У паведамленьні Міністэрства гаворыцца, што пажар было цяжка гасіць, бо гарэла за 7 кілямэтраў ад найбліжэйшага пад'езду. Таксама паведамляецца, што прычынай пажару магло паслужыць неасьцярожнае абыходжаньне ў агнём з боку рыбакоў ці «ягаднікаў», але гэтая інфармацыя не пацьверджаная.
Паводле інфармацыі рэсурсу YelniaTrip, пажар заўважылі 30 верасьня раніцай у раёне возера Чорнае і вострава Альшэўскі. Першага кастрычніка яго працягвалі тушыць актывісты і работнікі лясьніцтва.
Балоту Ельня больш за 9 тысяч гадоў, яно самае вялікае ў Беларусі, гэта ўнікальная экасістэма, у якой жыве больш за сто відаў птушак. У 2002 годзе Ельня выгарэла на 70%.
