У апублікаванай справаздачы адзначылі, што істотных зрухаў у Беларусі не адбылося.
Сярод найбольш сур’ёзных парушэньняў — пацьверджаная інфармацыя аб катаваньнях і жорсткім, бесчалавечным або прыніжальным абыходжаньні; аб прымусовай мэдычнай або псыхалягічнай практыках; аб адвольных арыштах і затрыманьнях; аб транснацыянальных рэпрэсіях супраць асоб у іншых краінах; аб супрацы зь іншай краінай для ажыцьцяўленьня актаў транснацыянальных рэпрэсій; аб сур’ёзных злоўжываньнях у канфлікце, зьвязаным з удзелам Беларусі ў вайне Расеі супраць Украіны.
Апроч таго, у Беларусі адбывалася сурʼёзнае абмежаваньне свабоды выказваньня меркаваньняў і свабоды СМІ, у тым ліку гвалт або пагроза гвалту датычна да журналістаў, іх неабгрунтаваны арышт і перасьлед, а таксама цэнзура і абмежаваньні ў інтэрнэце.
Сярод іншых парушэньняў правоў чалавека ў справаздачы назвалі гандаль людзьмі, у тым ліку прымусовыя працы; забарону незалежных прафсаюзаў і сыстэматычным абмежаваньні свабоды асацыяцый работнікаў; гвалт і пагрозы датычна да актывістаў прафсаюзаў.
«Урад не зрабіў дакладных крокаў або дзеяньняў для выяўленьня і пакараньня службовых асоб, якія парушалі правы чалавека», — падкрэсьлілі ў справаздачы.
Форум