ұлытау облысы ауылдарында металл кеніші аумағын кеңейтуге деп тұрғындардың үйін алмақшы. Жұрт неше жылдан бері дүние-мүлкіне дұрыс өтемақы алу үшін күресіп жүр. Әзірге жеңілумен келеді.
Қарағанды облысында тұратын жас кенші Николай Девяткин кенжарда техника қауіпсіздігі талаптары бұзылғанын басшылыққа жеткіземін деп, жұмысынан айырылып қалғанын айтады. Ал бұрынғы жұмыс берушісі Девяткин тыйым салынғанына қарамастан ұялы телефон алып кіріп, "тәртіп бұзғаны үшін" шығарылды дейді.
Тағы
