Рӯзи 11-уми сентябр дар Душанбе ҳамлагари ҷавоне бо корд раиси Шӯрои уламои Тоҷикистон Саидмукаррам Абдулқодирзодаро маҷруҳ кард. Ҳоло ин ҷавон дастгир шудааст.
Дар Душанбе "Конфронси байналмилалӣ оид ба нақши уламо ва зиёиёни тоҷик дар рушди фарҳанг ва тамаддуни исломӣ" ҷараён дорад.
Тафсилоти ҳамла ба муфтии Тоҷикистон, нишасти байналмилалӣ бахшида ба нақши тоҷикон дар рушди фарҳанги исломӣ, як моҳ ҳабси сардабири "Пайк" Аҳмади Иброҳим, соли нави таҳсил дар деҳоти дурдасти Покистон ва боздошти узви гурӯҳи зархариди "ВАГНЕР" дар Узбекистон.
Дар дили кӯҳҳои Покистон мактаби аҷибе амал мекунад. Ҳама шогирдони он духтарҳои се деҳаи ноҳияи Пишини вилояти муҳофизакори Балуҷистон ҳастанд. Ягона синфхона шогирдони синфҳои як то панҷро дар як ҷо гирд оварда, кораш мактаби куҳнаро мемонад.
Аз боздошти Аҳмади Иброҳим - сардабири нашрияи мустақили "Пайк" ва ҳам масдуд шудани кори ин расона як моҳ гузашт. Маълум нест ӯ дар чӣ шароит нигаҳдорӣ мешавад. Мақомоти додситонии Кӯлоб гуфтанд, ки ӯро бо иттиҳоми пешниҳоди пора дастгир карданд.
Рӯзи 10-сентябр Эмомалӣ Раҳмон Президенти Тоҷикистон зимни сафари кориаш ба вилояти Суғд аз ҷараёни корҳои бунёди роҳи байналмилалии наздик ба минтақаи марзӣ бо Қирғизистон низ дидан кард. Ин роҳ асосан ду ноҳияи марзӣ бо Ҷумҳурии Узбекистонро ба ҳам мепайвандад.
Сафорати Тоҷикистон дар Русия аз шаҳрвандон хостааст, ки муваққатан аз сафар ба ин кишвар худдорӣ кунанд. Сафорат рӯзи 10-уми сентябр хабар дод, ки дар гузаргоҳҳои марзӣ ва фурудгоҳҳои Русия назорати сахт ҷорӣ шудааст, аз ин рӯ, ба шаҳрвандони Тоҷикистон тавсия медиҳанд, ки ҳоло ба Русия наоянд.
Нахустин мунозира миёни Доналд Трамп ва Камала Ҳаррис, ду номзади интихоботи раёсати ҷумҳурии Амрико дар шаҳри Филаделфияи иёлати Пенсилвания баргузор шуд. Дар ин мунозира ин ду рақиб ба якдигар тохтанд ва аз барномаҳои якдигар интиқод карданд.
Ахбори Тоҷикистону ҷаҳон
Дар ягона мактаби миёнаи муҳоҷирони афғон дар Душанбе, 10-уми сентябр соли нави таҳсил шурӯъ шуд. Дари мактаб дар ҳоле дубора боз шуд, ки ҳамоно масъалаи иҷозатномаи фаъолият дар ин муассиса ҳалли худро наёфтааст.
Дар Тоҷикистон қимати гази моеъ, яке аз серистифодатин навъи сӯзишворӣ - дар муқоиса бо моҳҳои гузашта бисёр боло рафтааст. Бар асоси мушоҳидаҳои муассисаҳои имдодӣ қимати як литри гази моеъ назар ба як моҳ пеш ҳоло 17 дар сад ва дар муқоиса ба соли гузашта 30 дарсад болотар аст.
Хабарҳои рӯз
Ёфтҳои бештар
