Прэзыдэнт ЗША Дональд Трамп адмовіўся ад плянаў правесьці саміт G7 у сваім гольф-клюбе ў Маямі. Паводле яго, гэта адбылося пасьля «вар’яцтва СМІ і дэмакратаў і нерацыянальнай варожасьці».
Пра гэта прэзыдэнт ЗША напісаў у сваім твітэры.
Адміністрацыя Трампа пачынае шукаць іншае месца для сустрэч з сусьветнымі лідэрамі ў наступным годзе. У тым ліку магчымасьць правядзеньня саміту ў прэзыдэнцкай рэзыдэнцыі краіны ў Кэмп-Дэвідзе, штат Мэрылэнд.
Выбар Trump National Doral месцам правядзеньня саміту выклікаў крытыку з боку дэмакратаў і грамадзянскай супольнасьці. Яны назвалі гэта спробай Трампа незаконна атрымаць выгаду праз сваё прэзыдэнцтва шляхам узбагачэньня сябе і свайго бізнэсу.
Наступны саміт кіраўнікоў дзяржаваў G7 заплянаваны на 10-12 чэрвеня 2020 году.
