ҚАЗАҚСТАН

Су тасқынының шығыны қалай есептеліп жатыр?

Жарыққа миллиардтаған несие жұмсаған қалада көше неге тас қараңғы?

Өскемен мен Семей қалалары 2022 жылы екі облысқа бөлініп кетсе де, ортақ проблемалар зардабын тартып келеді. Соның бірі – қаланы жарықтандыру мәселесі. 2017 жылы екі қаланың көше шамдарын жетілдіріп, "Лас-Вегастай жайнатуға" Еуропаның қайта құру және даму банкінен 3,6 млрд теңге несие алынған. Қазір ол қарыз "халық ақшасынан" төленіп жатыр, бірақ ондаған көшедегі мыңдаған шам әлі жанбайды.

Бишімбаевтың соты миллиондаған адамның назарын аударды. Неліктен?

Азаматтық некедегі әйелі Салтанат Нүкенованы өлтірді деп айыпталған бұрынғы экономика министрі Қуандық Бишімбаевтың сотын миллиондаған адам бақылап отыр. Арасында шетелдіктер де бар. Неліктен сот процесі жұрт назарына ілікті және Қазақстанда сот отырысын алғаш рет онлайн көрсетудің сыры неде?

"Суға батқан, жоғалған". Тасқын құрбандары мен хабарсыз кеткендер

Төтенше жағдайлар министрлігі Атырау облысы Құлсары қаласында тасқыннан төрт адам опат болғанын мәлімдеді. Ақтөбе өңірінде еріген қар суына батқан екі баланың ажалына "тасқынның қатысы жоқ" дейді билік. Абай облысында өзен тасып жатқанда суға кеткен деген күдікпен төрт адам іздестіріліп жатыр.

"Қайдан пана табамыз?" Суда қалған мыңдаған үй, жылаған жұрт, ақталған әкім

Солтүстік Қазақстан облысы халқын тасқын әуреге салып жатыр. Аймақта 1700-ден аса үйді су басып, жеті мыңнан аса адам эвакуацияланды. Азаттық тілшілері өңір орталығы Петропавлдың іргесіндегі елді мекендердегі жағдайды көрді.

"Жиған-тергенімізді әп-сәтте жоқ қылды". Тасқын күйзелткен ауылдың уайымы мен үміті

Қаратал – Ақтөбе облысы Ойыл ауданы Берсиев селолық округіне қарайтын, халқы малмен жан сақтап отырған ауыл. Екі мыңға жуық адамы бар елді мекен биылғы су тасқынынан қатты зардап шекті. Ауылдағы 236 үй түгелге дерлік тұруға жарамсыз болып қалған. Баспана мен малдан айырылу жергілікті халыққа қиын тиді. Тасқын салдарынан мектеп, фельдшерлік пункт, кітапхана мен клуб ғимараттары да қауіпті күйге түскен. Азаттық тілшісі Қараталдың қазіргі жағдайын көріп қайтты.

"Құтқаруға болар еді". Су алған Петропавлдағы ахуал

Петропавлда қала іргесіндегі аудандарды су алып жатыр. Жеті мыңнан аса адам көшірілген. Жұрт су алған үйінің маңынан кете алмай жүр. Азаттық сөйлескен тұрғындар тасқынды болдырмау үшін тиісті шаралар дұрыс жасалмағанын айтады. Петропавл қаласының әкімі бұған келіспейді.

"Бәрі күйзеліп отыр". Ақтөбе өңіріндегі тасқын қиратқан ауылдан репортаж

Ақтөбе облысы Ойыл ауданындағы Қаратал ауылында су тасығанға дейін екі мыңға жуық адам тұрған. Қазір одағы 236 үй түгелге дерлік тұруға жарамсыз. Халқы босып кеткен. Мектеп, фельдшерлік пункт, кітапхана мен клуб та "апатты жағдайда" тұр. Азаттық тілшісі ауылдың жағдайын көріп қайтты.

"Ертең күніміз не болмақ?" Тасқыннан зардап шеккендердің әңгімесі

Қазақстандағы тасқын мыңдаған отбасыны күйзелтіп отыр. Әсіресе ауылды жерлер қатты зардап шекті: адамдар басындағы үйінен, тіршілік көзі етіп отырған малынан айырылды. Азаттық Ақтөбе, Атырау мен Батыс Қазақстан облыстарында үй-күйсіз қалып, әр жерді паналап отырған үш адаммен сөйлесті.

Петропавлға көп су келе жатыр. Қазіргі ахуал қандай?

Солтүстік Қазақстан облысында тасқынға байланысты жағдай ауыр деген ақпарат тарады. Петропавлға қарай көп мөлшерде су ағып келе жатыр, тағы 219 елді мекенге тасқын қаупі төніп тұр. Кейбір ауылдардың электр желісін мұз қиып, жарық өшкен. Облыстағы Сергеев су қоймасы 170 пайыз суға толды.

"Күзге дейін үйіме кіре алам ба, білмеймін..." Тасқыннан зардап шеккендердің талабы

Атырау облысы Жылыой ауданы Құлсары қаласында және Қостанай облысында тасқын салдарынан үйі суға кеткен, дүние-мүлкі бүлінген жұрт баспана мәселесін тез арада шешуді жергілікті биліктен талап етті. 10 сәуірдегі жағдай бойынша, елде су басқан өңірлерден 97 мыңнан астам адам эвакуацияланған.