Як адзначаецца ў паведамленьні банку, гэтае абмежаваньне ўводзіцца «для абароны ад махляроў».
У прыватнасьці, з 24 лістапада цягам аднаго дня бескантактным спосабам можна будзе зьняць ня больш за 600 рублёў з картак «Бархат» і ня больш за 1000 рублёў зь іншых картак. За межамі краіны такія апэрацыі будуць забароненыя.
Раней «Беларусбанк» вызначыў ліміты на зьняцьце грошай з выкарыстаньнем лічбавых рэквізытаў картак (токенаў, згенэраваных у мабільных плацёжных сэрвісах) у банкаматах і пунктах выдачы гатоўкі цягам аднаго дня ў памеры ня больш за 600 рублёў з картак «Бархат» і ня больш за 1000 рублёў зь іншых картак.
Зьняць гэтыя ліміты па картках «Бархат» можна будзе толькі ў аддзяленьнях банку па заяве трымальнікаў або іх прадстаўнікоў на падставе даверанасьці. Для іншых картак гэтая функцыя даступная як праз аддзяленьні банкаў, так і праз Кантакт-цэнтар.
У выпадках, калі кліенты ўжо скасоўвалі вызначаныя раней ліміты, абмежаваньні для іх картак ня будуць прымяняцца.
Форум