شاهنواز ترکزی له پېښوره د مشال راډیو خبریال دی او د مومندو، باجوړ او شاوخوا سیمو په اړه رپورټونه جوړوي.
د اګست پر ۱۵مه د باجوړ له لوی مامونده یو ځل بیا کډې پیل شوې دي. دا تر هغې وروسته ده چې انتظامیې د اګست پر ۱۴مه د ۲۴ کلیو اوسېدونکو ته د مېنو پرېښودو امر وکړ. انتظامیه وايي، په هغه سیمه کې د مشکوکو وسلوالو پرضد هدفي عملیات کوي. تفصیل په دې رپورټ کې.
چارواکي وايي، د باجوړ د خار په لوبغالي کې یې د کډوالو لپاره خیمې درولې دي او بې ځایه شویو ته د ګاډي کرایه او نور لګښتونه هم ورکوي.
د باجوړ خلکو په خپله سیمه کې لګېدلی ګرځبندیز (کرفیو) مات کړی دی او بازارونه یې پرانیستي دي. دا تر هغې وروسته ده چې ضلعي انتظامیې د اګست پر ۱۰مه شپې ناوخته په بیان کې په لوی ماموندو کې درې ورځنی او د باجوړ پر ځینو مهمو سړکونو یو ورځنی ګرځبندیز ولګاوه. ویډيويي رپورټ.
په باجوړ کې د امنیت د ټینګولو لپاره حکومت د جولای له ۲۹مې عملیات پیل کړي چې له وجې یې د ځینو کلیو یو شمېر خلک کډو کولو ته اړ شوي دي. همدا رنګه د باجوړ انتظامیې په ځینو سیمو کې ګرځبندیز هم لګولی دی. د باجوړ د خار سیمې د سوداګرو د ټولنې یو مشر سجاد کاروان مشال راډیو ته د خپلو سترګو لیدلی حال بیانوي.
له دې پرته، په ټول لوی ماموندو تحصیل کې تر درو ورځو پورې د قانون ۱۴۴مه ماده عملي شوې او انتظامیې خلکو ته ویلي دي چې پر سړکونو دې نه ګرځي او له کورونو دې بهر نه وځي.
د باجوړ انتظامیې او په سیمه کې موجودو وسلوالو ډلو تر اوسه د جرګې د مشرانو د څرګندونو په اړه مشال راډیو ته څه نه دي ویلي.
د پېښور اوسېدونکی خضر حیات اته کلن وو چې په یوه پېښه کې یې لاس غوڅ شو. دی وايي، پر دې سربېره یې نه غوښتل چې پر کورنۍ بار (بوج) شي نو ځکه مزدوري کوي. هغه چېنګچي چلوي او د سریو (سیخانو) د ماتولو سخت کار کوي. نور په لنډ ویډیويي رپورټ کې.
له کله نه چې د پاکستان پوځ د باجوړ په ۱۶ کلیو کې د عملیاتو خبرداری ورکړی دی، د سیمې یو شمېر خلک د سر او مال د خوندي ساتلو په موخه نورو ځایونو ته کډې وړي.
د باجوړ جرګه وايي، د حکومتي او وسلوالو ترمینځ یې دوه ورځنی اوربند کړی دی. د جرګې غړي او د سوداګرو د ټولنې مشر واجد علي شاه د اګست پر څلورمه مشال راډیو ته وویل، دواړه لوري سلا شوي دي چې د اګست پر څلورمه او پینځمه به پر یو بل حملې نه کوي. تفصیل په دې رپورټ کې.
د باجوړ مشران هڅه کوي په هغه سیمه کې فعال وسلوال طالبان دې ته اماده کړي چې یاده سیمه دې پرېږدي.
د باجوړ په بادسیا سیمه کې یوې جرګې ویلي دي چې له طالب وسلوالو سره خپله خبرې کوي او ورڅخه غواړي چې سیمه دې پرېږدي ځکه چې د هغوی او امنیتي ځواکونو ترمینځ په نښتو کې ولسي وګړو ته مرګژوبله او مالي زیانونه اوړي. د اګست پر لومړۍ جرګې ته ګڼ خلک او ولسي مشران ورغلي ول. ویډيويي رپورټ.
د باجوړ پولیس وايي، په سیمه کې د جولای له ۲۹مې راهیسې د وسلوالو پر ضد په پیل شویو عملیاتو کې د یوې ښځې په ګډون درې ولسي وګړي وژل شوي او تر پینځو زیات ژوبل دي.
د باجوړ د مرستیال کمېشنر له دفتره د جولای پر ۲۹مه په خپره شوې یوه اعلامیه کې ویل شوي دي چې دا عملیات دم ګړۍ ته د درو ورځو لپاره دي، د جولای پر ۲۹مه پیل شوي او د جولای تر ۳۱مې به دوام کوي
د یوشمېر نورو قبایلي ضلعو په څېر د مومندو په شاوخوا ۷۰ فیصده ځایونو کې د موبایل ټېلېفون انټرنېټ کار نه کوي او په ځینو تحصیلونو کې خو ان د ټېلېفون کولو لپاره هم شبکه (نېټورک) نه شته. د هغو سیمو اوسېدونکي وايي، د انټرنېټ کارولو لپاره غرونو ته خېژي او د نورو ضلعو له شبکو ګټه اخلي. تفصیل په دې رپورټ کې.
د جولای پر ۱۸مه، د مومندو په میامنډیۍ او د کورمې په صده کې د امن پاڅونونه وشول.
په ابازو کې د امونو یو لوی باغ دی چې په ۵۰۰ جریبه ځمکه باندې اباد دی. دغلته د څو قسمه امونو ونې دي چې هر کال په جولای میاشت کې یې حاصل تیار وي.
په باجوړ کې د بېلابېلو ګوندونو سیاستوالانو او فعالانو له حکومته غوښتي دي چې هلته دې امن پر ځای کړي او د هدفي وژنو مخه دې ونیسي. د جولای پر ۱۳مه د "امن پاڅون"په نوم غونډې ته زرګونه خلک ورغلي ول. ویډیويي رپورټ.
د جمعیت علمای اسلام (ف) سیاستوال او پخواني سېنېټر مولانا عبدالرشید د پاڅون ګډونوالو ته وویل، پرېکړه یې کړې چې د "باجوړ پر خاوره هېڅ جنګ او ټوپک نه مني او نه د عسکري اپرېشن (عملیاتو) منلو ته تیار" دي.
باجوړ اېکشن کمېټۍ د جولای پر ۱۱مه وویل، پاڅون به کېږي او خامخا به کېږي. په دغه کمېټۍ کې سیاسي او ټولنیز تنطیمونه، د ځوانانو تنظیمونه، حق غوښتونکې ډلې، د کاروباریانو اتحادیې او عام ولس شامل دي.
عوامي نیشنل ګوند وايي، د خپل مخکښ سیاستوال مولانا خانزېب د وژنې مقدمه د دولت (ریاست) پر وړاندې دایروي. په باجوړ کې د ګوند د ضلعي سېکرټر مرستیال سید صدیق اکبر د جولای پر ۱۱مه د مولانا خانزېب جنازې پر مهال مشال راډیو ته وویل چې ریاست د خلکو د ساتنې مسوول دی. تفصیل په ویډیويي رپورټ کې.
نور وښیئ
