Ціханоўская: свабода заўсёды павінна быць абароненай

Сьвятлана Ціханоўская ў сваім твітэры адзначыла, што «свабоду трэба бараніць заўсёды — і ў Беларусі, і ва Ўкраіне, і паўсюль яна пад пагрозай».

Яна засудзіла агрэсію расейцаў супраць Украіны і адзначыла значэньне, якое нясе цяперашняя вайна для цывілізаванага сьвету.

«Вайна Расеі супраць Украіны — гэта вайна супраць самой свабоды. Гэта вайна супраць каштоўнасьцяў, якія ўсіх нас аб’ядноўваюць. Адважны народ Украіны змагаецца ня толькі за ўласную будучыню, але і за свабодную, мірную і бясьпечную Эўропу.

Беларусы на баку Ўкраіны» — запэўніла Ціханоўская.

ГЛЯДЗІЦЕ ТАКСАМА:

Ціханоўская ў трэція ўгодкі поўнамаштабнай вайны Расеі супраць Украіны: «Ня дайце „русскому миру“ прарасьці ў вас»

Напярэдадні прэзыдэнт Украіны Ўладзімір Зяленскі наведаў Белы дом, дзе меў спрэчку з прэзыдэнтам ЗША Дональдам Трампам і віцэ-прэзыдэнтам гэтай краіны Джэй Ды Вэнсам. Вэнс абвінаваціў Зяленскага ў «непавазе», пасьля чаго Трамп заявіў, што ўкраінскі прэзыдэнт «гуляе з Трэцяй сусьветнай вайной». Зяленскі ўказаў Вэнсу на неабазнанасьць ва ўкраінскіх справах, бо ва Ўкраіне той ня быў і судзіць пра становішча толькі па гісторыях у інстаграме.

Трамп заявіў Зяленскаму, што ён «ня мае добрых картаў», на што ўкраінскі прэзыдэнт адказаў, што прыляцеў у Вашынгтон ня ў карты гуляць.

Перамовы скончыліся датэрміновым ад’ездам Зяленскага на радзіму, а ўгоды засталіся непадпісанымі.

ГЛЯДЗІЦЕ ТАКСАМА:

Зяленскі датэрмінова пакінуў Белы дом; Трамп кажа, што «ён можа вярнуцца, калі будзе гатовы да міру»

ГЛЯДЗІЦЕ ТАКСАМА:

«Украіна не адна», «Зяленскі зьнішчыў сябе». Рэакцыі на сустрэчу Трампа і Зяленскага