Сухангӯйи сарвазири Арманистон гуфт, дар ҷараёни дидори Никол Пашинян ва Владимир Путин дар Маскав тавофуқ шудааст, ки нерӯҳои Русия посгоҳҳо ё нуқтаҳои назорати марзии Эрон ва Арманистонро тарк кунанд.
Вилям Бурнз, раиси Созмони истихбороти марказии Амрико ё CIA гуфт, агарчӣ Вашингтон ба ин бовар аст, ки на Эрон ва на Исроил ҳеҷ кадом "ба дунболи як ҷанги ҳамаҷониба нестанд", аммо хатари афзоиши нохостаи даргириҳо "бисёр воқеӣ ба назар мерасад".
Ба гузориши Созмони Милал, дар як соли ҷанг дар Навори Ғазза наздик ба ду миллион нафар хонаҳои худро аз даст дода, дар вайронаҳо ё паноҳгоҳҳои муваққатӣ зиндагӣ мекунанд. Дастрасӣ ба хӯроку дору низ барои бисёре аз онҳо ғайриимкон шудааст.
Навори Ғазза дар соҳили Баҳри Миёназамин то соли 1917 дар ихтиёри империяи усмонӣ буд. Дар як асри гузашта аз итоати Бритониё ба Миср гузашт ва сипас зери назорати артиши Исроил даромад. Ҳоло бурунбум ё анклави деворпече аст, ки дар он зиёда аз ду миллион фаластинӣ зиндагӣ мекунанд.
Як соли ҳамлаи Исроил ба Навори Ғазза ҷони чӣ қадар инсонро рабуд ва чӣ вайрониҳо овард? Дар он зиёда аз 41 ҳазор фаластинӣ, асосан мардуми осоишта ва дар ҷумлаашон кӯдакону занону солмандон, кушта ва ин ҷазирақаламрави фаластинӣ валангор карда шуд.
Аз оғози ҷанг дар Ғазза як сол гузашт. Ҷанг дақиқан рӯзи ҳафтуми октябри соли 2023 оғоз шуд. Дар ин рӯз гурӯҳи "Ҳамос" ба минтақаҳои гуногуни Исроил ҳамла кард ва ҳудуди 1200 нафарро кушт ва 240 тани дигарро гарав гирифт.
Ҳамлаҳои ҳавоӣ ва амалиёти маҳдуди заминии Исроил ба зидди гурӯҳи "Ҳизбуллоҳ" дар Лубнон тақрибан як миллион сокини осоиштаро дар ин кишвари Ховари Миёна овора кардааст.
Дар зарбаи Исроил ба маркази Бейрут, пойтахти Лубнон, ки Телавив онро "амалиёти дақиқ" номид, камаш шаш кас кушта шудааст. Ҳамла шаби 2 ба 3-юми октябр ва як рӯз баъди он сурат гирифт, ки Исроил аз марги ҳашт сарбозаш дар ҳамлаи заминӣ ба ҷануби Лубнон хабар дод.
Эрон рӯзи 1-уми октябр бо мавҷе аз мушакҳои болдор ба шаҳрҳои Исроил зарба зад. Бонги хатар дар саросари Исроил ба садо даромад ва ба сокинон дастур доданд, ки ба паноҳгоҳ раванд.
Кумисюни амрикоии Ҳелсинки гуфтааст, Иёлоти Муттаҳида бояд ба муқовимати дарозмуддат бо Русия омода шавад ва ин марҳила танҳо бо поёни аҳди президенти худкома Владимир Путин тамом нахоҳад шуд.
Порлумони Қирғизистон дархости раисҷумҳури собиқи ин кишвар Аскар Оқоев (Акаев)-ро барои барқарор кардани мақоми “президенти пешин” нисбат ба ӯ рад кард. Ӯ баъд аз 14 соли рафтан аз Қирғизистон, тасмим гирифт, ки мақому дахлнопазирии худро барқарор кунад. Оқоев соли 2010 аз дахлнопазирӣ маҳрум шуд.
Наим Қосим, муовини раиси “Ҳизбуллоҳ”, як созмони тундрави таҳти ҳимояти Эрон ва ҳизби сиёсӣ, ки ҷануби Лубнонро зери назорат дорад, рӯзи 30-юми сентябр гуфт, раиси нави созмонро ба зудӣ интихоб мекунанд.
Ёфтҳои бештар
