پر تحريک لبيک پاکستان ولې بنديز لګول شوی؟
د پاکستان مرکزي حکومت پر تندلارې مذهبي سياسي ډلې "تحریک لبیک پاکستان "تر بندیز وروسته د هغې ډلې ګڼ غړي نيولي دي. دا ډله تر دې وړاندې هم يو ځل تر بنديز لاندې راغلې وه، چې وروسته بنديز ورڅخه ليرې کړل شو. شاوخوا ۱۰ کاله وړاندې جوړې شوې دغې ډلې په وروستيو کې په پنجاب کې د اسراييلو خلاف له تاوتريخوالي ډک احتجاجونه کړې ول او غوښتل يې چې په اسلام اباد کې د امريکا د سفارت مخې ته هم مظاهره وکړي خو مرکزي حکومت لارې ورته بندې کړې. وروسته د اکتوبر پر ۲۳مه د پاکستان مرکزي کابينې پر تحريک لبيک پاکستان (ټي اېل پي) د بنديز پرېکړه وکړه.