МЗС краіны зацьвердзіў бестэрміновую забарону на ўезд 273 асобам , сярод якіх — сам Лукашэнка, сілавікі, судзьдзі і прапагандысты.
«Празь пяць гадоў пасьля ўвядзеньня санкцый сытуацыя з правамі чалавека не зьмянілася», — заявіў міністар замежных спраў Маргус Цахкна.
Санкцыі ўвялі ўпершыню ў 2020 годзе і раней працягвалі штогод.
У санкцыйны сьпіс Эстоніі ўключаныя:
- Асабіста Лукашэнка і ягоны сын Віктар
- Кіраўніцтва адміністрацыі Лукашэнкі
- Старшыні КДБ, МУС, Генпракуратуры
- Судзьдзі і пракуроры, датычныя да палітычных справаў
- Прапагандысты (прэс-сакратары, кіраўнікі дзяржмэдыяў)
- Сябры ЦВК і выбарчых камісіяў
- Сілавікі, што ўдзельнічалі ў разгонах і катаваньнях
- Спартовыя функцыянэры, датычныя да рэпрэсій у спартовай супольнасьці.
Прэсавая сакратарка Аляксандра Лукашэнкі Натальля Эйсмант паведаміла ТАСС што ў таго была іранічная рэакцыю на эстонскія санкцыі:
«Літаральна і даслоўна прэзыдэнт сказаў так: «Ніколі, на жаль, ня быў у Эстоніі... І пасьля ўвядзеньня санкцый усё думаю — ці выжыву?» — распавяла Эйсмант.
Форум