Ва ўразьлівай групе палітзьняволеных, паводле праваабарончага цэнтру «Вясна»:
- 104 чалавекі ў цяжкім стане здароўя;
- 45 пажылых людзей, чый узрост перавышае 60 гадоў (шмат хто зь іх таксама мае вялікія праблемы са здароўем);
- 36 шматдзетных маці і бацькоў;
- 11 чалавек з інваліднасьцю;
- 16 чалавек з мэнтальнымі разладамі.
Вядома пра як мінімум 5 сямей, дзе абое бацькоў знаходзяцца за кратамі.
Самы старэйшы з палітвязняў — 76-гадовы Міхаіл Ляпейка з Магілёва, якога накіравалі на прымусовае лячэньне ў псыхіятрычным шпіталі за «абразу» Лукашэнкі.
- 16 верасьня стала вядома, што па новым указе Лукашэнкі на волю выходзяць яшчэ 37 палітвязьняў, асуджаных паводле пратэставых артыкулаў. Паведамляецца, што сярод іх шэсьць жанчын, а таксама людзі з хранічнымі захворваньнямі, інваліднасьцю, пэнсіянэры.
- З 3 ліпеня гэта чацьвёртая хваля памілаваньня палітзьняволеных. Паводле зьвестак праваабарончага цэнтру «Вясна», за гэты час на волю па памілаваньні ўсяго выйшлі 115 чалавек. Да агучаных Пратасевічам 10 прозьвішчаў праваабаронцам было вядома 57 прозьвішчаў вызваленых палітвязьняў.
- Па стане на 17 верасьня ў Беларусі цяпер 1349 палітвязьняў, прызнаных такімі праваабарончай супольнасьцю. Рэальная колькасьць зьняволеных з палітычных матываў можа быць большая.
Форум