Бліц-аналіз

“Калі эканоміка сёлета ўпадзе да дна, то ў 2010 можа быць і рост”

Прэзыдыюм Савета Міністраў у цэлым ухваліў праект бюджэту на 2010 год. Заяўлена, што бюджэт будзе захоўваць сацыяльную накіраванасьць. Наколькі абгрунтаваныя разьлікі ўрадавых адмыслоўцаў, ці выглядае рэальным прагноз росту беларускай эканомікі ў наступным годзе? На гэтыя пытаньні адказвае эканаміст Леанід Злотнікаў.

Дзе Сідорскі ўбачыў антыкрызісную праграму?

Ці Беларусь сапраўды хоча ўступаць у СГА?

Міністар эканамічнага разьвіцьця Расеі Эльвіра Набіўліна заявіла, што Расея, Беларусь і Казахстан створаць адзіную камісію для перамоваў ад уступленьні у Сусьветную гандлёвую арганізацыю (СГА). Праз колькі гадоў Беларусь можа ўступіць у гэтую арганізацыю? Наколькі мэтазгодная ідэя ўступаць у СГА разам з Расеяй і Казахстанам? На гэтыя ды іншыя пытаньні адказвае аглядальнік газэты "Белорусы і рынок" Тацяна Манёнак

"Беларусь траціць шанц гуляць на процістаяньні Расеі і ЗША"

Прэзыдэнт ЗША Барак Абама заявіў, што Злучаныя Штаты вырашылі не разьмяшчаць элемэнты проціракетнай абароны на тэрыторыі Польшчы і Чэхіі. Ці мяняецца геапалітычнае значэньне Беларусі на фоне гэтага рашэньня Вашынгтону? Якія мэты ставіць перад сабой афіцыйны Менск, праводзячы маштабныя беларуска-расейскія вайсковыя вучэньні, узмацняючы ваеннае супрацоўніцтва з Расеяй? На гэтыя пытаньні адказвае дацэнт Маскоўскага дзяржаўнага інстытуту міжнародных адносін Кірыл Коктыш.

“Лукашэнка сам прызнаўся, што нікому не давярае”

17 верасьня прэзыдэнт Беларусі Аляксандр Лукашэнка і дзяржсакратар гэтак званай Саюзнай дзяржавы Павел Барадзін абмеркавалі пытаньні парадку дня будучага пасяджэньня Вышэйшай Дзяржаўнай Рады. Як паведамляе прэсавая служба кіраўніка беларускай дзяржавы, на сустрэчы разглядаўся праект Канстытуцыйнага акта, у прыватнасьці формы і мэтады саюзнага будаўніцтва. Ці ёсьць нейкія падставы гаварыць, што Менск і Масква могуць прасунуцца наперад ў пытаньні Канстытуцыйнага Акту, якое безвынікова абмяркоўваецца ўжо колькі гадоў. Ці здольны Крэмль зрабіць Лукашэнку такую прапанову, ад якой той ня здолее адмовіцца? На гэтыя пытаньні адказвае шэф-рэдактар газэты “Народная воля” Сьвятлана Калінкіна.

"Праўда можа ўсплыць, калі пачнуць зьліваць Лукашэнку"

Як адлюстроўваецца ў грамадзкай думцы тэма зьніклых апазыцыйных палітыкаў? Ці ўдалося ўладам выпрацаваць нейкі прымальны мэханізм адказу на гэтыя нязручныя пытаньні? Ці магчымае раскрыцьцё праўды аб зьніклых пры сёньняшняй беларускай уладзе? На гэтыя пытаньні адказвае публіцыст Вадзім Казначэеў.

Вылучэньне Баршчэўскага — спроба рэваншу ўнутры БНФ?

На агульным сходзе менскай гарадзкой арганізацыі Партыі БНФ абвешчана рашэньне стварыць ініцыятыўную групу па вылучэньні былога старшыні Партыі БНФ Лявона Баршчэўскага кандыдатам на будучыя прэзыдэнцкія выбары. Як можна ацаніць вылучэньне Лявона Баршчэўскага фактычна насуперак рашэньню апошняга зьезду БНФ? Ці можна сьцьвярджаць, што Баршчэўскі здольны зьяднаць вакол сябе людзей, прайсьці шлях збору і стаць рэальным кандыдатам? На гэтыя ды іншыя пытаньні адказвае рэдактар часопісу “Архэ” Валер Булгакаў.

Злотнікаў: ВУП за паўгоду ўпаў ня менш як на 8%

Ці перамогуць улады імпарт?

Беларускія ўлады спрабуюць наладзіць выраб імпартазамяшчальнай прадукцыі й істотна скараціць імпарт. У жніўні была нават прынятая пастанова № 1000 з грыфам “для службовага карыстаньня” згодна зь якой закупкі па імпарце дзяржаўнымі ўстановамі дазваляюцца толькі па ўзгадненьні з вышэйшым начальствам. Ці прынясуць посьпех адміністратыўныя меры ў барацьбе з імпартам? Пра гэта Алесь Дашчынскі гутарыць з эканамістам Барысам Жалібам.

Лагвінец: Аўтарытарная Беларусь — пагроза бясьпецы Літвы

Літоўскі МЗС афіцыйна пацьвердзіў, што 16 верасьня, на запрашэньне літоўскага боку, Вільню з рабочым візытам наведае кіраўнік Беларусі Аляксандар Лукашэнка. Плянуецца яго сустрэча з прэзыдэнтам Літвы Даляй Грыбаўскайтэ і ўдзел у адкрыцьці літоўска-беларускага эканамічнага форуму. Апошнім разам беларускі кіраўнік меў афіцыйную сустрэчу з прэзыдэнтам Літвы Валдасам Адамкусам — на беларуска-літоўскай мяжы ў пункце пропуску Каменны лог — Меднікі (Мэдынінкай ) у лістападзе 1998 года. Чаму цяпер яго зьбіраюцца прымаць у Вільні? Пра гэта Алесь Дашчынскі гутарыць з палітолягам Алесем Лагвінцом.

Злотнікаў: колькасьць валюты ў краіне зьмяншаецца

Ад 10 верасьня на беларускіх аўтазапраўках падвышаюцца кошты на паліва ў сярэднім на 10%. Адпаведныя распараджэньні канцэрну “Белнафтахім” ўжо паступілі на АЗС. Афіцыйна асноўнай прычынай падвышэньня коштаў называецца стратнасьць рэалізацыі нафтапрадуктаў на ўнутраным рынку. Што азначае гэтае падвышэньне цэнаў для беларускай эканомікі, чым яно выклікана і якія яго наступствы? Пра гэта Алесь Дашчынскі гутарыць з эканамістам Леанідам Злотнікавым.

Алесін: Для акупацыі трэба кантынгент у 300 тысяч

Сёньня пачаліся беларуска-расейскія ваенныя вучэньні "Захад-2009"

“БНФ на сёньняшні дзень задае моду”

Новае кіраўніцтва Партыі БНФ заявіла пра паніжэньне прадстаўніцтва Партыі БНФ у складзе АДС, пра выхад з працэдуры АДС у справе абраньня адзінага кандыдата і пра стварэньне нацыянальна-дэмакратычнага блёку. Ці прывядзе гэта да перафарматаваньня аб’яднаных дэмакратычных сілаў? Пра гэта Алесь Дашчынскі гутарыць з мэтадолягам Уладзімерам Мацкевічам.

Ад’езд Шміта – перамога апазыцыі

Пра што сьведчыць сэнсацыйнае выказваньне кіраўніка Адміністрацыі прэзыдэнта Ўладзімера Макея? Ці можна лічыць, што афіцыйны Менск незадаволены ад’ездам Ганса-Ёхэна Шміта? Разважае Віталь Цыганкоў.

Ці ёсьць альтэрнатыва расейскім энэргарэсурсам?

Аляксандар Лукашэнка заявіў сёньня пра неабходнасьць уважлівага вывучэньня праектаў, зьвязаных з альтэрнатыўнымі пастаўкамі ў Беларусь энэргарэсурсаў, у тым ліку нафтаправоду “Адэса — Броды”. Ці можа праект “Адэса — Броды” запрацаваць ужо ў найбліжэйшы час, або гэта даволі далёкая пэрспэктыва?

Місія АБСЭ зрабіла сваю справу? Місія можа сыходзіць?

Кіраўнік адміністрацыі прэзыдэнта Беларусі Ўладзімер Макей сустрэўся з кіраўніком офісу АБСЭ ў Менску Гансам-Ёхэнам Шмідтам 2 верасьня.

“Фобіі стрымліваюць Маскву ад замяшчэньня ўлады ў Беларусі”

Прэм'ер-міністар Расеі Ўладзімер Пуцін назваў "некарэктным" пытаньне пра тое, чаму Масква падтрымлівае кіраўніка Беларусі Аляксандра Лукашэнку, а не дэмакратычныя сілы гэтай краіны.

“Выконваць парады МВФ уладам небясьпечна”

Міжнародны валютны фонд прапануе «значна скараціць дзяржаўнае ўмяшаньне ў эканоміку Беларусі». Пра гэта гаворыцца ў абнародаванай фондам заключнай запісцы місіі МВФ, якая ў канцы жніўня праводзіла ў Мінску кансультацыі. Экспэрты фонду таксама лічаць неабходным правесьці лібэралізацыю заработнай платы, прапануюць беларускім уладам адмовіцца ад устанаўленьня абавязковых колькасных мэтавых паказчыкаў на макраэканамічным узроўні і ўзроўні прадпрыемстваў. Ці гатовыя беларускія ўлады выконваць гэтыя рэкамэндацыі МВФ? Як можна спрагназаваць далейшы лёс супрацоўніцтва афіцыйнага Менску з Фондам? Адказвае эканаміст Леанід Злотнікаў.

Паўгода новаму закону аб СМІ — “магло быць і горш”

8 жніўня спаўняецца паўгода з моманту ўступленьня ў сілу новага закону “Аб сродках масавай інфармацыі”. З гэтай нагоды служба маніторынгу Беларускай асацыяцыі журналістаў прааналізавала сытуацыю з прымяненьнем нормаў закону і зрабіла пэўныя высновы. Ці можна сказаць, што не апраўдаліся катастрафічныя прагнозы наконт дзеяньня новага закону? Ці пашырыліся магчымасьці для незалежнай прэсы і ці ўмее яна імі карыстацца?

Што стаіць за адменай пастановы 991?

Беларускі ўрад на даручэньне Аляксандра Лукашэнкі разгледзеў сытуацыю, што склалася пасьля прыняцьця пастановы №991, і 4 жніўня яе адмяніў.

"Прарасейскія заявы Калякіна разбураюць АДС"

Ці можна назваць заявы Сяргея Калякіна пачаткам ягонай прэзыдэнцкай выбарчай кампаніі? Як могуць адрэагаваць на такую пазыцыю партнэры па апазыцыі?

“Пэрыяд, калі Расея брала ўсё беларускае — прайшоў”

Чаму ў беларуска-расейскіх адносінах апошняга часу пэрыядычна выбухаюць розныя таварныя войны — малочная, камбайнавая, цяпер мясная? Ці сапраўды асаблівае, ільготнае стаўленьне да беларускай прадукцыі зьмянілася на звычайнае, канкурэнтнае? На гэтыя ды іншыя пытаньні адказвае шэф-рэдактар газэты “Народная воля” Сьвятлана Калінкіна.

Хто каго: Мінпрацы ці Мінэканомікі?

Прыватныя прадпрыемствы могуць быць вызваленыя ад адзінай тарыфнай сеткі фармаваньня заробкаў, — паведаміў намесьнік міністра эканомікі Андрэй Тур. Ці здольныя ўлады пайсьці насустрач прадпрымальнікам і адмовіцца ад адміністратыўнага кантролю за заробкамі? Чаму іншыя ведамствы актыўна супраціўляюцца гэтай прапанове міністэрства эканомікі? На гэтыя пытаньні адказвае юрыст, актывіст прадпрымальніцкага руху Сяргей Балыкін.

У.Роўда: “Лукашэнка вучыцца ў Пуціна”

Чаму ўлады ня могуць (ня хочуць) спыніць палітрэпрэсіі?

Чаму беларускія ўлады працягваюць рэпрэсіі, не зважаючы нават на паляпшэньне адносінаў з Захадам і абвешчаную лібэралізацыю? Або прычына тут у інэрцыйнасьці рэпрэсіўнай машыны? На гэтыя ды іншыя пытаньні адказвае палітоляг, галоўны рэдактар газэты “Новы час” Аляксей Кароль.

Ці магчыма павялічыць крэдытаваньне насельніцтва?

14 ліпеня старшыня праўленьня Нацыянальнага банку Пётр Пракаповіч дакладваў прэзыдэнту Беларусі аб выніках працы банкаўскай сыстэмы ў першым паўгодзьдзі. Пракаповіч паведаміў, што за шэсьць месяцаў ваганьне курсу беларускага рубля ў адносінах да кошыка замежных валют было ў межах калідора +/- 5%. На думку старшыні Нацбанку, найбліжэйшым часам неабходнасьці выходзіць за гэтыя межы няма. Ці магчыма захаваць адносную стабільнасьць беларускага рубля без далейшых замежных крэдытаў? Ці могуць беларускія банкі выканаць даручэньне Аляксандра Лукашэнкі павялічыць крэдытаваньне насельніцтва? На гэтыя пытаньні адказвае эканаміст Барыс Жаліба.

“Масква будзе падводзіць Беларусь да небясьпечнай мяжы…”

Абвешчана, што ад 1 студзеня імпартаваныя ў Расею вялікагрузныя аўтамабілі павінны абсталёўвацца рухавікамі стандарту “эўра-4”. Такім чынам, узьнікае пагроза, што Расея можа адмовіцца ад імпарту беларускіх МАЗаў. Чаму апошнім часам гандлёвыя вайны паміж Масквой і Менскам узьнікаюць з пасьлядоўнай пэрыядычнасьцю? Ці зацікаўленая Расея ў падрыве эканамічнай стабільнасьці Беларусі? На гэтыя пытаньні адказвае з Масквы палітоляг Кірыл Коктыш.

Беларуская піраміда: бярэм новыя крэдыты, каб вяртаць старыя

Замежная дзяржаўная запазычанасьць Беларусі на 1 чэрвеня склала крыху больш за пяць мільярдаў даляраў і вырасла з пачатку году на 1 мільярд 300 мільёнаў, паведаміў сёньня міністар фінансаў Андрэй Харкавец. Наколькі небясьпечным зьяўляецца хуткі рост замежнай запазычанасьці? Ці дапамагаюць новыя крэдыты беларускай эканоміцы? На гэтыя ды іншыя пытаньні адказвае эканаміст Леанід Злотнікаў.

“Складскія запасы і даюць рост ВУП”

Сёньня прэм'ер-міністар Беларусі Сяргей Сідорскі дакладваў Аляксандру Лукашэнку пра працу беларускай эканомікі за першае паўгодзьдзе. Паведамляецца, што валавы ўнутраны прадукт па выніках 6 месяцаў будзе не ніжэйшым за першы квартал году, калі ягоны рост склаў 1,1 працэнты. Чым можна патлумачыць ўнікальнасьць беларускіх дадзеных на фоне падзеньня ў іншых краінах Эўропы? На гэтае пытаньні адказвае эканаміст Міхась Залескі.

Кавалёў: Сёньняшнія дзеці больш “завужаныя”

9 ліпеня вышэйшыя навучальныя ўстановы Беларусі пачынаюць прыём дакумэнтаў ад абітурыентаў. Наколькі адрозьнівацца ўзровень сёньняшніх выпускнікоў школ у параўнаньні зь мінулымі гадамі? Ці можна сьцьвярджаць, што агульная адукаванасьць выпускнікоў зьніжаецца? На гэтыя пытаньні адказвае выкладчык Беларускага нацыянальна-тэхнічнага ўнівэрсытэту Аляксандар Кавалёў.

Ці будуць эўрапейцы езьдзіць у Беларусь бязь візаў?

Міністэрства спорту і турызму прапануе усталяваць бязвізавы рэжым уезду ў Беларусь для арганізаваных турыстаў з краінаў Эўразьвязу. Пра гэта заявіў новы міністар спорту Алег Качан ў аўторак у Менску на паседжаньні прэзыдыюму Савета Міністраў. Наколькі рэальнай і фінансава абгрунтаванай ёсьць гэтая прапанова? Ці можна яе назваць чарговым крокам Менску насустрач Эўразьвязу? На гэтыя ды іншыя пытаньні адказвае палітоляг Алесь Лагвінец.

Уступленьне Беларусі ў Эўразьвяз — “за” больш чым “супраць”

Незалежны інстытут сацыяльна-эканамічных дасьледаваньняў правёў у чэрвені чарговае апытаньне грамадзкай думкі, якое паказала істотныя зрухі ў масавай сьвядомасьці беларусаў. Каго жыхары Беларусі лічаць вінаватымі ў сёньняшнім эканамічным крызісе, наколькі баяцца праяваў крызісу? Чаму ў Беларусі істотна вырасла колькасьць прыхільнікаў Эўрапейскай інтэграцыі? На гэтыя ды іншыя пытаньні ў перадачы Бліц-аналіз адказвае незалежны сацыёляг Аляксандар Сасноў

Оргіш: Беларусь пераацэніць таталітарнае мінулае

Парлямэнцкая Асамблея АБСЭ на сваім выніковым паседжаньні ў Вільні ўхваліла рэзалюцыю “Пра аб’яднаньне падзеленай Эўропы”, у якой асуджаюцца абодва таталітарныя рэжымы ХХ стагодзьдзя — нацызм і сталінізм. 23 жніўня — дзень падпісаньня пакту Молатава-Рыбэнтропа — прапануецца абвясьціць агульнаэўрапейскім Днём памяці ахвяраў сталінізму і нацызму. Ці можна гэта лічыць чарговай паразай Расеі? Як паставіцца афіцыйны Менск да выкананьня гэтай рэзалюцыі? Пра гэта Алесь Дашчынскі гутарыць з доктарам філязофскіх навук Вячаславам Оргішам.

Леанід Заіка: “Падчас крызісу прадаюць толькі дурні”

Ці выратуе Беларусь прыватызацыя падчас эканамічнага крызісу? Пра гэта Алесь Дашчынскі гутарыць з кіраўніком аналітычнага цэнтру “Стратэгія” Леанідам Заікам.

Балыкін: “Трэба, каб усе цэны былі свабоднымі”

Ад 1 ліпеня ў Беларусі цэны на паслугі пральняў, хімчыстак, цырульняў, дакумэнтальнай фотаздымкі будуць фармавацца свабодна. Гэтыя віды паслугаў выключаныя з пераліку сацыяльна значных, кошты на якія рэгулююцца міністэрствам эканомікі і аблвыканкамамі. Апроч таго, дадаткова з рэгулюемых тавараў выключаныя некаторыя гатункі малака і хлебабулачных вырабаў. Ці прывядзе гэта да падвышэньня цэнаў? Ці стане больш прывабным гэты бізнэс для дробных прадпрымальнікаў? Пра гэта Алесь Дашчынскі гутарыць з юрыстам Сяргеем Балыкіным.

Чубрык: трэба чакаць сур’ёзнай праграмы прыватызацыі

МВФ павялічыў агульны аб’ём фінансавай падтрымкі Беларусі прыкладна на адзін мільярд даляраў і выдаў чарговую траншу крэдыту “стэнд-бай” у памеры 679,2 мільёна даляраў. Якія гэта будзе мець наступствы для беларускай эканомікі? Пра гэта Алесь Дашчынскі гутарыць з эканамістам Аляксандрам Чубрыкам.

Воўчак: Злачынствы міліцыі сьведчаць пра крах сыстэмы

Падчас нарады з апэратыўна-камандным складам МУС кіраўнік краіны Аляксандар Лукашэнка скрытыкаваў дзейнасьць праваахоўных органаў. Да прыкладу, ён назваў ганьбай тое, што дагэтуль ня знойдзеныя асобы, якія год таму зьдзейсьнілі выбухі падчас сьвяточнага канцэрту ў ноч на 4 ліпеня. Ён заявіў, што органы ўнутраных спраў маюць патрэбу ў рэфармаваньні. Чаму Лукашэнка застаецца незадаволеным дзейнасьцю міліцыі праз тры месяцы пасьля адстаўкі Ўладзімера Навумава? Пра гэта гутарка зь юрыстам і праваабаронцам Алегам Воўчакам.

“Лукашэнка прыйдзе ў суд і скажа: А мне Мядзьведзеў абяцаў?”

Старшыня праўленьня “Газпрому” Аляксей Мілер заявіў, што запазычанасьць Беларусі за пастаўкі газу ад пачатку года склала 244 мільёны даляраў. Ён адзначыў, што афіцыйны Менск павінен выплаціць гэтыя грошы ў ліпені. Іначай “Газпром” можа зьвярнуцца ў суд і пайсьці на скарачэньне аб’ёмаў паставак.

“Расея можа зьменшыць пастаўкі нафты ў Беларусь”

100%-я гарантыя ўкладаў -- палітычная ідэалёгія

Сёньня Палата прадстаўнікоў прыняла ў двух чытаньнях зьмены ў закон “Аб індэксацыі прыбыткаў насельніцтва з улікам інфляцыі”. Ім прадугледжваецца дзяржаўная гарантыя поўнай захаванасьці грашовых сродкаў фізычных асобаў у беларускіх банках у памеры 100% незалежна ад колькасьці дэпазытаў. Ці змогуць улады на практыцы выканаць такое абяцаньне? Пра гэта размова з экс-старшынём Нацыянальнага банку Беларусі Станіславам Багданкевічам

Чавусаў: Беларусь гандлюе эўрапейскай геапалітычнай арыентацыяй

Палата прадстаўнікоў атрымае статус адмыслова запрошанай у Парлямэнцкай Асамблеі Рады Эўропы, але толькі пасьля таго, як Беларусь увядзе мараторый на сьмяротнае пакараньне. Такое рашэньне сёньня ўхваленае на сэсіі асамблеі ПАРЭ з ініцыятывы кіпрскага дэпутата Хрыстаса Пургурыдэса.

"Рэзэрвы будуць заканчвацца раней, чым крызіс”

Нацыянальны банк пашырыў калідор ваганьня беларускага рубля адносна кошыка валют удвая — ад +/-5% да +/-10%. Цяпер гэтыя межы складаюць ад 864 да 1056 рублёў, то бок пашыраны на 48 рублёў у абодва бакі.

Беларускія дыпляматы вучыліся ў расейскіх, як “зьліваць” дыялёг

“Масква яшчэ раз дэманструе свае мускулы”

Чаму Расея налічыла Беларусі доўг за газ і чым гэта можа скончыцца? Пра гэта гутарка з эканамічным аглядальнікам газэты “Беларусы і рынак” Тацянай Манёнак.

“Прэтэнзіі „Газпрому“ — палітычны працяг малочнага канфлікту”

Сёньня ўвечары, паводле афіцыйных крыніцаў, вырашылася праблема паставак беларускай малочнай прадукцыі ў Расею. Гэта стала магчымым у выніку перамоваў міністраў сельскай гаспадаркі і аховы здароўя Беларусі з кіраўніком “Роспотребнадзора” Генадзем Анішчанкам. Спадар Анішчанка заявіў, што пастаўкі малочнай прадукцыі адновяцца ад раніцы 18 чэрвеня. Дамоўленасьці аформлены адпаведным пратаколам. Хто выйграў у малочнай вайне і ці будзе яна мець працяг? Пра гэта Алесь Дашчынскі гутарыць з эканамічным аглядальнікам газэты “Беларусы і рынак” Алесем Сержановічам.

Фёдараў: “Прыхаваная барацьба за Беларусь будзе весьціся”

Чаму дачыненьні краінаў, якія нібыта будуюць так званую саюзную дзяржаву, так сапсаваліся? Што прымусіла Аляксандра Лукашэнку праігнараваць саміт краінаў АДКБ? Які працяг можа быць у маскоўска-менскага канфлікту?

“Лукашэнка будзе прасіць грошай у Фэрэра-Вальднэр”

Кіраўнік Беларусі Аляксандар Лукашэнка папрасіў эўракамісара па зьнешніх сувязях Бэніту Фэрэра-Вальднэр наведаць Беларусь “як мага хутчэй”. Чаму кіраўніцтва Беларусі прысьпешвае візыт Фэрэра-Вальднэр?

Коктыш: Расея ня будзе падтрымліваць Лукашэнку на прэзыдэнцкіх выбарах

Усьлед за малочнай вайной Расея нагадвае афіцыйнаму Менску пра запазычанасьць па пастаўках расейскага газу. Расейскія дыпляматы цьвердзяць, што Беларусь разьлічваецца за расейскі газ ня ў поўным аб’ёме. З гэтай прычыны Расея можа прад’явіць афіцыйнаму Менску рэгрэсіўны пазоў. У сувязі зь цяперашнім крызісам у беларуска-расейскіх стасунках зьявіліся меркаваньні, што расейскі бок на будучых прэзыдэнцкіх выбарах можа зрабіць стаўку на нейкую іншую, больш згодлівую фігуру. Ці насамрэч ёсьць падставы для такога разьвіцьця падзеяў? Пра гэта Алесь Дашчынскі гутарыць з палітолягам Кірылам Коктышам.

Багданкевіч: “Дэвальвацыя цягам году непазьбежная”

Курс беларускага рубля ў адносінах да валютнага кошыка трэці дзень знаходзіцца каля верхняй мяжы адведзенага для яго пяціпрацэнтнага калідора на гэты год. Сёньня кошт валютнага кошыка склаў 1007,83 рубля супраць 1007,51 рубля ўчора, пры заяўленым максымуме на гэты год 1008 рублёў. У Нацыянальным банку Радыё Свабода патлумачылі, што такая сытуацыя зьвязаная з патрэбамі эканомікі. Бо менавіта такі курс беларускага рубля дапамагае працаваць экспартэрам. Што адбываецца з нацыянальнай валютай і чаго чакаць у найбліжэйшы час? Гутарка з экс-старшынём Нацбанку Беларусі Станіславам Багданкевічам.

Крэдыт МВФ — гульня супраць Расеі?

Міжнародны валютны фонд гатовы на просьбу афіцыйнага Менску павялічыць суму крэдыту на адзін мільярд — з 2,46 мільярда да 3,46 мільярда даляраў. Чакаецца, што чарговая транша крэдыту будзе павялічана да 675 мільёнаў даляраў. Чым выкліканыя магчымыя зьмены ў крэдытаваньні Беларусі Міжнародным валютным фондам? Чаму афіцыйны Менск просіць павялічыць фінансавую падтрымку Беларусі? Пра гэта Алесь Дашчынскі гутарыць з эканамістам Леанідам Злотнікавым.