شاهنواز ترکزی له پېښوره د مشال راډیو خبریال دی او د مومندو، باجوړ او شاوخوا سیمو په اړه رپورټونه جوړوي.
د باجوړ د پولیسو ویاند محمد اسرار مشال راډیو ته وویل چې د پولیسو یو اسېسټنټ سب انسپکټر (اې اېس ای) او یو سرتېری د اپرېل پر شپږمه ماښام مهال د ماموندو په بر کلي کې پلي (پیاده) روان ول چې د سړک تر غاړې د ښخ بم چاودنې ښکار شول.
په سني اتحاد کونسل کې تر ګډېدو وروسته پاکستان تحريک انصاف د انتخاباتو کمېشن ته درخواست ورکړی وو چې د مېرمنو او لږکیو لپاره هغه څوکۍ ورکړي چې د نېغ په نېغه ګټلو څوکیو پر سر د هغوی حق جوړېږي.
احتجاج ته د تحریک انصاف ګوند د باجوړ مشر ګل ظفر او نورو مشرانو ویناګانې وکړې او د ریحان زېب د امنیت نه ساتلو پر سر یې په د باجوړ پر انتظامیه او امنیتي چارواکو سختې نیوکې وکړې.
د باجوړ د پولیسو ویاند محمد اسرار مشال راډیو ته وویل چې ریحان زېب له خپلو درو نورو ملګرو سره روان وو چې "نامعلومه وسلوالو" یې د هغې ضلعې په صدیق اباد پاټک کې پر ګاډي ډزې وکړې چې پکې یې څلور واړه ژوبل شول خو رېحان زېب وروسته په روغتون کې سا ورکړه.
نوموړی د قامي اسمبلۍ په اېن ای اتمه حلقه د انتخاباتو لپاره ولاړ وو. د هغه تعلق که څه هم پخوا د پاکستان تحریک انصاف ګوند سره وو خو دا چې دا ځل ورته هغه ګوند انتخاباتي ټیکټ نه و ورکړی نو ځکه نوموړی د ازاد کاندید په توګه په میدان کې وو.
د باجوړ د روغتیاپالانو د ټولنې مشر ډاکټر محمد یوسف د جنورۍ پر ۲۰مه، مشال راډیو ته وویل، حکومت دې ورته خوندیتوب ورکړي او د وژل شوي ډاکټر عبدالرحمان قاتلان دې ونیسي او د هغه له کورنۍ سره دې مرستې وکړي.
د باجوړ پولیس وایي، چاودنه پرون (د جنورۍ پر اتمه) سهار مهال د ماموندو تحصیل په بیلوټ فرش سیمه کې شوې وه چې پينځه پوليس پکې وژل شوي او ۲۲ نور ژوبل شوي ول، خو په ژوبلو پوليسو کې بېګا دوه نور مړه شول.
د سیمې د پولیسو ویاند محمد اسرار مشال راډیو ته وویل چې پولیس سرتېري په سیمه کې د پولیو یا ګوزڼ د واکسیني کیمپېن پر مهال د امنیت چارو ترسره کولو لپاره روان ول چې ګاډی یې د سړک تر غاړې د ښخ بم چاودنې ښکار شو.
د پاکستان د بهرنیو چارو د دفتر ویاندې ممتاز زهرا بلوڅې د ډېسېمبر پر ۲۹مه په یوه بیان کې وویل، هندیو چارواکو له پاکستانه غوښتنه کړېده چې د پیسو مینځلو یا مني لانډرینګ په یوه قضیه کې تورن حافظ سعید دې ورته وسپارل شي.
په پاکستان کې تر څو کلونو وروسته په ۲۰۲۳ز کال کې سیاسي کړکېچ ژور شو. د شنونکو په باور داسې ښکاري چې واک د منتخب حکومت پر ځای تر ډېره له امنیتي ادارې یا اېسټیبلېشمنټ سره وو. دا هغه دعوه ده چې پوځ په بیا بیا رد کړې. په رپورټ کې مو په ۲۰۲۳ز کې په پاکستان کې سیاسي پرمختګونو او بدلونونو ته کتنه کړې ده.
کمېشن د ډېسېمبر پر۲۲مه وویل چې د تحریک انصاف خپلمنځي ټاکنې (انټرا پارټي الېکشن) د قانون سره سمې نه وې نو ځکه ورته د بیټ نښه نه ورکوي.
د ډېسېمبر پر ۱۵مه کمېشن پر ایکس پاڼه په خپره کړې اعلامیه کې وویل چې د قامي او صوبایي اسمبلیو لپاره راتلونکي عام انتخابات د ۲۰۲۴ کال د فبرورۍ پر اتمه کېږي.
رحمت شاه اپرېدی د انګرېزۍ ژبې ورځپاڼې "دي فرنټېر پوسټ" تر څنګ د اردو ژبې " میدان " مالک هم وو. دي فرنټېر پوسټ په ۸۰مه او ۹۰مه لسیزه کې د وخت تر ټولو لویه او مشهوره ورځپاڼه وه.
په ۲۰۲۲ز کال کې د امن مطالبې لپاره جوړې شوې د "باجوړ امن جرګې" د ډېسېمبر پر اوومه یو وارې بیا د امن لپاره خپلې غوښتنې تکرار کړې.
پيپلز پارټۍ د اکتوبر ۲۲مه پر اېکس پاڼه د اطلاعاتومرکزي سېکرټر فیصل کريم کنډي بیان خپور کړی چې پکې هغه ويلي، انتخاباتي کمېشن د پاکستان ايين ته پابند دی او نه شي کولای چې د ددوو ګوندونو په خوښه ټاکنې وځنډوي.
پخواني وزیراعظم او د تحریک انصاف مشر عمران خان په ۲۰۲۲ز کال کې په سپریم کورټ کې درخواست دایر کړی وو او ورڅخه یې د ترمیمي قانون د ختمولو غوښتنه کړې وه.
د وزیر او د مزارۍ د وکیلانو د ډلې یو غړي اېمل خان مندوخېل مشال راډیو ته وویل چې عدالت په هم هغه اورېدنه کې د مزارۍ ضمانت هم منظور کړ. خو تر ضمانت وروسته چې مزارۍ د راولپېنډۍ له زندانه وتله نو د اسلام اباد پولیسو بیا ګرفتاره کړه.
د فاټا ټرېبیونل د جولای پر ۱۷مه بیا بحال شوی خو په اړه یې اعلامیه نېږدې یوه میاشت وروسته رسنیو ته راووتله. د اعلامیې یوه کاپي مشال راډیو هم ترلاسه کړې ده.
د قبایلي سیمو د لېویز ځواک او پولیسو د کمېټۍ مشر جلال اپرېدي د اګست پر اوومه مشال راډيو ته وویل چې حکومت یې غوښتنې نه پوره کوي نو ځکه سرتېرو له کور په کور ګرځېدونکو روغتیايي ډلو سره د امنیتي دندې له ترسره کولو انکار کړی دی.
نور وښیئ
