Усе чацьвёра загінулых ўваходзілі ў экіпаж бронемашыны М88, якая затанула ў балоце каля палігону. Ратавальная апэрацыя на манэўрах працягвалася некалькі дзён.
«Апэрацыя працягваецца. Як сказала міністарка абароны, мы ня спынімся, пакуль нашы салдаты ня вернуцца дадому. І Літва вельмі дапамагае ў гэтым, — сказала амбасадарка ЗША ў Літве Кара Макдональд. — Мы ўдзячныя за прадстаўленыя Літвой магчымасьці. Мы адчуваем сябе сваімі, што зьяўляецца цудоўным сьведчаньнем нашага партнэрства».
Чацьвёра амэрыканскіх жаўнераў зьніклі ў раньнія гадзіны 25 сакавіка. Іхную бронемашыну М88А2 Hercules знайшлі ў балоце і здолелі выцягнуць на паверхню толькі пад раніцу 31 сакавіка.
Усім родным і блізкім загіблых вайскоўцаў амэрыканскае камандаваньне перадало шчырыя спачуваньні ў сувязі з трагічнай весткай аб іх гібелі.
Амэрыканская армія заявіла пра тое, што расьсьледаваньне трагічнага здарэньня будзе працягвацца.
Форум