Спатканьне прысьвечана абмеркаваньню надзённых праблемаў сучаснага сьвету, яно было ўпершыню арганізаванае ў 1997 годзе зь ініцыятывы тадышняга чэскага прэзыдэнта Вацлава Гаўла. Гавэл, які меркаваў правесьці толькі адну такую імпрэзу, застаецца і па сёньняшні дзень адным з арганізатараў і мэцэнатаў “Форум 2000”.
Сёлетняе спатканьне праводзіцца пад дэвізам “Адкрытасьць і фундамэнталізм у XXI стагодзьдзі”. Прыкладныя тэмы панэльных абмеркаваньняў: “Вера і фанатызм”, “Магутныя і бясьсільныя”, “Мадэрнізацыя без дэмакратызацыі”, “Уваходзячы ў стагодзьдзе страху”, “Вада і рэлігія”.
У дыскусіі на тэму “Магутныя і бясьсільныя” ўзяў удзел адзін зь лідэраў беларускай апазыцыі Аляксандар Мілінкевіч. Вёў дыскусію прэзыдэнт Брытанскай акадэміі навук Адам Робэртс, а акрамя Мілінкевіча ўдзельнічалі былы прэзыдэнт Мэксыкі Вісэнтэ Фокс, апазыцыйны палітык Труда Стэвэнсан з Зымбабвэ, апазыцыйны лідэр Гары Каспараў з Расеі, апазыцыйная актывістка Зоя Фан зь Бірмы.
Паслухаўшы спадарыняў Стэвэнсан і Фан пра абставіны жыцьця ў іхных краінах, мімаволі даводзіцца заключыць, што “апошняя дыктатура ў Эўропе” — не зусім каб найгоршае месца на гэтай плянэце.
Труда Стэвэнсан распавяла пра неверагодную інфляцыю ў краіне, кіраванай Рэбэртам Мугабэ, і пра тое, што гэтая інфляцыя дазваляе нешматлікім магутным (якія знаходзяцца пры ўладзе і маюць адпаведныя сувязі) купляць “Мэрсэдэсы” па цане паўтара даляры. І яшчэ паведаміла, што калі сьвет не дапаможа Зімбабвэ збожжам цягам найбліжэйшых месяцаў, у краіне пачнецца голад.
Зоя Фан паведаміла, што ў Бірме больш за дзьве тысячы палітычных вязьняў. Кіроўны рэжым ваюе з уласным народам, праводзячы этнічныя чысткі і выкарыстоўваючы згвалтаваньні як зброю ў гэтай вайне.
Аляксандар Мілінкевіч, які выступаў на францускай мове, коратка пераказаў зьмест свайго выступу нашаму радыё па-беларуску:
“Я гаварыў, у чым моц беларускага рэжыму — гэта манаполія на мэдыі, гэта дапамога неэфэктыўнай эканоміцы з боку Расеі, гэта вэртыкаль, якая створаная для застрашваньня. І я гаварыў таксама пра тое, што ў дэмакратычных сілаў ёсьць свая моц — перш за ўсё, гэта вера, перакананьне, і тое, што дэмакратычныя сілы змагаюцца не за крэсла ва ўладзе, а за прынцыпы, за ідэалы”.
Абмеркаваньне беларускай праблематыкі працягнулася на іншым спатканьні ў рамках “Форум 2000”, у якім узялі ўдзел Мілінкевіч і Адам Міхнік, былы польскі антыкамуністычны дысыдэнт і цяперашні рэдактар “Газэты Выборчай”.
Адам Міхнік падзяліўся з удзельнікамі дыскусіі, сярод якіх пераважала студэнцкая моладзь, рэфлексіяй наконт патрэбы дыялёгу апазыцыі з уладай і наконт мэты такога дыялёгу:
“Шанцам на мірную зьмену ёсьць стварэньне ў кіроўнай палітычнай эліце такой праслойкі, якая будзе не ідэалягічнай, а прагматычнай, тэхнакратычнай, нават цынічнай, і якая будзе гатовая дзеля свайго ўласнага інтарэсу інвэставаць у дэмакратычную трансфармацыю”.
Адносячыся да пачатку цяперашняга дыялёгу паміж рэжымам Аляксандра Лукашэнкі і Эўропай, Міхнік моцна падкрэсьліў, што адным з суб’ектаў гэтага дыялёгу мае быць беларуская апазыцыя.
Адам Робэртс, Труда Стэвэнсан і Гары Каспараў
Зоя Фан
Аляксандар Мілінкевіч
Сёлетняе спатканьне праводзіцца пад дэвізам “Адкрытасьць і фундамэнталізм у XXI стагодзьдзі”. Прыкладныя тэмы панэльных абмеркаваньняў: “Вера і фанатызм”, “Магутныя і бясьсільныя”, “Мадэрнізацыя без дэмакратызацыі”, “Уваходзячы ў стагодзьдзе страху”, “Вада і рэлігія”.
У дыскусіі на тэму “Магутныя і бясьсільныя” ўзяў удзел адзін зь лідэраў беларускай апазыцыі Аляксандар Мілінкевіч. Вёў дыскусію прэзыдэнт Брытанскай акадэміі навук Адам Робэртс, а акрамя Мілінкевіча ўдзельнічалі былы прэзыдэнт Мэксыкі Вісэнтэ Фокс, апазыцыйны палітык Труда Стэвэнсан з Зымбабвэ, апазыцыйны лідэр Гары Каспараў з Расеі, апазыцыйная актывістка Зоя Фан зь Бірмы.
Паслухаўшы спадарыняў Стэвэнсан і Фан пра абставіны жыцьця ў іхных краінах, мімаволі даводзіцца заключыць, што “апошняя дыктатура ў Эўропе” — не зусім каб найгоршае месца на гэтай плянэце.
Труда Стэвэнсан распавяла пра неверагодную інфляцыю ў краіне, кіраванай Рэбэртам Мугабэ, і пра тое, што гэтая інфляцыя дазваляе нешматлікім магутным (якія знаходзяцца пры ўладзе і маюць адпаведныя сувязі) купляць “Мэрсэдэсы” па цане паўтара даляры. І яшчэ паведаміла, што калі сьвет не дапаможа Зімбабвэ збожжам цягам найбліжэйшых месяцаў, у краіне пачнецца голад.
Зоя Фан паведаміла, што ў Бірме больш за дзьве тысячы палітычных вязьняў. Кіроўны рэжым ваюе з уласным народам, праводзячы этнічныя чысткі і выкарыстоўваючы згвалтаваньні як зброю ў гэтай вайне.
Аляксандар Мілінкевіч, які выступаў на францускай мове, коратка пераказаў зьмест свайго выступу нашаму радыё па-беларуску:
моц беларускага рэжыму — гэта манаполія на мэдыі
Абмеркаваньне беларускай праблематыкі працягнулася на іншым спатканьні ў рамках “Форум 2000”, у якім узялі ўдзел Мілінкевіч і Адам Міхнік, былы польскі антыкамуністычны дысыдэнт і цяперашні рэдактар “Газэты Выборчай”.
Адам Міхнік падзяліўся з удзельнікамі дыскусіі, сярод якіх пераважала студэнцкая моладзь, рэфлексіяй наконт патрэбы дыялёгу апазыцыі з уладай і наконт мэты такога дыялёгу:
“Шанцам на мірную зьмену ёсьць стварэньне ў кіроўнай палітычнай эліце такой праслойкі, якая будзе не ідэалягічнай, а прагматычнай, тэхнакратычнай, нават цынічнай, і якая будзе гатовая дзеля свайго ўласнага інтарэсу інвэставаць у дэмакратычную трансфармацыю”.
Адносячыся да пачатку цяперашняга дыялёгу паміж рэжымам Аляксандра Лукашэнкі і Эўропай, Міхнік моцна падкрэсьліў, што адным з суб’ектаў гэтага дыялёгу мае быць беларуская апазыцыя.
