26 маусым – нашақорлықпен күрес күні. Қазақстанда есірткі қылмысы бойынша сотталғандар арасында жастардың үлесі артып барады. Олардың көбі есірткі тасығаны үшін 10-15 жылға түрмеге қамалады. Туыстары олар шалыс басты деп жазасын жеңілдетуді сұрап жүр. Ірі қылмыскерлер жазасыз қалып, есірткі дерті артып барады дейді сарапшылар.
Бұл – мемлекет қаржысына жасалған, бірақ халық наразылығынан кейін қала ортасына орнатылмай, әлі күнге мүсіншінің гаражында тұрған ескерткіш және оның төңірегіндегі дау туралы хикая.
Былтыр жазда Қарағандыдағы арнаулы әлеуметтік көмек көрсету орталығында балалар жаппай уланып, екі науқас көз жұмды. Арада бір жыл өтсе де, балалардың неден уланғаны әлі анықталған жоқ, ешкім жауапқа тартылмады. Тергеу органдары Ресейдің көмегіне жүгінді.
Үкіметтің арнайы сайтында жарияланған көліктің утилизация алымына қарсы петиция 50 мыңнан астам азаматтың қолын жинап, тиісті мемлекеттік органның қарауына түсті. Оны қарастыратын жұмыс тобы құрылып, оның отырысына петиция авторлары шақырылып, жиынның форматы, жоспары көп дауға негіз болды.
Ақтөбеде 4 маусым күні үйінен шығып кеткен аутист бала төрт күннен соң Елек өзенінен өлі табылды. Бұл оқиға аутизм диагнозы қойылған жандардың басындағы жағдайға қоғам назарын аударды. Ресми мәлімет бойынша, елде 12 мыңнан астам аутист бала өмір сүріп жатыр.
Қазақстанда мұнай мен газ ғана өндірілмейді. Елде Менделеев кестесіндегі 118 элементтің 99-ы табылған. Бұл байлықтың бәрін біреулер өндіріп жатыр. Азаттық кімдер екенін анықтады. Толығырақ материалдан оқыңыз.
2024 жылғы 16 маусымда Алматыдағы Мұхтар Әуезов атындағы қазақ драма театрында қоғам қайраткері, ғалым Мұрат Әуезовпен қоштасу рәсімі өтті, сол жерде жаназасы шығарылды. Марқұм Алматының орталығындағы зиратта жатқан әкесінің қасына жерленді.
Батыс Қазақстан облысындағы жалғыз кәсіби футбол клубы "Ақжайық" 2024 жылы мемлекеттік бюджеттен ақша алмады. Футболшылар басқарушы компания есебінен ойнап жүр. Билік клубқа бөлінуге тиіс 400 миллион теңге (900 мың долларға жуық) су тасқыны шығындарын жабуға жұмсалды дейді.
Әскерде жүріп жұмбақ жағдайда қайтыс болған екі сарбаздың, комаға түскен бір жауынгердің аналары Алматыда баспасөз мәслихатын өткізіп, қылмыстық істер тергеуі сылбыр жүргізілетінін я мүлде қаралмайтынын айтты. Қаза болған сарбаздың анасы ресми медициналық сараптама қорытындысына сенбейді.
Қазақстанда кәмелетке толмаған жеткіншектер арасындағы қорлау, кемсіту, бопсалау, күш көрсету кейде баланың мезгілсіз ажалына себеп болады. Ресми дерек бойынша, биылғы жылдың алғашқы төрт айында кәмелетке толмағандарға қатысты мыңға жуық қылмыс, 11 мыңға жуық әкімшілік іс тіркелген. Балалар арасындағы буллингке ата-ана да, қоғам да жауапты дейді мамандар.
Саид Максимов Instagram желісінде Қазақстандағы ұйғырлар қауымының басын қосу мақсатымен Digital Yurt ("Цифрлы киіз үй") жобасын бастаған. Жоба аз ғана уақыт ішінде көптің қолдауына ие болғанына өзі де таңғалғанын айтады.
Тағы
