Прэзыдэнт Расеі Ўладзімір Пуцін запрасіў кіраўніка Беларусі Аляксандра Лукашэнку прыехаць на адкрыцьцё мэмарыялу Савецкаму салдату пада Ржэвам, паведамляе Тэлеграм-канал «Пул первого».
Мерапрыемства заплянаванае на 30 чэрвеня. Аднак, ці паедзе Аляксандар Лукашэнка — невядома. «Графік шчыльны», — удакладняе «Пул первого».
На парадзе 24 чэрвеня ў Маскве Лукашэнка і Пуцін, як выглядае, не вялі размоваў паміж сабой. Агенцтва РИА Новости паведамляе, што Лукашэнка застаўся ўбаку і падчас размоваў Пуціна з кіраўнікамі дзяржаваў, якія прыехалі на парад.
9 жніўня ў Беларусі адбудуцца прэзыдэнцкія выбары. Незалежныя апытаньні сьведчаць, што рэйтынг кіраўніка Беларусі небывала нізкі.
