ДТЗ з удзелам пасажырскага аўтобуса адбылося ў Грузіі. Аўтобус з турыстамі перакуліўся на Гамборскім перавале. Пра гэта паведамляе «Эхо Кавказа» са спасылкай на грузінскі тэлеканал «Руставі 2».
Аварыя адбылася на аўтамабільнай дарозе Вазіані-Гамборы-Сухумі, якая злучае Тбілісі з горадам Сухумі.
Паводле інфармацыі тэлеканалу, унутры аўтобуса знаходзіліся турысты зь Беларусі. Брыгады хуткай дапамогі даставілі пацярпелых у рэфэральную бальніцу Сухумі. Прычына аварыі невядомая.
Як паведаміла Міністэрства замежных спраў Беларусі, у выніку аварыі 25 чалавек атрымалі траўмы лёгкай і сярэдняй ступені цяжкасьці. Амбасада Беларусі ў Грузіі працуе ў кантакце з пацярпелымі.
Раней грузінскія СМІ паведамлялі пра меншую колькасьць пацярпелых.
На месцы аварыі знаходзяцца паліцыянты. Па факце здарэньня МУС Грузіі пачало сьледзтва па артыкуле «парушэньне правілаў бясьпекі руху або эксплюатацыі транспарту».
