Ужо сёньня: Дзень памяці Францішка Багушэвіча

Дата дня

28 красавіка 1900 году памёр Францішак Багушэвіч, паэт, юрыст, удзельнік вызвольнага паўстаньня 1863–1864 гг., адзін з пачынальнікаў нацыянальнага Адраджэньня.

ГЛЯДЗІЦЕ ТАКСАМА:

«У паходах і пад сьледзтвам ня быў». Як Багушэвіч хаваўся ва Ўкраіне пасьля паўстаньня 1863-га

Таксама ў гэты дзень

1429 — Стогадовая вайна: у бітве за Арлеан францускія войскі пад камандаю Жанны д’Арк здабылі перамогу над ангельцамі.

1918 — Народны Сакратарыят Беларусі зацьвердзіў беларускую мову ў якасьці дзяржаўнай i абавязковай у БНР i прыняў пастанову пра адкрыцьцё ў Менску ўнівэрсытэту.

ГЛЯДЗІЦЕ ТАКСАМА:

Падарожжа ў БНР (6). Чырвоная БНР бялее і займаецца сымболікай, лінгвістыкай і геаграфіяй

1945 — італьянскія партызаны-антыфашысты расстралялі Бэніта Мусаліні, заснавальніка італьянскага фашызму.

1954 — БССР уступіла ў Сусьветную арганізацыю працы.

1975 — завяршыўся вывад войскаў ЗША зь Віетнаму.

1996 — у Менску пачалася галадоўка кіраўнікоў БНФ Юрыя Хадыкі і Вячаслава Сіўчыка. За дзень да гэтага іх пасадзілі ў менскі сьледчы ізалятар на вуліцы Валадарскага за арганізацыю Чарнобыльскага шляху. Зьняволеньне Хадыкі і Сіўчыка цягнулася каля месяца.

ГЛЯДЗІЦЕ ТАКСАМА:

«Дзевяноста шосты»: Ельцын просіць Лукашэнку не расстрэльваць Сіўчыка і Хадыку

2001 — у космас паляцеў першы турыст. Амэрыканскі інжынэр Дэніс Ціта за свой тыднёвы палёт у расейскім «Саюзе» заплаціў 20 мільёнаў даляраў.

У гэты дзень нарадзіліся

1859 — Кіпрыян (Цыпрыян) Кандратовіч, генэрал, удзельнік нацыянальна-вызвольнага руху пач. ХХ ст.

1940 — Уладзімер Ганчарык, адзіны кандыдат ад апазыцыі на прэзыдэнцкіх выбарах у 2001 годзе.

ГЛЯДЗІЦЕ ТАКСАМА:

Ганчарык аб прададзеных дакумэнтах пра зьніклых, аб памылках на выбарах-2001 і пра адкрыты ліст Лукашэнку

У памяці

1919 — Канстанцін Шаркоўшчынскі (Жданаў), беларускі сьвятар, быў кананізаваны Беларускай праваслаўнай царквой.

1980 — Альфрэд Гічкок, амэрыканскі кінарэжысэр.