У Ерэване працягваецца акцыя пратэсту супраць павышэньня тарыфаў на электраэнэргію, якую многія пасьпелі ахрысьціць «Электрамайданам». Учора і сёньня раніцай паліцыя не рабіла спробаў разагнаць дэманстрантаў, як гэта было ў папярэднія дні, хоць пратэстоўцы па-ранейшаму займаюць адну з цэнтральных сталічных магістраляў — праспэкт Баграмяна.
Радыё Эхо Кавказа 24 чэрвеня пацікавілася ў двух удзельнікаў пратэсту, грамадзкага актывіста Аргішці Ківірана і палітычнага экспэрта Сяргея Мінасяна, у якой атмасфэры праходзіць пратэст і якія яго пэрспэктывы.
Эхо Кавказа: Аргішці, што ў гэтыя хвіліны адбываецца на вуліцах Ерэвану, колькі людзей там сабралася і якія вашыя патрабаваньні на гэты час?
Аргішці Ківіран: На праспэкце Баграмяна ў дадзены момант сабраліся 5-6 тысяч чалавек, і гэтая лічба яшчэ расьце. Агульныя патрабаваньні акцыі пратэсту датычаць адмены павышэньня коштаў на электраэнэргію. Цяпер таксама гучаць патрабаваньні пакараць тыя службовыя асобы з паліцыі, якія для таго, каб разагнаць дэманстрантаў на праспэкце Баграмяна ў мінулы раз, арганізавалі пагром, фактычна ужыўшы гвалт у дачыненьні да мірных грамадзян. У дадзены момант патрабаваньні такія, і народ хоча пачуць, што яны будуць задаволеныя.
Эхо Кавказа: А чаму вы адмовіліся ад сустрэчы з прэзыдэнтам Армэніі?
Аргішці Ківіран: Ведаеце, патрабаваньне выразнае: кошты на электраэнэргію не павінны быць павышаныя. Кіраўніцтва Армэніі
Мы не хацелі, каб сустрэча, якую прапаноўвалі ўлады, паслужыла для піяру ўладаў
ведае пра гэта. Пра што яшчэ зь імі гаварыць? Яны альбо павінны выканаць гэтыя патрабаваньні, альбо адмовіцца іх выконваць. Тут не ідзе гаворка пра перамовы. Ёсьць дакладнае патрабаваньне, што цэны на электраэнэргію не павінны быць павышаныя. Таксама гучаць патрабаваньні пакараць паліцэйскія службовыя асобы, якія ўжылі гвалт. Пасьля гэтага пра якія перамовы можа ісьці гаворка? Акрамя гэтага, мы адмовіліся ад перамоваў па той прычыне, што да гэтага былі выпадкі, калі ўлады парушалі закон, і калі народ пратэставаў, улады, хоць і ня ў поўнай меры, але задавальнялі народныя патрабаваньні, а потым выкарыстоўвалі гэта для ўласнага піяру. Мы не хацелі, каб сустрэча, якую прапаноўвалі ўлады, паслужыла для піяру ўладаў.
Эхо Кавказа: Вы, напэўна, сочыце за ацэнкамі, за тым, як асьвятляецца тое, што адбываецца ў сталіцы Армэніі. У прыватнасьці, за расейскімі СМІ, а таксама за выказваньнямі высокапастаўленых палітыкаў і палітолягаў, якія сёньня заяўлялі, што за акцыяй пратэсту ў Ерэване стаіць Захад і вас фінансуюць заходнія спэцслужбы. Хто за вамі стаіць, хто вас фінансуе і як вы ставіцеся да падобных заяваў?
расейская кампанія «Інтэр РАО ЕЭС», якая, зьяўляючыся ўласьнікам армянскіх электрычных сетак, давяла гэтую кампанію да банкруцтва
Аргішці Ківіран: За акцыямі пратэсту стаіць народ Армэніі, які стаміўся так жыць, які стаміўся плаціць у некалькі разоў завышаныя цэны на электраэнергію, які стаміўся ад беззаконнасьці. Зразумела, што расейскія СМІ ўсюды шукаюць вушы Захаду, але калі хтосьці і падштурхнуў народ Армэніі да гэтых акцыяў, то гэта расейская кампанія «Інтэр РАО ЕЭС», якая, зьяўляючыся ўласьнікам армянскіх электрычных сетак, давяла гэтую кампанію да банкруцтва, сваім няправільным мэнэджмэнтам давяла сытуацыю да той ступені, што цана на электраэнэргію за апошнія некалькі гадоў вырасла ў некалькі разоў.
Эхо Кавказа: Дзякуй, давайце цяпер паслухаем, што думае Сяргей Мінасян. Вельмі многія, асабліва ў Расеі, параўноўваюць тое, што адбываецца на вуліцах Ерэвану, з кіеўскім Майданам. Сяргей, наколькі дарэчы, на ваш погляд, такое параўнаньне? Сёньня гучалі заявы пра тое, што «тарыфны Майдан» арганізаваны ворагамі Расеі, то бок Захадам, і зьяўляецца адказам на ўступленьне Армэніі ў Эўразійскі эканамічны саюз.
я таксама разумею, што і ў Маскве, і, на жаль, на Захадзе, і сярод нашых украінскіх калегаў існуе нейкае спрошчанае ўяўленьне пра тое, што адбываецца ў Ерэване — што гэтыя падзеі маюць нейкую вялікую геапалітычную выкладку. Гэта абсалютна ня так. Гэта мае натуральную ўнутраную прычыну
Сяргей Мінасян: Я б з гумарам ставіўся да такіх кансьпіралягічных тлумачэньняў, якія часам даходзяць да абсурду, калі б гэта не было так сумна, калі б гэта не выяўлялася так шырока ў большасьці, але, на шчасьце, не ва ўсіх расейскіх СМІ. Я абсалютна ня бачу нейкіх кансьпіралягічных выкладак і абсалютна ўпэўнены, што тое, што адбываецца цяпер у Ерэване, мае ўнутраную прычыну. Разам з гэтым я таксама разумею, што і ў Маскве, і, на жаль, на Захадзе, і сярод нашых украінскіх калегаў існуе нейкае спрошчанае ўяўленьне пра тое, што адбываецца ў Ерэване — што гэтыя падзеі маюць нейкую вялікую геапалітычную выкладку. Гэта абсалютна ня так. Гэта мае натуральную ўнутраную прычыну; мае месца, вядома, і сацыяльна-эканамічная складнік — зразумела, што ў Армэніі людзей, якія хацелі б плаціць за даўгі кампаніі, якая пракралася, нават калі яна расійская або нейкая іншая, няма.
Эхо Кавказа: Як, на ваш погляд, улады будуць рэагаваць? Сёньня яны адыгралі назад, кіраўнік паліцыі папрасіў прабачэньня перад журналістамі за ўжываньне сілы, МЗС зрабіў вельмі стрыманую заяву адносна крытыкі з боку міжнародных арганізацый, дыппрадстаўніцтваў, нават паведамляецца, што прэзыдэнт краіны выяжджае з рабочым візытам у Бэльгію, то бок даецца сыгнал, што, у прынцыпе , усё тое, што адбываецца — пад кантролем, сытуацыя дзяжурная. Якую тактыку абралі, на ваш погляд, улады ў адказ?
Сяргей Мінасян: Я думаю, па-першае, прэзыдэнту краіны трэба сур’ёзна падумаць аб тым, хто і якія парады даваў па разгоне дэманстрантаў у папярэднюю ноч, таму што было абсалютна ясна, што нават з пункту гледжаньня ўладаў ні да якіх станоўчых вынікаў гэта не прывядзе. Зараз абсалютна ясна, што разважлівасьць, з аднаго боку, істотна павысілася, з другога боку, зьнізілася вастрыня рэакцыі з боку пратэстоўцаў, мы бачым, што яны прыходзяць зь дзецьмі. Я б нават сказаў, што складваецца дастаткова добразычлівая атмасфэра, у тым ліку ў дыялёгу з паліцыяй. Я думаю, што ўлады прынялі рашэньне, наколькі гэта магчыма, зацягнуць час і паспрабаваць нейкім чынам знайсьці з пратэстоўцамі кампраміс на больш прымальных умовах. Хоць таксама зразумелая і цалкам відавочная пазыцыя дэманстрантаў, што яны баяцца, што зацягваньне часу прывядзе да таго, што іх патрабаваньні будуць нейкім чынам абыдзеныя або будзе знойдзены нейкі выкручасты варыянт. Але я думаю, што ў рэальнасьці ўлады спрабуюць намацаць варыянты, у тым ліку, і праз кіраўніцтва кампаніі, якая прамантачыла грошы.
Цалкам матэрыял чытаць ТУТ.
