Дата дня
25 ліпеня 1984 году памёр пісьменьнік Уладзімер Караткевіч.
Таксама ў гэты дзень
1410 — войскі Польшчы і ВКЛ пачалі аблогу сталіцы Тэўтонскага ордэна, Марыенбургу (сёньня горад Мальбарк у Польшчы). Абаронца Марыенбургу Генрых фон Пляўэн зрабіў сабе рэпутацыю выратавальніка крыжацкага ордэна ад татальнага зьнішчэньня.
1687 — Іван Мазепа быў абраны гетманам Украіны.
1826 — у Расейскай імпэрыі выкананыя сьмяротныя прысуды празь павешаньне пяцёх лідэраў паўстаньня («декабристов»).
1853 — у Менску створана першая прафэсійная пажарная каманда.
1917 — у Менску скончыўся Зьезд беларускіх арганізацый i партый, які ўтварыў Цэнтральную раду беларускіх арганізацый. У склад выканаўчага камітэту былі абраныя Ўладзімер Галубок, Язэп Лёсік, Антон Лявіцкі (Ядвігін Ш.), Аркадзь Смоліч, Усевалад Фальскі.
1943 — у выніку перавароту адхілены ад улады і арыштаваны кіраўнік ураду Італіі, лідэр фашыстаў Бэніта Мусаліні.
1993 — у Лідзе адкрыты помнік Францішку Скарыну.
2004 — паводка ў Менску, падчас якой былі затопленыя цэнтральныя вуліцы на месцы колішняга рэчышча Нямігі.
У гэты дзень нарадзіліся
1903 — Мікалай Несьцяровіч, беларускі навуковец, батанік-дэндроляг, акадэмік АН БССР.
1910 — Генадзь Цітовіч, беларускі дзеяч харавога мастацтва, кампазытар, дырыгент, фальклярыст, заснавальнік і кіраўнік Дзяржаўнага Акадэмічнага хору Беларусі.
1936 — Леанід Левін, беларускі архітэктар, адзін з стваральнікаў мэмарыяльных комплексаў «Хатынь» і «Яма».
1937 — Дзьмітры Смольскі, беларускі кампазытар, заслужаны дзеяч мастацтваў Беларусі, народны артыст Беларусі.
1947 — Аляксандар Мілінкевіч, беларускі палітык, кандыдат у прэзыдэнты ад аб’яднанай апазыцыі на выбарах 2006 году.
1948 — Уладзімер Плешчанка, інжынэр, удзельнік нацыянальна-дэмакратычнага руху 1980-х — пач. ХХІ ст.
У памяці
1877 — Іван Насовіч, беларускі філёляг, этнограф і фальклярыст, стваральнік «Слоўніка беларускай мовы».
1980 — Уладзімір Высоцкі, савецкі бард, паэт, актор тэатру і кіно.
1997 — Натальля Арсеньнева, паэтка й перакладчыца, палітвысланка, дзяячка паваеннай эміграцыі ў Нямеччыне й ЗША.
2001 — Дзяніс Хвастоўскі, паэт, удзельнік нацыянальна-дэмакратычнага руху 1990-х — пач. ХХІ ст.
2006 — Янка Брыль, народны пісьменьнік БССР, удзельнік нацыянальна-дэмакратычнага руху 1990-х — пач. ХХІ ст.
2015 — Васіль Лазоўскі, мастак, пэдагог, удзельнік нацыянальна-дэмакратычнага руху 1980-х — пач. ХХІ ст.
