د افغانستان په هرات ولایت کې ښځې د یوې ادارې په مرسته د زعفرانو په پټیو کې کار کوي. د طالبانو حکومت ښځې په زیاتره ادارو کې له کاره منع کړې دي چې نړيوالې ټولنې او د ښځو او بشري حقونو سازمانونو ورباندې سختې نیوکې کوي. د اې اېف پي له ویډیو جوړ رپورټ.
د خیبر پښتونخوا په کورمه کې دواړو خواوو تر څو ورځو نښتو وروسته مورچې امنیتي ځواکونو ته سپارلې دي او چارواکي وايي چې اوربند بشپړ عملي شوی دی. د هغې ضلعې په پاړه چینار بازار کې هم کاروباري هلې ځلې بیا پیل شوې دي. د رویټرز اژانس له ویډیوګانو جوړ رپورټ.
د عراق په موصل ښار کې د یو پوهنتون استاد د کتاب د لوست لپاره یو ګرځنده کتابتون جوړ کړی دی. هغه وايي وايي چې موخه یې په نوي نسل کې له کتاب سره مینه پیدا کول دي. د رویټرز اژانس له ویډیو جوړ رپورټ.
د جنوبي کوریا په بوسان ښار کې د ملګرو ملتونو د غړو هېوادونو استازو د پلاسټیکو له وجې د چاپېریال ککړتیا پر مخنیوي خبرې کړې دي. دا مذاکرات د نومبر پر ۲۵مه پیل شوي ول چې د ډېسېمبر پر لومړۍ هم روان ول. د اسوشيټېډ پرېس، رویټرز او اې اېف پي له ویډیوګانو جوړ رپورټ.
سوریايي یاغیانو د هغه هېواد د دویم لوی ښار حلب یوشمېر سیمې نیولې دي او د نومبر پر ۳۰مه یې هلته خوشالۍ هم لمانځلې دي. هغه یاغیان د ترکیې ملاتړ لري چې مشري یې القاعده پلوې هیت تحریر الشام ډله کوي. په همدې حال کې روسیو جنګي الوتکو پر حلب هوايي حملې هم کړې دي. د اې اېف پي له ویډیوګانو جوړ رپورټ.
د ملګرو ملتونو تر انتظام لاندې د وچکالۍ د مخنیوي لپاره نړیواله غونډه د ډېسمبر په دویمه په ریاض کې پیلېږي. د "زموږ مځکه، زموږ مستقبل" تر عنوان لاندې دا غونډه پر داسې مهال ترسره کېږي
د کراچۍ ژوبڼ چارواکي وايي چې په سفاري پارک کې یې د مدوبالا په نوم د هغې هاتۍ (ښځینه فیل) د اوسېدو سم انتظام کړی دی. هغوی وايي چې په سفاري پارک کې د هغې دوه خویندې هم شته چې مدوبالا ورسره شاوخوا ۱۵ کاله وروسته یوځای شوه. د اسوشيېټېډ پرېس او اې اېف پي له ویډیوګانو جوړ رپورټ.
د مراکش په سرښار رباط کې یوه نړیواله فولکلوري مېله شوې چې پکې د هند، عراق، او برتانیې په ګډون د ۱۱ هېوادونو کلتوري ډلو برخه اخیستې ده. په مېله کې د بېلابېلو هېوادونو کلتوري ډلو یا طایفو خپل دودیز ډانسونه یا ګډاګانې نندارې ته وړاندې کړې.
د افغانستان په خوست کې د نومبر پر ۲۷مه د ځوانانو د یووالي په نوم د فوټبال د غوره لیګ د پیل لپاره مراسم نیول شوي ول. په دغه اتلولي کې د خيبر پښتونخوا د یو شمېر لوبغاړو په ګډون، د خوست ۱۰ غوره لوبډلې هم برخه پکې اخلي.
په افغانستان کې د طالبانو د حکومت لخوا په ښځو د زده کړو او کار کولو محدودیتونه دوام لري، چې په نتیجه کې یې د لوړو زده کړو ترڅنګ ګڼ شمېر ښځو حکومتي دندې هم له لاسه ورکړې دي.
په دې وروستیو ورځو کې د اوکراین پر بېخبنا د روسیې په بریدونو کې د هېواد تر یو مېلیون زیات وګړي په سخته یخنۍ کې له برېښناارکیټونو او دوکانونو کې برېښنا توليدونکي جنرېټرې لګولې دي. د رویټرز اژانس له ویډیو جوړ رپوټ.
د لبنان د جنوبي ښار النبطيه اوسېدونکي، چې د اسرايیلو د هوايي بريدونو له وجې سخت زیانمن شوي ول، د حزب الله او اسرايیلو تر مينځ د اوربند تر موافقې وروسته بېرته خپلو کورونو ته ستنېږي.
نور وښیئ
