Маҳдудиятҳо дар кору зиндагии муҳоҷирон, дар Русия бештар мешавад.Ин навбат мақомоти вилояти Маскав эълон намуданд, ки сар аз соли нав муҳоҷирони патентдорро дар баъзе соҳаҳои муҳим ба кор қабул нахоҳанд кард.
Нерӯҳои Русия ба сӯи Покровск, як маркази муҳими нақлиётӣ дар шарқи Украина пеш мераванд. Мақомот ҳазорон нафар аз аҳолии осоиштаро аз ин миинтақа кӯч доданд. Аммо баъзе аз сокинони Мирноҳрад, ки дар чанд километрии шарқи Покровск ҷойгир аст, азми мондан дар ин ҷоро доранд.
Раисҷумҳури Тоҷикистон аз садри аъзами Олмон хостааст, ки кишвараш дар бунёди нерӯгоҳи "Роғун" саҳм бигирад. Эмомалӣ Раҳмон ва Олаф Шолтс рӯзи 17-уми сентябр дар Қазоқистон ва дар ҳошияи мулоқоти сарони кишварҳои Осиёи Марказӣ бо Олмон (5+1) гап задаанд.
Хабарҳои рӯз
Пулиси Санкт Петербург аз боздошти ду муҳоҷир ва 4 зодаи Русия хабар дод, ки гӯиё ба муҳоҷирати ғайриқонунӣ кумак мекардаанд. Ба гуфтаи пулис, яке аз дастгиршудаҳо ҳамроҳи писараш муҳоҷиронеро меҷустанд, ки ба сабти ҷойи иқомат ниёз доштанд.
Рӯзи 15-уми сентябр марде ба ҷони Доналд Трамп, номзад ба мақоми президенти Амрико талоши сӯиқасд кардааст. Мақомот гуфтанд, Трамп осеб надидааст ва сиҳату саломат аст. Ин бори дуюм аст, ки ба сӯи Доналд Трапм тир меандозанд.
Ахбори Озодӣ
Дар Душанбе баҳси як сокини шаҳр бо мудири як мактаб то ба додгоҳ рафтааст. Волидайни ду наврасе, ки дар литсейи рақами 5 дарс мехонанд, ба додситонӣ шикоят бурдаанд, ки аз онҳо барои таҳсили бачаҳояшон ба додгоҳ кашидааст.
Як сокини вилояти Суғд шикоят дорад, ки тақрибан даҳ сол боз дар шароити сахт дар хонаи қадима ва нимавайрон зиндагӣ мекунад. Ин зан мегӯяд, муроҷиатҳои батакрори ӯ ба мақомоти Панҷакент мушкилашро ҳал накард. Мансабдорон дар номаҳои расмӣ гуфтаанд, ки имкони сохтмони манзили зисташро надоранд.
Дар Тоҷикистон, ки мавсими даъвати тирамоҳии ҷавонон ба сафи неруҳои мусаллаҳ идома дорад, муҳоҷирати домодҳои ҷавон ба Русия авҷ гирифтааст. Баъзеҳо ҳато моҳи асал бо завҷаи ҷавонро нагузаронида барои кор ба Русия мераванд, то онҳоро ба артиш набаранд.
Қаҳрамони шумораи навбатии барномаи "Рӯзгори муҳоҷир" зани тоҷик Гулшан Мукаррамова мебошад, ки мегӯяд бо ташаббуси шавҳари собиқаш аз Русия ихроҷ ва аз дидори фарзандонаш маҳрум шудааст.
Сафорати Тоҷикистон дар Маскав рӯзи 10-уми сентябр ба шаҳрвандони ҷумҳурӣ тавсия дод, ки аз сафар ба Русия худдорӣ кунанд. Ин изҳорот дар ҳоле нашр мешавад, ки ҳафтаҳои охир роҳ надодани муҳоҷирони тоҷик ба Русия ва ихроҷи онҳо аз ин кишвар шиддат гирифтааст.
Ёфтҳои бештар
