Ужо сёньня: дзень памяці Міхася Дубянецкага

Дата дня

3 верасьня 1990 году памёр Міхась Дубянецкі, кнігавыдавец і перакладчык, грамадзкі дзяяч, удзельнік нацыянальна-дэмакратычнага руху 1980–1990-х.

Гэты дзень у гісторыі

301 — Заснавана Сан-Марына — самая старая дзяржава Эўропы.

1651 — скончылася грамадзянская вайна ў Ангельшчыне між раялістамі і прыхільнікамі парлямэнту.

1783 — паводле падпісанага ў Парыжы мірнага пагадненьня афіцыйна скончылася Вайна за незалежнасьць Злучаных Штатаў Амэрыкі.

1791 — прынятая першая ў гісторыі Францыі Канстытуцыя.

1915 — нямецкія войскі занялі Горадню.

1939 — Вялікая Брытанія, Францыя, Індыя, Аўстралія і Новая Зэляндыя абвясьцілі вайну Нямеччыне.

1941 — першае выпрабаваньне атрутнага газу «Цыклён Б» у Аўшвіцы (Асьвенцім).

1953 — набыла моц Эўрапейская канвэнцыя аб абароне правоў чалавека і асноўных свабодаў.

1971 — абвешчаная незалежнасьць Катару.

1971 — СССР, Вялікая Брытанія, Францыя і ЗША падпісалі дамову аб статусе Заходняга Бэрліну.

У гэты дзень нарадзіліся

1731 — Станіслаў Богуш-Сестранцэвіч, рэлігійны дзяяч, літаратар, навуковец.

1915 — Барыс Райскі, дырыгент аркестру Менскага цырку (з 1957), мастацкі кіраўнік аркестру Беларускага тэлебачаньня і радыё, кіраўнік фондавых запісаў беларускіх опэр і балетаў.

1927 — афіцыйная дата нараджэньня Алеся Адамовіча, пісьменьніка і літаратуразнаўцы, грамадзкага дзеяча, удзельніка нацыянальна-дэмакратычнага руху 1980-х. Афіцыйная дата нараджэньня, замацаваная ў энцыкляпэдыях, — вынік таго, што ў вайну маці больш як на год «падмаладзіла» сына, ратуючы яго ад вывазу ў Нямеччыну. Рэальная дата — 3 жніўня 1926 году.

1947 — Віктар Войцік, кампазытар.

У памяці

1658 — Олівэр Кромвэль, ангельскі палітык і дзяржаўны дзяяч, лідэр ангельскай антыманархічнай рэвалюцыі.

1883 — Іван Тургенеў, расейскі пісьменьнік.

1908 — Марыя Ямант, удзельніца нацыянальна-вызвольнага паўстаньня 1863–1864 гг., палітвысланка, нарачоная Кастуся Каліноўскага.

1918 — Фані Каплан, расстраляная за замах на Ўладзіміра Леніна.

1932 — за данос забіты піянэр Паўлік Марозаў. Было гэта ў Сібіры, а сям'я перасяленцаў Марозавых паходзіць зь Беларусі.

1960 — Міхась Васілёк, беларускі паэт.

1978 — Пётра Татарыновіч, беларускі каталіцкі дзяяч, перакладчык, арганізатар Беларускай сэкцыі Ватыканскага радыё.

1980 — Мікола Дучыц, мастак.

2010 — Алег Бябенін, заснавальнік сайту Хартыі-97. Загінуў пры нявысьветленых абставінах, яго знайшлі павешаным на лецішчы.