Бліц-аналіз

Ці шмат засталося камуністычнага ў «Справядлівым сьвеце»?

Міністэрства юстыцыі 22 студзеня выдала пасьведчаньне аб рэгістрацыі Беларускай партыі левых «Справядлівы сьвет». Такім чынам, цяпер былая партыі камуністаў на чале зь Сяргеем Калякіным афіцыйна зьмяніла сваю назву. Рашэньне аб перайменаваньні было прынятае 25 кастрычніка мінулага году па выніках галасаваньня на пазачарговым зьезьдзе партыі. Якую палітычную нішу займае Беларуская партыя левых «Справядлівы сьвет»? Ці зьяўляецца яна тыповай партыяй левага, сацыял-дэмакратычнага накірунку ці камуністычная спадчына займае істотнае месца ў праграме і дзейнасьці гэтай партыі? На гэтыя пытаньні адказвае палітоляг Уладзімер Мацкевіч.

“Калі студэнтаў-платнікаў пачнуць браць у войска, Радзькоў застанецца без заробку”

Старшыня сталай камісіі па адукацыі, культуры, навуцы і навукова-тэхнічным прагрэсе Палаты прадстаўнікоў Уладзімер Здановіч прапануе адмяніць адтэрміноўку ад прызыву ў войска для студэнтаў-платнікаў і навучэнцаў платных аддзяленьняў. Калі такое рашэньне будзе прынятае, што гэта можа азначаць для вышэйшай адукацыі ў краіне, у тым ліку для матэрыяльнага ўзроўню ўнівэрсытэтаў? Ці рэальна, што студэнты могуць нейкім чынам выказаць свой пратэст супраць такой пэрспэктывы? На гэтыя пытаньні адказвае старшыня маладзёвай арганізацыі АГП «Маладыя дэмакраты», каардынатар кампаніі «За альтэрнатыўную грамадзянскую службу» Міхал Пашкевіч.

Чаго Беларусі варта асьцерагацца ў адносінах з Кітаем?

19 студзеня пачаўся рабочы візыт у Кітай намесьніка міністра замежных спраў Беларусі Сяргея Алейніка. «У рамках візіту адбылася сустрэча Сяргея Алейніка з генэральным сакратаром Шанхайскай арганізацыі супрацоўніцтва (ШАС) Муратбекам Іманаліевым, на якой абмеркаваны напрамкі супрацоўніцтва Беларусі з Арганізацыяй», — паведамілі ў МЗС. Якія інтарэсы — палітычныя, абаронныя, іншыя — мае Беларусь у гэтай структуры? Ці варта асьцерагацца надта шчыльнага эканамічнага супрацоўніцтва з Кітаем, ці варта пускаць кітайцаў на беларускі рынак? На гэтыя пытаньні адказвае дацэнт Маскоўскага дзяржаўнага інстытуту міжнародных адносін Кірыл Коктыш.

На што здольны новы кіраўнік Офісу АБСЭ?

18 студзеня прыступіў да выкананьня абавязкаў новы кіраўнік Офісу АБСЭ ў Менску нямецкі дыплямат Бэнэдыкт Галер. Чаму гэтую пасаду вось ужо чацьверты раз займае нямецкі дыплямат? Як разьвіваліся дачыненьні паміж афіцыйным Менскам і офісам АБСЭ і ў якой яны стадыі знаходзяцца цяпер? На гэтыя пытаньні адказвае экспэрт у міжнародных пытаньняў Андрэй Фёдараў.

Ці пасварыць Усхопчык Беларусь і Літву?

МЗС Літвы ўручыў Беларусі ноту ў сувязі з адмовай беларускай Генпракуратуры аказаць Літве юрыдычную дапамогу ў справе генэрала Ўладзімера Ўсхопчыка. У ноце сьцьвярджаецца, што прыведзенае Генпракуратурай абгрунтаваньне не адпавядае двухбаковым пагадненьням. Ці можа справа Ўсхопчыка сапсаваць беларуска-літоўскія дачыненьні? На гэтае ды іншыя пытаньні адказвае палітоляг Дзяніс Мельянцоў.

Залескі: Дэфіцыт гандлю ў 2010-м складзе 7 мільярдаў даляраў

У мінулым годзе нэгатыўнае адмоўнае сальда замежнага гандлю Беларусі вырасла да 5 мільярдаў даляраў. Ці можна верыць абяцаньням чыноўнікаў зьменшыць сёлета адмоўны дэфіцыт гандлю? Якім можа быць балянс замежнага гандлю ў канцы гэтага году? На гэтыя пытаньні адказвае эканаміст Міхал Залескі.

Нафта ў малацэ

«Рассельгаснагляд» прыняў рашэньне ўзмацніць кантроль за прадукцыяй 10 беларускіх прадпрыемстваў, якія займаюцца выпускам малочнай прадукцыяй.

Улады пакуль не гатовыя даць волю грамадзянскай супольнасьці

Для ліквідацыі артыкула 193-1 Крымінальнага кодэкса, які прадугледжвае адказнасьць за дзейнасьць ад імя незарэгістраванай арганізацыі, беларускім уладам не хапіла палітычнай волі, заявілі беларускія праваабаронцы на пасяджэньні круглага стала 21 сьнежня ў Мінску. Чаму улады так і не пайшлі на адмену скандальнага артыкулу? Ці пойдуць яны на гэта ў наступным годзе — годзе прэзыдэнцкай кампаніі? На гэтыя пытаньні адказвае Старшыня Беларускага Хэльсынскага камітэту Алег Гулак.

“Пакуль армія ня стане кантрактнай, студэнтаў будуць прызываць”

Студэнты і навучэнцы, якія атрымліваюць адукацыю на завочнай альбо вечаровай форме навучаньня, страцяць права на адтэрміноўку ад прызыву на вайсковую службу. Гэта вынікае са зьменаў, якія 18 сьнежня прынялі ў першым чытаньні дэпутаты Палаты Прадстаўнікоў у закон «Аб вайсковым абавязку і вайсковай службе».

28 рэзалюцый эўрапарлямэнту за 15 гадоў

17 сьнежня Эўрапарлямэнт бальшынёй галасоў прыняў рэзалюцыю ў справе Беларусі. Парлямэнт Эўрапейскага зьвязу выказаў шкадаваньне, што пасьля шэрагу станоўчых крокаў беларускіх уладаў няма істотнага прагрэсу ў галіне правоў і свабодаў. Якое значэньне можа мець гэта рэзалюцыя для палітыкі Эўразьвязу ў дачыненьні да Беларусі? Ці ёсьць нейкія істотныя адрозьненьні ў рэзалюцыях Эўрапарлямэнту, прынятых за апошнія гады? На гэтыя пытаньні адказвае палітоляг Андрэй Фёдараў.

“У наступным годзе праверак прадпрымальнікаў стане толькі больш”

Старшыня камітэту Дзяржаўнага кантролю Зянон Ломаць заяўляе, што законапаслухмяным прадпрымальнікам можна не баяцца праверак, а ўспрымаць іх як аўдытарскую дапамогу. Ці зьмянілася за апошні час сытуацыя з праверкамі прадпрымальнікаў? Ці можна сказаць, што колькасьць правяраючых суб’ектаў паменшылася і яны дзейнічаюць заўсёды ў адпаведнасьці з законам? На гэтыя пытаньні адказвае адзін з лідэраў прадпрымальніцкага руху Аляксандар Макаеў.

“Мы выкарыстоўваем энэргарэсурсы, як у СССР”

Нацыянальны статыстычны камітэт паведаміў, што адмоўнае сальда замежнага гандлю таварамі і паслугамі склала за 8 месяцаў гэтага году рэкордныя 4 мільярдаў 308 мільёнаў даляраў. Ці рэальна ў наступным годзе паменшыць гэтую лічбу, пра што заяўляюць улады? Як такі вялікі нэгатыўны балянс замежнага гандлю можа ўплываць на курс беларускага рубля? На гэтыя пытаньні адказвае эканаміст Міхал Залескі.

Фёдараў: Ніякіх вынікаў “Эўрапейскага партнэрства” пакуль ня бачым

8 сьнежня ў Брусэлі праходзіць сустрэча кіраўнікоў МЗС краін-удзельніц ініцыятывы «Ўсходняе партнэрства». Да гэтай падзеі камісар у справах гандлю і эўрапейскай палітыкі добрасуседзтва Эўразьвязу Бэніта Фэрэра-Вальднэр прымеркавала артыкул, апублікаваны сёньня інтэрнэт-рэсурсам «Беларускія навіны». Спадарыня Фэрэра-Вальднэр піша, што з гонарам можа назваць сябе маці «Усходняга партнэрства» і кажа пра першыя посьпехі ініцыятывы. Ці былі пасьпяховымі першыя паўгода існаваньня праекту «Усходняе партнэрства»? Як хутка можна чакаць увядзеньня бязьвізавага рэжыму паміж Беларусьсю і Эўразьвязам? На гэтыя пытаньні адказвае палітоляг Андрэй Фёдараў.

Лукашэнка абяцае 500 даляраў, праект бюджэту абвяргае яго

Прэзыдэнт Беларусі Аляксандар Лукашэнка сваім Указам зацьвердзіў парамэтры прагнозу сацыяльна-эканамічнага разьвіцьця на наступны год. У адпаведнасьці з Указам, прырост ВУП павінен скласьці 11-13 працэнтаў, прырост заробку — 13-14 працэнтаў. Намінальны налічаны сярэднямесячны заробак па народнай гаспадарцы да канца наступнага году павінен дасягнуць 500 даляраў у эквіваленце. Наколькі рэалістычныя гэтыя пляны, за кошт чаго магчыма дасягнуць такіх лічбаў? Што новага можна адзначыць у праекце бюджэту на наступны год? На гэтыя пытаньні адказвае эканаміст Леанід Злотнікаў.

Лукашэнка ніколі не адмаўляўся ад рыторыкі пра «малодшага брата»

Адступленьне ад палітыкі збліжэньня з Расеяй — гэта «палітычная сьмерць» Лукашэнкі«, — заявіў у чацьвер беларускі прэзыдэнт. Лукашэнка папрасіў, каб расейцы ставіліся да беларусаў як да малодшага брата — не кідалі, і ня крыўдзілі. Чаму прэзыдэнт Беларусі вярнуўся да такой вернападданіцкай лексыкі? Як Крэмль можа рэагаваць на такія рытарычныя жэсты? На гэтыя пытаньні адказвае рэдактар часопіса «Архэ» Валер Булгакаў.

Ці паабяцалі «Нафтан» расейцам?

Беларускія чыноўнікі назвалі шантажом заяву міністра энэргетыкі Расеі Сяргея Шматка, які зьвязаў умовы пастаўкі нафты ў Беларусь у удзелам расейскіх кампаніяў у прыватызацыі комплексу «Нафтан-Палімір». У інтэрвію Інтэрфаксу неназваны чыноўнік заявіў, што такая пазыцыя расейскага боку супярэчыць духу і літары стваранага Мытнага Саюзу. Ці можа Расея пайсьці на адмену льготнага рэжыму пастаўкі нафты ў Беларусь? Ці абяцала беларускае кіраўніцтва прыватызацыю Нафтана? На гэтыя ды іншыя пытаньні адказвае аглядальніца газэты «Белорусы и рынок» Тацяна Манёнак.

Ляховіч: Захад ня прыме гэтыя выбарчыя зьмены як дастатковы крок

Ці даюць зьмены ў выбарчае заканадаўства падставы казаць пра тое, што ў Беларусі могуць прайсьці больш свабодныя выбары? Ці будуць Захадам успрынятыя гэтыя зьмены як дастатковы крок на шляху да палітычнай лібэралізацыі? На гэтыя пытаньні адказвае палітоляг Андрэй Ляховіч.

Дырэктарат будзе зарабляць больш. А астатнія?

З 1 студзеня мае ўступіць у сілу пастанова, якая, на думку ўраду, скарачае адміністратыўны кантроль за заробкам кіраўнікоў прадпрыемстваў усіх формаў уласнасьці. У прыватнасьці, пастановай прадугледжваецца парадак усталяваньня падвышанага каэфіцыенту (звыш 5,0) для кіраўнікоў арганізацыяў прыватнай формы ўласнасьці, якія не ўваходзяць у сыстэму міністэрстваў, а таксама для кіраўнікоў банкаў. Ці можна назваць гэтае рашэньне крокам у бок лібэралізацыі эканомікі? Чаму разьнявольваюць заробак кіраўнікам, але не шараговым працаўнікам? На гэтыя пытаньні адказвае эканаміст Леанід Злотнікаў.

Чым Мядзьведзеў раззлаваў Лукашэнку?

АДС і БНБ — дыялёг глухіх

Кааліцыя Аб’яднаных дэмакратычных сілаў больш не існуе — заявіў на сваім пасяджэньні 21 лістапада ў Менску сойм Партыі БНФ. Як лічаць у БНФ, устаноўчыя дакумэнты аб стварэньні АДС цяпер не выконваюцца і фактычна страцілі сваю сілу. Ці мае права АДС заяўляць, што гэтая структура прадстаўляе беларускую апазыцыю? Ці ўдасца дамовіцца паміж сабой прадстаўнікам АДС і палітыкам, што гуртуюцца вакол Беларускага Незалежніцкага Блёка? На гэтыя пытаньні адказвае публіцыст Аляксандар Класкоўскі.

Якімі будуць дэпазытныя стаўкі па ўкладах?

Стаўка рэфінансаваньня Нацбанку Беларусі з 1 сьнежня будзе паменшаная на 0,5 працэнтнага пункта — з 14 да 13,5% гадавых, — паведаміў старшыня Нацбанку Пётар Пракаповіч. Пра якія тэндэнцыі ў беларускай эканоміцы сьведчыць гэты крок? Ці зьнізіцца прывабнасьць рублёвых укладаў у беларускіх банках? На гэтыя пытаньні адказвае эканаміст Міхал Залескі.

“Навумаў патрапіў у апалу ў Лукашэнкі”

Чым можна патлумачыць гучныя раздоры ў беларускім хакеі? Як можа паўплываць на выступ беларускай зборнай на Алімпіядзе канфлікт паміж Уладзімерам Навумавым і Міхаілам Захаравым? Наколькі дапамаглі “спорту нумар адзін” шматлікія дзяржаўныя фінансавыя ўліваньні? На гэтыя ды іншыя пытаньні адказвае спартовы журналіст Сяргей Аляхновіч.

Трэці сэктар ня хоча быць “трэцім лішнім”

Сёньня ў Брусэлі адкрыўся форум грамадзянскай супольнасьці “Ўсходняга партнэрства”. У ім бяруць удзел прадстаўнікі шасьці краінаў, запрошаных у гэтую праграму, у тым ліку Беларусі. Ці ўдалося прадстаўнікам грамадзянскай супольнасьці Беларусі выпрацаваць агульную пазыцыю і як яна выглядае? Ці пачуюць эўрапейскія палітыкі гэтую пазыцыю? На гэтыя пытаньні адказвае палітоляг Уладзімер Мацкевіч.

“За год не было прыцягнута амаль ніякіх інвэстыцыяў”

12—13 лістапада ў Менску праходзіць Беларускі інвэстыцыйны форум. Ці палепшыўся інвэстыцыйны клімат у краіне за апошні год? Якія асноўныя праблемы робяць беларускую эканоміку непрывабнай для замежных інвэстараў? На гэтыя пытаньні адказвае эканаміст Інстытуту прыватызацыі і мэнэджмэнту Аляксандар Чубрык.

2000 даляраў у месяц? Не пры існуючым ладзе

“Беларусь трэба адкрыць для інвэстараў”. Пра гэта заявіў старшыня праўленьня Нацыянальнага банка Беларусі Пётр Пракаповіч 11 лістапада на сэмінары Палаты прадстаўнікоў. Пракаповіч таксама заявіў, што праз 10 гадоў Беларусь можа выйсьці на сярэднеэўрапейскі ўзровень жыцьця, зь сярэднім заробкам 2000 даляраў. Наколькі рэалістычныя гэтыя пляны? Ці створаныя ўмовы для хуткага эканамічнага росту і прытоку інвэстыцыяў? На гэтыя пытаньні адказвае эканаміст Зьміцер Бабіцкі.

Калінкіна: “Час, калі Расеі вельмі патрэбна было гэтае прызнаньне, ужо прайшоў”

Сьпікер Дзярждумы Расеі Барыс Грызлоў 6 лістапада вітаў стварэньне ў Нацыянальным сходзе Беларусі спэцыяльнай рабочай групы, якая зоймецца падрыхтоўкай да разгляду пытаньня аб прызнаньні Паўднёвай Асэтыі і Абхазіі. Ці спрабуе Менск магчымым прызнаньнем гэтых рэспублік шантажаваць эўрапейскіх палітыкаў за некалькі дзён да разгляду пытаньня аб санкцыях супраць беларускіх чыноўнікаў? Ці магчыма ўвогуле прызнаньне Беларусьсю незалежнасьці Паўднёвай Асэтыі і Абхазіі, улічваючы ўсе плюсы і мінусы такога рашэньня? На гэтыя пытаньні адказвае шэф-рэдактар газэты “Народная воля” Сьвятлана Калінкіна.

Фядута: “Макей выступаў як пераможца”

Ці можна сказаць, што кіраўнік Адміністрацыі Прэзыдэнта Беларусі Ўладзімер Макей выступаў на менскім форуме з пазыцыі сілы? Ці можна сказаць, што афіцыйны Менск ужо ня вельмі хвалюе тое, якім будзе рашэньне кіраўнікоў краінаў Эўразьвязу наконт санкцыяў да беларускага кіраўніцтва?

“Нямецкія інвэстары ня могуць адчуваць сябе ў Беларусі як дома”

На сустрэчы з дэлегацыяй дзелавых колаў Нямеччыны Аляксандар Лукашэнка запрасіў замежных бізнэсоўцаў да ўдзелу ў прыватызацыі беларускіх прадпрыемстваў. Разам з тым кіраўнік Беларусі адзначыў: “Ня трэба спадзявацца, што Беларусь пойдзе на прыватызацыю сваёй уласнасьці за бесцань… Прыходзьце і працуйце так, як вы працуеце на нямецкай зямлі. І тады ў нас усё атрымаецца”. Чаму мы ўсё часьцей чуем заявы ад беларускага кіраўніцтва пра гатоўнасьць пайсьці на прыватызацыю, але ня чуем паведамленьняў пра канкрэтныя ўгоды? Ці варта прадаваць прадпрыемствы ў крызіс, а калі варта — то каму? На гэтыя пытаньні адказвае эканаміст, выкладчык Беларускага нацыянальна-тэхнічнага ўнівэрсытэту Аляксандар Кавалёў.

Менску цяжка знайсьці “залатую сярэдзіну” паміж Захадам і Ўсходам

“Удзел Беларусі ў агульнаэўрапейскіх працэсах не павінен перакрэсьліць выгады ад інтэграцыі з краінамі СНД”, — заявіў у панядзелак Аляксандар Лукашэнка на нарадзе па пытаньнях разьвіцьця адносінаў з Эўразьвязам. Ці магчыма збалянсаваць усходні і заходні вэктары ў беларускай замежнай палітыцы? Ці азначаюць выказваньні Аляксандра Лукашэнкі, што афіцыйны Менск больш не жадае ісьці на палітычныя саступкі? На гэтыя пытаньні адказвае палітоляг Андрэй Фёдараў.

Навошта беларускія ўлады скардзяцца на Эўразьвяз?

Адсутнасьць дзеючага Пагадненьня аб партнэрстве і супрацоўніцтве Эўразьвязу зь Беларусьсю падрывае інтарэсы абодвух бакоў. Пра гэта заявіў сёньня начальнік галоўнага ўпраўленьня Эўропы ў Міністэрстве замежных спраў Беларусі Аляксей Скрыпко, выступаючы на навуковай канфэрэнцыі “Беларусь у сучасным сьвеце”. Спадар Скрыпко таксама спасылаўся на праблему атрыманьня беларускімі грамадзянамі шэнгенскіх візаў, на кватаваньне імпарту пэўных відаў беларускіх тавараў ды іншыя праблемы беларуска-эўрапейскіх дачыненьняў. Хто на самой справе найперш вінаваты ў наяўнасьці такіх праблемаў, у чым першапрычына іх зьяўленьня? Ці сапраўды афіцыйны Менск прыкладае намаганьні, каб скасаваць гэтыя перашкоды? На гэтыя пытаньні адказвае экспэрт у міжнародных справах Алесь Лагвінец.

Чым расплаціцца Сідорскі з Пуціным?

28 кастрычніка ў Маскве сустрэнуцца прэм’ер-міністры Беларусі і Расеі Сяргей Сідорскі і Ўладзімер Пуцін. Заплянаваныя перамовы паміж беларускай і расейскай дэлегацыямі, а таксама паседжаньне Савету міністраў “саюзнай дзяржавы”. Якія пытаньні сёньня зьяўляюцца галоўнымі ў беларуска-расейскіх эканамічных дачыненьнях? Што можа патрабаваць Масква ў адказ на эканамічныя пажаданьні Менску? На гэтыя пытаньні адказвае шэф-рэдактар газэты “Народная воля” Сьвятлана Калінкіна.

Ці вернуць Беларусі прэфэрэнцыі?

27-29 кастрычніка дырэктар Міжнароднага бюро працы Кары Тапіёла наведае Беларусь для кансультацыяй аб выкананьні Беларусьсю рэкамэндацыяў Міжнароднай арганізацыі працы (МАП). Ці мае падставы афіцыйны Менск дабівацца вяртаньня Беларусі ў Генэральную сыстэму прэфэрэнцыяў Эўразьвязу? У якім стане зараз знаходзяцца незалежныя прафсаюзы? На гэтыя пытаньні адказвае галоўны рэдактар інтэрнэт-газэты “Салідарнасьць” Аляксандар Старыкевіч.

“Новы блёк ствараецца “пад Мілінкевіча”

27 кастрычніка адбудзецца прэзэнтацыя новай палітычнай кааліцыі, якая будзе называцца “Беларускі незалежніцкі блёк”. Новы блёк утвараюць Рух “За свабоду”, Беларуская хрысьціянская дэмакратыя, Партыя БНФ, “Малады фронт”, Партыя свабоды і прагрэсу, “Правы альянс”, “Маладая Беларусь”, “Маладыя дэмакраты”. Ці стане новая кааліцыя альтэрнатывай Аб’яднаным дэмакратычным сілам, як могуць складацца дачыненьні паміж двума апазыцыйнымі блёкамі? Ці можна сказаць, што новае аб’яднаньне ўтвараецца дзеля падтрымкі Аляксандра Мілінкевіча на наступных прэзыдэнцкіх выбарах? На гэтыя пытаньні адказвае палітычны аглядальнік газэты “Белорусы і рынок” Паўлюк Быкоўскі.

Лукашэнка хоча абмежаваць насельніцтва сталіцы

Аляксандар Лукашэнка запатрабаваў абмежаваць прыток людзей у Менск. Пра гэта ён заявіў сёньня, калі наведваў новы жылы раён сталіцы – Каменная горка. Прэзыдэнт сказаў, што “нельга зьбіраць у цэнтры ўвесь народ”. Ці нармальна тое, што пятая частка насельніцтва Беларусі жыве ў сталіцы? Хто рэгулюе прыток людзей з рэгіёнаў у Менск? На гэтыя пытаньні адказвае Аляксандар Сасноў -- міністар сацыяльнай абароны і працы ва ўрадзе Міхаіла Чыгіра.

“Рост ВУП на 11-12 працэнтаў — гэта пражэкты”

Рэальныя грашовыя даходы насельніцтва ў 2010 годзе могуць быць павялічаны на 11-12%. Гэта прадугледжана мэтавым праектам прагнозу сацыяльна-эканамічнага разьвіцьця Беларусі на 2010 год. Ці выглядаюць праўдападобнымі гэтыя пляны ўраду? На колькі можна зьмяніцца валавы ўнутраны прадукт краіны ў наступным годзе? На гэтыя пытаньні адказвае эканаміст Барыс Жаліба.

“Улада пераадольвае алергію на беларускасьць”

Аляксандар Лукашэнка прыняў сёньня рашэньне пра тое, што выбарчае заканадаўства Беларусі будзе лібэралізавана. Пра гэта прэзыдэнт Беларусі заявіў пасьля сустрэчы з старшынёй ЦВК Лідзіяй Ярмошынай. Заяўлена, што Цэнтарвыбаркам унясе шэраг прапановаў, накіраваных на ўвасабленьне некаторых прапаноў АБСЭ і беларускіх палітычных партый. Ці могуць гэтыя зьмены рэальна прывесьці да лібэралізацыі выбарчага працэсу? Ці варта гэтую заяву Лукашэнкі паставіць у агульны шэраг з некаторымі апошнімі крокамі ўлады, такімі як беларусізацыя тэлебачаньня і ўказ аб кантрольнай дзейнасьці? На гэтыя пытаньні адказвае публіцыст Аляксандар Класкоўскі.

“Ніякай магчымасьці правесьці праймэрыз няма”

Апазыцыйныя беларускія палітыкі ў Вільні абмеркавалі 15 кастрычніка сытуацыю напярэдадні прэзыдэнцкіх выбараў, Паводле аднаго з удзельнікаў сустрэчы лідэра АГП Анатоля Лябедзькі, на сустрэчы абмяркоўвалася пытаньне аб вылучэньні адзінага кандыдата ад апазыцыі. Было вырашана, што праймэрыз — галасаваньне па выбары адзінага кандыдата — пройдзе з 5 красавіка па 5 траўня наступнага году. Наколькі мэтазгодна менавіта праз працэдуру праймэрыз вызначаць патэнцыйнага кандыдата ад дэмакратычных сілаў? Якія іншыя шляхі вылучэньня магчымыя? На гэтыя пытаньні адказвае палітоляг Уладзімер Мацкевіч.

Калі Эўропа адменіць візы для беларусаў?

Эўракамісія лічыць пэрспэктыўным пытаньне аблягчэньня візавага рэжыму для грамадзян Беларусі. Пра гэта паведаміў на прэсавай канфэрэнцыі часовы павераны ў справах Эўракамісіі ў Беларусі Жан-Эрык Гольцапфэль. “Першым крокам магло быць пагадненьне аб аблягчэньні візавага рэжыму і зьніжэньні кошту візаў. Наступны крок — увядзеньне бясплатных візаў і працяг працы для дасягненьня канцавога этапу — адмены візавага рэжыму” — адзначыў спадар Гольцапфэль. Ці можна сказаць, што Эўразьвяз паставіў сваёй стратэгічнай мэтай адмену візавага рэжыму з Беларусьсю? Калі і пры якіх умовах гэта можа стаць адмена візаў для беларусаў можа стаць рэальнасьцю? На гэтыя пытаньні адказвае палітоляг Андрэй Фёдараў.

“За свае ўклады ў банках варта пачаць хвалявацца”

Нацыянальны банк Беларусі заяўляе пра “значную пагрозу” бясьпекі банкаўскай сыстэмы краіны і чакае ад ураду неадкладных захадаў у справе стабілізацыі дзяржбанкаў. З адпаведным лістом да прэм’ер-міністра Сяргея Сідорскага зьвярнуўся старшыня праўленьня НББ Пётар Пракаповіч. Пра што сьведчыць той факт, што Нацыянальны Банк выступае з крытыкай ураду краіны? Ці могуць грамадзяне Беларусі быць упэўненымі у надзейнасьці сваіх укладаў у беларускіх банках? На гэтыя пытаньні адказвае эканаміст, кіраўнік Цэнтру Мізэса Яраслаў Раманук.

Ці адменяць Артыкул 193-1 да паседжаньня Рады Эўразьвязу?

Міністар юстыцыі Беларусі Віктар Галаванаў заявіў 8 кастрычніка ў Менску, што Мінюст абмяркоўвае магчымасьць адмены артыкула 193-1 Крымінальнага Кодэксу з актывістамі палітычных партый і прадстаўнікамі грамадзянскай супольнасьці.

Танны газ у абмен на Мытны саюз?

Беларусь хацела б захаваць ільготы ў цане на расейскі газ да 2014 году замест плянаванага 2011-га, — паведаміла Прайм-ТАСС са спасылкай на крыніцу ў Газпроме. Як вядома, паводле беларуска-расейскага пагадненьня, пераход на эўрапейскія цэны на расейскі газ павінен быў паступова адбыцца да 2011 году, але цяпер беларускія ўдзельнікі перамоваў хочуць перанесьці гэтую дату яшчэ на 3 гады. Наколькі моцныя аргумэнты беларускага боку, на чыім баку зараз палітычная перавага ў перамовах? Колькі можа каштаваць газ для Беларусі ў наступным годзе? На гэтыя пытаньні адказвае аглядальнік газэты “Белорусы і рынок” Тацяна Манёнак.

Ці апраўдаюцца спадзяваньні Лукашэнкі на Мядзьведзева?

Якія словы былі галоўнымі падчас сустрэчы Ўладзімера Пуціна і Сяргея Сідорскага? Ці можна сказаць, што Аляксандар Лукашэнка зрабіў стаўку на Дзьмітрыя Мядзьведзева? Ці можа Мядзьведзеў адыйсьці ад той палітыкі, якую праводзіў апошнія гады ў дачыненьні да Беларусі Ўладзімер Пуцін? На гэтыя пытаньні адказвае дацэнт Маскоўскага дзяржаўнага інстытуту міжнародных дачыненьняў Кірыл Коктыш з Масквы.

“Пазыцыя Італіі да Беларусі ёсьць трывожным званком”

Кіраўнік прадстаўніцтва Эўракамісіі ў Беларусі і ва Украіне Жазэ Мануэль Пінту Тэйшэйра адзначыў «пэўны прагрэс» па дэмакратызацыі Беларусі. Пра гэта ён заявіў 5 кастрычніка ў Ветцы, адказваючы на пытаньні журналістаў. Ці даюць апошнія падзеі падставы пагадзіцца з заявай спадара Тэйшэйры? Ці не гатовыя некаторыя эўрапейскія структуры і палітыкі дзеля паляпшэньня адносінаў з Менскам зачыняць вочы на пэўныя нэгатыўныя факты? Чым можна патлумачыць асаблівую пазыцыю Італіі? На гэтыя пытаньні адказвае палітоляг Алесь Лагвінец

Чаму Праваслаўная царква выступіла супраць БТ?

“Пакуль апазыцыя ня можа быць трэцім бокам перамоваў”

1 кастрычніка дэпутаты Парлямэнцкай асамблеі Рады Эўропы адхілілі прапанову пазбавіць Расею права голасу ў ПАРЭ за нежаданьне Масквы выконваць рэзалюцыі асамблеі пра наступствы вайны паміж Грузіяй і Расеяй. Як можна ацаніць гэтую пастанову ПАРЭ, ці паспрыяе яно дыялёгу паміж Расеяй і эўрапейскімі краінамі? Ці можна параўнаць гэтае рашэньне і стаўленьне Парлямэнцкай асамблеі да афіцыйнага Менску? На гэтыя пытаньні адказвае палітычны аналітык Андрэй Ляховіч.

“Патрэбны не пікеты, а вяртаньне ў сыстэмную палітыку”

Сёньня Аб’яднаныя дэмакратычныя сілы Беларусі плянавалі правесьці 400 “антыкрызісных” пікетаў. Але паколькі ўлады іх не дазволілі, то актывісты апазыцыі без дазволу выходзілі на прахадныя заводаў і раздавалі там інфармацыйныя матэрыялы. Некаторыя зь іх, у тым ліку лідэры партыяў Сяргей Калякін і Анатоль Лябедзька, былі затрыманыя. Як можна ацаніць эфэктыўнасьць такіх акцыяў, наколькі яны мэтазгодныя? Што сёньня найперш патрэбна апазыцыі — выходзіць да людзей зь пікетамі ці імкнуцца вярнуцца ў сыстэмную палітыку? На гэтыя пытаньні адказвае публіцыст Аляксандар Класкоўскі.

“Ваенная інтэграцыя — адзінае, дзе бакі заходзяць паразуменьне”

Як можна ацаніць вынікі вучэньняў “Захад-2009”, якія палітычныя наступствы можа мець такі высокі ўзровень беларуска-расейскага ўзаемадзеяньня ў ваеннай сфэры? Ці выпадкова менавіта ў дзень прыезду Дзьмітрыя Мядзьведзева ў Беларусь стала вядома, што пытаньне аб прызнаньні незалежнасьці Абхазіі і Паўднёвай Асэтыі пакуль не ўвайшло ў парадак дня чарговай сэсіі Палаты Прадстаўнікоў? На гэтыя пытаньні адказвае палітоляг Андрэй Фёдараў.

Інвэстараў стрымлівае прысутнасьць дзяржавы ў эканоміцы

Наколькі актыўна ў Беларусі ідзе працэс прыватызацыі, якія падыходы ў гэтым пытаньні мае беларускае кіраўніцтва? Ці дае прыватызацыя што-небудзь беларускаму бюджэту? На гэтыя пытаньні адказвае эканаміст Барыс Жаліба.

“Ня тая сытуацыя, каб ЗША рабілі крокі назад..”

“Бог з машыны” Выбарчага кодэксу

Аб'яднаныя дэмакратычныя сілы (АДС) Беларусі маюць намер дабівацца вынясеньня пытаньня аб зьменах у выбарчае заканадаўства на шырокае абмеркаваньне. Як паведаміў лідэр Аб'яднанай грамадзянскай партыі Анатоль Лябедзька, дэмакратычныя сілы будуць прапаноўваць Бюро дэмакратычных інстытутаў і правоў чалавека АБСЭ ўзяць на сябе ініцыятыву па правядзеньні канфэрэнцыі, дзе ўсе зацікаўленыя бакі абмяркуюць Выбарчы кодэкс, пытаньні яго карэкціроўкі. Наколькі рэальнай выглядае магчымасьць зьмяніць выбарчае заканадаўства да прэзыдэнцкіх выбараў? Ці будзе апазыцыя байкатаваць выбары, калі ўлады так і ня пойдуць ні на якія істотныя зьмены? На гэтыя пытаньні адказвае палітоляг Юры Чавусаў.