د مشال تر رڼا لاندي بحث کې مو د ناقانونه پيسو د څار نړيوالې ادارې (اېف اي ټي اېف) خړ لسټ کې د پاکستان د پاتې کېدو برخليک موضوع څيړلي دي. د اېف اي ټي اېف غونډه د فېبرورۍ پر ۲۲مه په پيرس کې کېږي. پاکستان هيله ښودلي چې په ۲۷ نکاتو کې يې ۲۱ عملي کړي دي. په غونډه کې به پرېکړه کېږي چې پاکستان له خړه ليسټه وباسي او که نه. خپرونه د غږ پر ځای کې اورېدای شئ.
د مشال تر رڼا لاندې
پنجشنبه ۱۸ فبروري ۲۰۲۱
د پاکستان په سياست کې له هغه وروسته تود بحث راپورته شوی چې د فرورۍ پر نهمه پر ټولنيزو رسنيو يوه داسې ويډيو خبره شوه چې پکې د خيبرپښتونخوا اسمبلۍ غړي ښکاري چې ورته نزدې پر مېز د پېسو بنډلونه پراته دي. دا ويل کېږي چې دا ويډیو د ۲۰۱۸م کال د سېنېت انتخاباتو له مخه جوړه شوې او دا دعوی کېږي چې دغو غړيو خپل ووټونه خرڅول. دا ويډيو په داسې وخت کې مخې ته راغلې چې وار له مخه په راروان مارچ مياشت کې د سېنېت د کېدونکيوانتخاباتو په اړه د واکمن تحريک انصاف او اپوزيشن ترمنځ د سېنېت د ټاکنو پر طريقه کار سخت اختلافات روان دي د مشال تر رڼا لاندې کې هم پر دې موضوع بحث شوی دی.
