Паводле Сьледчага камітэту, ён загінуў на месцы. Ведамства паведаміла, што Ленінскім раённым аддзелам Сьледчага камітэту Менска праводзіцца праверка па факце падзеньня хлопца раніцай 17 студзеня на шляху станцыі мэтрапалітэна «Пралетарская» перад цягніком.
Цяпер сьледча-апэратыўная група працуе на месцы здарэньня. Вывучаюцца запісы камэр відэаназіраньня, апытваюцца відавочцы.
Рух цягнікоў адноўлены, мэтрапалітэн працуе ў штатным рэжыме.
