Рашэньне аб ліквідацыі ўстановы прыняў Менскі гарвыканкам.
Заснавальніца праекту «Имена» Кацярына Сінюк паведаміла ў сацсетках: Сьледчы камітэт адхіліў хадайніцтва, у якім арганізацыя прасіла разблякаваць рахункі, каб сабраныя на дабрачыннасьць грошы пайшлі праектам — напрыклад, тым, хто даглядае ў лякарнях сіротаў, або невылечна хворым дзецям у госьпісе.
Паводле Кацярыны Сінюк, на арыштаваных рахунках застаецца больш за 545 тысяч даляраў у эквіваленце.
Пры такім раскладзе заплаціць заробак супрацоўнікам арганізацыі ці звольніць іх кіраўніцтва таксама ня можа.
