Сёньня на наша пытаньне адказвае Марыя Калесьнікава.
— Цешыць кожны новы дзень майго жыцьця. Нават у турэмнай клетцы мой сьвет — гэта выдатныя, дарагія мне людзі, якія хоць і далёка, але побач са мной, гэтае вялікае, вечнае мастацтва, музыка, кнігі, добрыя лісты і каханьне. Я дакладна ведаю, што гэтыя дзіўныя часы скончацца, а ўяўляеце, як мы будзем шчасьлівыя бачыць і абдымаць адно аднаго?
Марыя Калесьнікава — кіраўніца штабу Віктара Бабарыкі на выбарах 2020 году. Удзельніца трыюмвірату аб’яднаных штабоў Ціханоўскай, Бабарыкі, Цапкалы. Сябра калегіюму Каардынацыйнай рады. Лідэр партыі «Разам». Прафэсійны музыкант. 6 верасьня 2021 году яе асудзілі на 11 гадоў калёніі.
