Ужо сёньня: 55 гадоў таму першы зямлянін ступіў на Месяц, дзень памяці кардынала Сьвёнтка

Дата дня

55 гадоў таму, 21 ліпеня 1969 году першы зямлянін, амэрыканскі астранаўт Ніл Армстранг, ступіў на Месяц. Армстранг, разам з астранаўтам Эдвінам Олдрынам, зьдзейсьніў пасадку карабля «Апалён-11» на Месяцы днём раней — 20 ліпеня 1969 году.

21 ліпеня 2011 году памёр Казімер Сьвёнтак, мітрапаліт Менска-Магілёўскі, першы кардынал у гісторыі незалежнай Беларусі, вязень ГУЛАГу.

ГЛЯДЗІЦЕ ТАКСАМА:

Паляк, які стаўся беларусам

Таксама ў гэты дзень

356 да н. э. — Герастрат спаліў храм Артэміды ў Эфэсе.

1831 — Леапольд І абраны канстытуцыйным манархам Бэльгійскага каралеўства, сьвяткуецца як Дзень Бэльгіі.

1917 — у Менску пачаўся Зьезд беларускіх арганізацыяў і партыяў, які ўтварыў Цэнтральную Раду беларускіх арганізацыяў.

1960 — катастрофа Іл-12 у Менску. Загінулі 8 чалавек.

1983 — на антарктычнай станцыі «Ўсход» была зафіксаваная самая нізкая тэмпэратура на Зямлі за ўсю гісторыю назіраньня: −89,2 °C.

У гэты дзень нарадзіліся

356 да н. э. — Аляксандар Македонскі, цар Македоніі, вайскавод, стваральнік сусьветнай імпэрыі.

1816 — Паўль фон Ройтэр, заснавальнік найбуйнейшага сучаснага брытанскага інфармацыйнага агенцтва Reuters.

1860 — Антон Каменскі, беларускі, польскі і францускі ілюстратар і графік.

1863 — Уладзімер Красьнянскі, беларускі гісторык і краязнавец.

1891 — Сымон Кандыбовіч, беларускі дзяржаўны дзеяч, гісторык.

1897 — Васіль Сакалоўскі, савецкі вайскавод, маршал Савецкага Саюзу, ураджэнец Беларусі.

1899 — Эрнст Хэмінгуэй, амэрыканскі пісьменьнік, ляўрэат Нобэлеўскай прэміі ў літаратуры за 1954 год.

У памяці

1944 — Кляўс Шэнк фон Штаўфэнбэрг, палкоўнік нямецкай арміі, адзін з арганізатараў і выканаўца замаху на Адольфа Гітлера (пакараны сьмерцю).

1992 — Зьдзіслаў Стома, беларускі актор.

1994 — Уладзіслаў Рубанаў, пісьменьнік.

2008 — Пятро Рашэтнік, сябра СБМ, ахвяра палітычных рэпрэсіяў, вэтэран нацыянальнага руху.