Пахаваньне 24-гадовага сырыйца па імені Ахмэд арганізавалі мусульмане рэлігійнай суполкі з Багонікаў. Менавіта на Падляшшы кампактна пражываюць прадстаўнікі татарскай меншасьці. Інфармацыю аб пахаваньні перадалі сям’і загінулага.
Паводле мусульманскіх звычаяў, пахаваньне памерлага павінна адбыцца як мага хутчэй пасьля сьмерці. Цела трэба вымыць і загарнуць у саван. Аднак 24-гадовы Ахмэд будзе пахаваны ў труне. Рытуальныя паслугі бясплатна аказала адна з прыватных фірмаў з Саколкі.
Цягам апошніх месяцаў у Польшчы некалькі разоў знаходзілі трупы людзей, якім удалося прабрацца праз калючы дрот зь Беларусі.
