Украина президенті Владимир Зеленский жариялаған жеңіс жоспары туралы Батыс елдері реакция білдірді. Қазақстан президенті Қасым-Жомарт Тоқаев та екі елді келісімге келтіру туралы көзқарасын айтты. Ресей Украинаның бірнеше қаласына әуеден соққы берді.
Украина билігі Харьков облысындағы бірнеше елді мекен халқын басқа жаққа көшуге шақырды. Облыс басшылығы «әскери жағдай қиындағанын» айтады. Ал Украина президенті Киевтің Жеңіс жоспарын таныстырды. Жоспардың бірінші бөлімінде Украина соғыс аяқталғанға дейін НАТО-ға шақырту алуы керек деп жазылған.
Ресей Курск облысында қарымта шабуылын жалғастырып жатыр. Ал Украина Белгород облысымен шекарада ресейлік взводты құрттық деп мәлімдеді. Ресей президенті Путин Солтүстік Кореямен серіктестік туралы заңды мемлекеттік думаға ұсынды. Ресейде сотталған әскерилер көбейгені айтылды.
Ресей Курск облысында қайта қарымта шабуылға шығып жатыр. Бұл аймақта Украина әскеріне қоршауда қалу қаупі төнді. Киев Ресей Курск облысында тұтқынға түскен тоғыз украиналық солдатты өлтірді дейді.
Ресей бір күн ішінде Украинаның Запорожье, Кривой рог, Одесса қалаларына әуеден соққы берді. Ал аннексияланған Қырымда Украина шабуылынан кейін тағы бір мұнай қоймасы жарылды. Украина президенті Владимир Зеленский Еуропа елдерін аралап, жеңіс жоспарын таныстырып жүр.
10 қазанға қараған түні Ресейдің Краснодар аймағындағы қару-жарақ қоймасы өртенді. Украина осы аймақта дрондар сақталған қойманы жардық деп мәлімдеді. Украина президенті Еуропаға сапарында жақтастарымен кездесіп жүр. Ал Кремль бейбітшілік орнатудың өздері ұсынған шарттарын тағы қайталады.
Батыс елдері Киевке Ресей аумағына ATACMS, Storm Shadow сияқты ракета жүйелерімен шабуылдауға рұқсат бере ме? Украинаға рұқсат берілсе, Путин қалай жауап беруі мүмкін? Жалпы Украина мен Ресейдің қолында қандай ауыр ракеталар бар?
7 қазанға қараған түні аннексияланған Қырым түбегіндегі ірі мұнай базасы өртеніп, 300 адам эвакуацияланды. Times басылымы Ресей Солтүстік Корея ракеталарының көмегімен снаряд тапшылығын жауып жатыр дейді. Украина жағында соғысқан ресейлік белсенді майданда қаза тапты.
4 қазанда Ресейдің бірнеше облысында мұнай базалары өртенді. Курс облысына жақын Курчатов АЭС-і жанында да өрт болды. ВВС сайтының Орыс қызметі Ресей Угледардағы шайқаста кемі 2100 әскериінен айырылды дейді.
Ресей мен Украина 3 қазанға ауған түні бір-бірінің қалаларын атқылады. НАТО ұйымының жаңадан тағайындалған хатшысы Киевке келді. Ресей изоляторда отырған күдіктілерді майданға жіберуді ойластырып жатыр.
Ресей ұзақ шайқастан соң Украинаның Донбасстағы маңызды бекінісі Угледар қаласына бақылау орнатты. Ал Украина алдағы уақытта қару-жарақ жасауды күшейтпек.
Украина президенті Зеленский майдандағы жағдай қиын деп мәлімдеді. Ал қазір Украина мен Ресей әскері Донбасс аймағында кескілескен шайқас жүргізіп жатыр. Бұған қоса, Ресей Украинаның Херсон қаласын ракетамен атқылап, бірнеше адам қаза тапты.
Тағы
