Ступень такой глябальнай катастрофы вызначаюць і рашэньне пра перавод стрэлак гадзіньніка прымаюць навукоўцы і экспэрты, згуртаваныя вакол амэрыканскага часопіса «Бюлетэнь навукоўцаў-атамшчыкаў» (Bulletin of the Atomic Scientists).
У 2023 годзе, на фоне расейска-ўкраінскай вайны і росту ядзернай напружанасьці, стрэлкі перавялі адразу на 10 сэкундаў наперад — да 23 гадзін 58 хвілін і 30 сэкундаў, усталяваўшы новы антырэкорд. У 2024 годзе яны заставаліся на гэтай адзнацы.
Паводле прафэсара Чыкаскага ўнівэрсытэту і ўдзельніка «Бюлетэня навукоўцаў-атамшчыкаў» Дэніэла Гольца, экспэрты не назіраюць прагрэсу ў вырашэньні глябальных праблем, такіх як ядзерныя рызыкі і біялягічныя пагрозы. «Краіны, якія валодаюць ядзернай зброяй, павялічваюць памеры арсэналаў, інвэстуючы сотні мільярдаў даляраў у зброю, якая можа зьнішчыць цывілізацыю», — падкрэсьліў Гольц.
Першапачаткова, у 1947 годзе, на гадзіньніку выставілі 7 хвілінаў да поўначы. Самымі бясьпечнымі — 17 хвілінаў да поўначы — яго паказаньні былі ў 1991 годзе, пасьля заканчэньня халоднай вайны.
Форум