У інтэрвію Свабодзе былы пасол Беларусі ў Аргентыне і кіраўнік Прадстаўніцтва дэмакратычнай Беларусі ў Брусэлі расказвае, на якім этапе цяпер падрыхтоўка дакумэнта і што неабходна зрабіць, каб ён як найхутчэй стаў рэальнай альтэрнатывай пашпарту, які Лукашэнка адмовіўся выдаваць беларусам у дыппрадстаўніцтвах за мяжой.
4 верасьня апублікавалі ўказ Лукашэнкі, які здымае з консульстваў за мяжой вялікі шэраг абавязкаў.
Асноўнае сьцісла:
- Дзеяньні Лукашэнкі знаходзіцца ў абсалютнай супярэчнасьці зь міжнародным правам. Вось да чаго прыводзіць пазыцыя «часам не да законаў».
- Легітымных органаў улады ў Беларусі няма — ні легітымнага прэзыдэнта, ні легітымнага парлямэнта. Дзяржава фактычна ня ў стане выконваць свае функцыі, выкрэсьліўшы паўмільёна грамадзянаў, якія знаходзяцца за мяжой.
- Пашпарт новай Беларусі ад пачатку распрацоўваўся як рэальны праект. Пашпарт адпавядае ўсім патрабаваньням для падарожжаў.
- Пытаньне ў прызнаньні пашпарту. Калі ён будзе прызнаны 2-3 краінамі, пачнуць дадавацца іншыя краіны розных рэгіёнаў.
- Цяпер нічога не перашкаджае прызнаньню пашпарту Новай Беларусі. Папярэднія кансультацыі былі і з Эўрапейскай камісіяй, і з шэрагам урадаў.
- Колькі часу можа заняць выпуск пашпарту? Ёсьць пэўныя тэхналягічныя цыклі, уключна з замовай адпаведнай паперы і г.д., таму цяжка назваць канкрэтны тэрмін.
- Прызнаньне нашага пашпарту вырашыць і праблемы краінаў, бо гэта не вялікае шчасьце — мець на сваёй тэрыторыі тысячы ці нават дзясяткі тысяч людзей без дакумэнтаў.
- У беларусаў ёсьць магчымасьці абскарджваць рашэньні ўладаў краінаў у Эўрапейскім судзе па правах чалавека.
