ҚАЗАҚСТАН

Қазақстан Қытайдан сатып алған инсулинге пациенттер секеммен қарайды

Қазақстан үйреншікті еуропалық инсулиннің орнына Қытайда шығарылған инсулин сатып алған. Қытайда бір ғана зерттеуден және Қазақстанда тек шектеулі клиникалық бақылаудан ғана өткен жаңа препаратқа пациенттер секеммен қарайды. Сарапшылар мен депутаттардың көкейінде де оған қатысты сұрақ көп.

Жылда болатын тасқынның кезекті әлегі. Елден кешірім сұраған билік бизнеске алақан жайды

Әлеуметтік желі қолданушылар тасқын су басқан өңірлердегі жағдай туралы видеоларды әлеуметтік желіде жариялап, ел шығынға батқанын жазып жатыр. Билік қауіп әлі сейілмегенін айтады. Президент екі айға жуық уақыт бұрын ғана өзі тағайындаған үкіметті сынап, елден кешірім сұрап, кезекті рет уәде берді.

Көктемде су көп, жазда су жоқ. Қазақстанды тасқын мен қуаңшылықтан құтқаратын технология бар ма?

Қазақстанда көктем сайын қайталанатын су тасқынынан кейін қоғамда суды тиімді пайдалану мәселесі жиі айтыла бастады. Ернеуінен асып жататын өзен-көл мен еріген қар суы әбігерге салатын кей аймақтар жазда қуаңшылықтан зардап шегеді. Кей белсенділер көктемде асып-тасып жататын суды жинап, жаз мезгілінде пайдалануды ұсынып жатыр. Елді тасқын мен қуаңшылықтан құтқара алатын технология бар ма? Қазақстан суды қаншалықты тиімді пайдаланып жатыр?

Қазақстанның он облысын су басты. Дайындық "шартты түрде" болғанын премьер де мойындады

Қазақстанның 10 облысында су тасып, қауіп төндіріп тұр. Төтенше жағдайлар министрлігі қазір Қостанай облысында жағдай өте күрделі дейді. Кейбір аймақта төтенше жағдай жарияланған.

Қоянды халқы қарғын судан қалай құтыларын білмей дал

Астана іргесіндегі Қоянды ауылында еріген қар суы тұрғындардың берекесін қашырды. Жергілікті әкімдік "су бес үйге ғана кірді" деп мәлімдеген. Алайда Азаттық тілшісі сөйлескен тұрғындар су кірген үйлер мен аулалар әлдеқайда көп дейді.

Азаматтық алғысы келген қандасты уайымға салған апостиль

Қытайдан атамекенге көшіп келген қандастар Қазақстан азаматтығын алуға апостиль туралы талап бөгет болып отыр деп шағынады. Қытайға апостиль алуға барайын десе, ол жақ жібермей қоя ма деп жасқанады. Белсенділер болса қандастар мәселесін шешу Қазақстан билігінің өз қолында дейді.

Түрмедегі жанжал белсенділердің жаза мерзімін ұзартуға әкелуі мүмкін. Бұл арандату ма?

Қаңтар оқиғасынан соң "әуежайға шабуыл жасады" деген айыппен сотталып, түрмеде отырған Әйгерім Тілеужанның үстінен тағы іс қозғалды. Бұған сотталушылардың бірімен арадағы жанжал себеп болған. Билікті сынап жүрген, қазір қамауда жазасын өтеп жатқан Тимур Дәнебаев та камералас адаммен жанжалдасқан.

Наурызды енді он күн тойлаймыз. Жаңа формат жақсы ма, жаман ба?

"Екі жақтың көңілінен шығатын үкім". Самат Әбіштің шартты жазасы нені білдіреді?

Оппозиция митинг өтеді деп белгілеген күннің қарсаңында бірнеше белсенді қамалды

Астанада бірнеше белсенді әкімшілік қамауға алынды. Билік оларды оппозиция қарсылық акциясы өтеді деп белгілеген күнге жеткізбей жазалады.

Қазақстан журналистикасындағы сөз еркіндігі мен бедел институты жайында

Forbes Kazakhstan журналының рейтинг редакторы Ардақ Бөкеева Азаттыққа берген сұхбатында Қазақстандағы журналистердің бедел институты туралы ой бөлісіп, экс-министр Қуандық Бишімбаевтың сотына қатысты ақпараттық жанжал туралы пікірін ортаға салды. Сондай-ақ Қазақстанның қазіргі саяси режимі неліктен сөз еркіндігіне мүмкіндік бермейтінін түсіндіреді.