Цыганкоў: Наколькі прынцыповымі можна назваць тыя зьмены, якія прымаюцца ў выбарчая заканадаўства? Ці можна сказаць, што яны даюць шанцы пры жаданьні ўлады правесьці больш дэмакратычныя выбары?
Ляховіч: Гэтыя зьмены не жадаюць шанцаў правесьці свабодныя і дэмакратычныя выбары. Калі паглядзець на агульны фон, на тое, што адбываецца ў Беларусі, -- гэтыя зьмены цяжка лічыць крокам на шляху лібэралізацыі. Хутчэй гэта крок у дыялёгу з Захадам.
У Беларусі няма свабодных электронных мэдыяў, заціснутыя грамадзкія арганізацыі, палітычныя партыі працуюць у цяжкіх умовах, дагэтуль працягваюцца звальненьні паводле палітычных матываў, выключэньні з ВНУ. Цяпер гэтыя зьмены абсалютна нічога не даюць, не азначаюць ніякіх пераменаў у краіне, іх цяжка назваць нават касмэтычнымі. Я ня думаю, што для Захаду будзе дастаткова гэтых зьменаў.
Цыганкоў: Тое, што зрабіла ўлада – ці можа гэта нівэляваць той праект зьменаў у выбарчае заканадаўства, які прапанаваны Аб’яднанымі дэмакратычнымі сіламі разам з АБСЭ?
Ляховіч: Цяпер цяжкавата казаць пра Аб’яднаныя дэмакратычныя сілы. Што тычыцца тых патрабаваньняў, якія былі вылучаныя апазыцыяй у тым фармаце сумесна з АБСЭ, то ўсе яны застаюцца ў сіле. Яны ніяк не згубілі сваю актуальнасьць.
Цыганкоў: Ці будзе Захад настойваць на больш істотных зьменах? Ці беларуская ўлада вырашаць, што дастаткова таго, што ўжо зроблена?
Ляховіч: Улада паспрабуе паказаць жорсткасьць сваёй пазыцыі, што яна ня будзе рабіць іншыя крокі. Я думаю, што да прэзыдэнцкіх выбараў улада не гатовая рабіць сур’ёзныя крокі. Нават увесь час адкладаецца скасаваньне гэтага ідыёцкага артыкулу Крымінальнага Кодэксу 193-1.
Я думаю, Захад ня прыме гэтыя зьмены ў выбарчае заканадаўства як дастатковы крок на шляху палітычнай лібэралізацыі. Менску будуць прад’яўленыя іншыя патрабаваньні. Але гэта ня будзе азначаць згортваньня дыялёгу з рэжымам Лукашэнкі, удзелу Беларусі ў праграме “Усходняга партнэрства”. Бо гэтыя праекты тлумачацца галоўным чынам геапалітычнымі інтарэсамі Захаду. Гэта заклікана спрыяць узмацненьню незалежнасьці Беларусі і стварыць пляцоўку для разьвіцьця супрацоўніцтва з Захадам ужо зараз, нават пры Лукашэнку.
Ляховіч: Гэтыя зьмены не жадаюць шанцаў правесьці свабодныя і дэмакратычныя выбары. Калі паглядзець на агульны фон, на тое, што адбываецца ў Беларусі, -- гэтыя зьмены цяжка лічыць крокам на шляху лібэралізацыі. Хутчэй гэта крок у дыялёгу з Захадам.
У Беларусі няма свабодных электронных мэдыяў, заціснутыя грамадзкія арганізацыі, палітычныя партыі працуюць у цяжкіх умовах, дагэтуль працягваюцца звальненьні паводле палітычных матываў, выключэньні з ВНУ. Цяпер гэтыя зьмены абсалютна нічога не даюць, не азначаюць ніякіх пераменаў у краіне, іх цяжка назваць нават касмэтычнымі. Я ня думаю, што для Захаду будзе дастаткова гэтых зьменаў.
Цыганкоў: Тое, што зрабіла ўлада – ці можа гэта нівэляваць той праект зьменаў у выбарчае заканадаўства, які прапанаваны Аб’яднанымі дэмакратычнымі сіламі разам з АБСЭ?
Ляховіч: Цяпер цяжкавата казаць пра Аб’яднаныя дэмакратычныя сілы. Што тычыцца тых патрабаваньняў, якія былі вылучаныя апазыцыяй у тым фармаце сумесна з АБСЭ, то ўсе яны застаюцца ў сіле. Яны ніяк не згубілі сваю актуальнасьць.
Цыганкоў: Ці будзе Захад настойваць на больш істотных зьменах? Ці беларуская ўлада вырашаць, што дастаткова таго, што ўжо зроблена?
Ляховіч: Улада паспрабуе паказаць жорсткасьць сваёй пазыцыі, што яна ня будзе рабіць іншыя крокі. Я думаю, што да прэзыдэнцкіх выбараў улада не гатовая рабіць сур’ёзныя крокі. Нават увесь час адкладаецца скасаваньне гэтага ідыёцкага артыкулу Крымінальнага Кодэксу 193-1.
Я думаю, Захад ня прыме гэтыя зьмены ў выбарчае заканадаўства як дастатковы крок на шляху палітычнай лібэралізацыі. Менску будуць прад’яўленыя іншыя патрабаваньні. Але гэта ня будзе азначаць згортваньня дыялёгу з рэжымам Лукашэнкі, удзелу Беларусі ў праграме “Усходняга партнэрства”. Бо гэтыя праекты тлумачацца галоўным чынам геапалітычнымі інтарэсамі Захаду. Гэта заклікана спрыяць узмацненьню незалежнасьці Беларусі і стварыць пляцоўку для разьвіцьця супрацоўніцтва з Захадам ужо зараз, нават пры Лукашэнку.
