У Расеі разьбіўся ракетаносьбіт-бамбавік Ту-22М3. Пілёт загінуў

Як паведамілі расейскія СМІ з спасылкай на Міністэрства абароны Расеі, экіпаж з чатырох чалавек катапультаваўся, але пілёт загнуў.

Папярэдне, прычынай катастрофы стала «тэхнічная няспраўнасьць». Самалёт упаў у бязьлюднай мясцовасьці, разбурэньняў на зямлі няма.

ГЛЯДЗІЦЕ ТАКСАМА:

У Расеі «пасьля выкананьня баявога заданьня» ўпаў бамбавік Ту-22М3. Украінская выведка расказала, як гэта было

Што вядома пра самалёт Ту-22М3

Самалёт Ту-22М3 — далёкі звышгукавы ракетаносьбіт-бамбавік, па кадыфікацыі NATO — Backfire. Прызначаны для атакі марскіх і наземных цэляў базіраваньня кіраванымі ракетамі і авіяцыйнымі бомбамі.

Першы палёт Ту-22М3 ажыцьцявіў у чэрвені 1977 году. На ўзбраеньне яго прынялі ў сакавіку 1989 году. Усяго пабудавалі прыблізна 500 самалётаў Ту-22М розных мадыфікацый.

У 2018 годзе ў межах маштабнай праграмы Ту-22М3 мадэрнізавалі. Самалёт аснасьцілі новым комплексам сучаснага лічбавага абсталяваньня, што дазволіла павялічыць баявы патэнцыял і баявы радыюс. Першы палёт мадэрнізаваны Ту-22М3М ажыцьцявіў у сьнежні 2018 году. Яго цана складае прыблізна 300 тысяч даляраў.

Паводле афіцыйных зьвестак, на ўзбраеньні Расеі цяпер больш за 100 Ту-22М3. Гэтыя самалёты Расея актыўна выкарыстоўвала для ўдараў па ІГІЛ у Сірыі, а таксама па Азоўсталі ва ўкраінскім Марыюпалі і для абстрэлаў Дніпра і Краменчука.

У жніўні 2024 году такі ж самалёт разьбіўся таксама ў Іркуцкай вобласьці, а ў красавіку таго ж году расейскі бамбавік Ту-22М3 зьбілі ўкраінскія войскі.

ГЛЯДЗІЦЕ ТАКСАМА:

The Moscow Times: Украіне ўдалося ўпершыню зьнішчыць расейскі стратэгічны бамбавік