پښتونخوا او قبایل

جنوبي وزیرستان کې په ۲ حملو کې د یو ولسي مشر ۱ ورور او ۱ پولیس وژل شوي دي

د اعظم ورسک تاڼې یو چارواکي، چې له رسنیو سره یې د خبرو اجازه نه لرله، د اګست پر درېیمه د نوم نه ښوولو په شرط مشال راډیو ته وویل، د سیمه ییز مشر عاشق نور درې وروڼه د اګست پر دویمه په خپل ګاډي کې روان ول چې په نوې سبزي منډیۍ سیمه کې په لاره کې پټو ناستو وسلوالو ورباندې ناتاره ډزې وکړې.

پولیس وايي بنو کې په نښته کې ۳ مشکوک وسلوال او ۱ سرتېری وژل شوي دي

د باجوړ مشرانو طالبانو ته ویلي خلک له ناامنۍ په تنګ دي

د باجوړ مشران هڅه کوي په هغه سیمه کې فعال وسلوال طالبان دې ته اماده کړي چې یاده سیمه دې پرېږدي.

لکي مروت کې ډرون برید او هاوان توغندي چاودېدو ۶ کسان وژلي دي

د ځايي اوسېدونکیو او د پولیسو د یاد مامور د معلوماتو له مخې د اګست په دویمه نېټه د هاوان له یو ناچاودېدلي توغندي سره ماشومانو لوبې کولې چې هغه وډزېد او په نتیجه کې یې پینځه ماشومان ووژل شول او د ۱۱ ماشومانو په ګډون ۱۳ کسان ژوبل شول.

پولیسو د بنو نورړ کې په یو ورځنیو عملیاتو کې د ۶ مشکوکو وسلوالو د وژنې دعوه کړې ده

باجوړ کې په پوځي عملیاتو او یوه بمي چاودنه کې ۵ تنه ژوبل شوي دي

پولیس وايي له امنیتي سرتېرو سره یې په ګډه د بنو نورړ کې د وسلوالو ضد عملیات پیل کړي

د شمالي وزیرستان اتمانزیو مشران وايي پوځ دې د خلکو کورونه نه ورانوي

د اتمانزیو مشر ملک نصر الله خان مشال راډیو ته وویل، شمالي وزیرستان اوس یوه ضلع ده او د وفاق تر واک لاندې د قبایلي سیمو (فاټا) قانوني حیثیت نه لري چې پکې تر فرنټییر کرایمز رېګولېشن (اېف سي ار) لاندې پرېکړې وشي. "اوس څوک د طالب د ګناه سزا نورو ته نه شي ورکولی نو د خلکو کورونه ولې ړنګېږي؟"

پولیس: د باجوړ عملیاتو کې ۳ ولسي وګړي وژل شوي

د باجوړ پولیس وايي، په سیمه کې د جولای له ۲۹مې راهیسې د وسلوالو پر ضد په پیل شویو عملیاتو کې د یوې ښځې په ګډون درې ولسي وګړي وژل شوي او تر پینځو زیات ژوبل دي.

د هنګو خلکو د پوځ بمبارۍ خلاف مظاهره وکړه

په احتجاج کې شامل د خویدادخېلو ملک نور اکبر د جولای پر ۲۹مه مشال راډیو ته وویل، تر دې وړاندې هم په سیمه کې د ترسره شویو عملیاتو پر مهال عام ولس متاثره شوی دی او خلک نور د داسې عملیاتو زغم نه لري.

چارواکي وايي په باجوړ کې پوځي عملیات پیل شوي دي

د باجوړ د مرستیال کمېشنر له دفتره د جولای پر ۲۹مه په خپره شوې یوه اعلامیه کې ویل شوي دي چې دا عملیات دم ګړۍ ته د درو ورځو لپاره دي، د جولای پر ۲۹مه پیل شوي او د جولای تر ۳۱مې به دوام کوي

پولیس وايي د سوات مدرسې د پېښې مرکزي ملزمان یې نیولي دي

ډي اېس پي شوکت علي د جولای پر ۲۸مه ناوخته د سوات خبریالانو ته وویل، د چالیار په مخزن العلوم مدرسه کې د وژل شوي ماشوم فرحان ایاز د وژنې په تور یې وار له مخې هم ګرفتارۍ کړې وې خو دوه مرکزي کسان قاري عمر او احسان الله چې پلار او زوی دي، مفرور وو اوس دوی نیولي دي.