Як рӯз баъди расонаӣ шудани муроҷиати додхоҳии хабарнигор ва сардабири нашрияи мустақили "Пайк" аз Рустами Эмомалӣ, додгоҳи шаҳри Кӯлоб Аҳмади Иброҳимро ба даҳ сол ҳабс маҳкум кард.
Аҳмади Иброҳим, рӯзноманигори боздоштшудаи тоҷик, парвандаашро сохта номида, дар номае аз Рустами Эмомалӣ, раиси Маҷлиси Миллӣ, шаҳрдори Душанбе ва писари раисҷумҳури Тоҷикистон, додхоҳӣ кардааст.
Ҷабҳаи муқовимати миллии Афғонистон иддао кардааст, ки гурӯҳи “Ансоруллоҳ” қасд дорад, низоми ҳозираро дар Тоҷикистон сарнагун ва давлати исломӣ бунёд кунад. “Ансоруллоҳ” аз ҷангҷӯёни зодаи Осиёи Марказӣ таркиб ёфта, дар ҳудуди Афғонистон қарор дорад. Тоҷикистон онро созмони террористӣ медонад.
Назира Алмуҳаммедова, сокини 76-солаи Қирғизистон, барои наҷоти фарзандонаш аз ғарқшавӣ дар шаҳри Душанбе ба як марди тоҷик изҳори сипос кард. Ҳодиса тобистони соли 1994 иттифоқ афтодааст. Алмуҳаммедова мегӯяд, номи мардро намедонад, вале ҳеч гоҳ ёрияшро аз ёд набурд.
Аз ҳодисаҳои “январи хунин” дар Қазоқистон се сол гузашт. Хонаводаи қурбониён ҳанӯз адолат ҷустуҷӯ доранд.
Аз 3-юм то 5-уми январ дар Тоҷикистон барфи зиёд борида, ҳаракатро дар роҳҳои асосии кишвар мушкил кард. Ронандагон шикоят доранд, ки ҷодаҳо саривақт тоза намешаванд. Мақомот, баръакс, ронандагонро гунаҳкор карданд, ки бе омодагӣ ба роҳ баромадаанд.
Доналд Трамп, президенти мунтахаби ИМА дар маъракаи интихоботиаш ваъда дода буд, ки назорат дар марз сахттар ва боздошту ихроҷи муҳоҷирони бесанад бештар мешавад.
Тибқи иттилои Муассисаи Давлатии Маркази Барномаҳои Байналмилалӣ ҳузури донишҷӯёни тоҷик дар Чин назар ба соли гузашта 50 дарсад афзудааст.
Эмомалӣ Раҳмон, раиси ҷумҳури Тоҷикистон имрӯз бо судури як фармон, яке аз додрасҳои шаҳри Душанберо барои «беобрӯ кардани номи судя» аз мақомаш барканор кардааст.
Ихроҷи як духтари афғонистонӣ, ки аз рафтори шавҳараш ба мақомоти Тоҷикистон шикоят карда буд, баҳси зиёдеро дар шабакаҳои иҷтимоӣ барангехт ва то ҳадде, ки ин амалкардро ба амалкарди мақомоти Русия монанд кардаанд, ки ҳар рӯз муҳоҷирони тоҷикро аз кишварашон бодалелу бедалел меронанд.
Вазорати корҳои дохилии Тоҷикистон мегӯяд, иддаои як духтари 20-сола дар бораи бадрафтории афсарони милиса бо ӯ ҳеч асосе надорад ва иддаои ӯ дар бораи латукӯб шудани Муҳиба Ғуломова ҳеч асосе надорад.
Раисҷумҳури Тоҷикистон гуфт, аз моҳи сентябри соли 2025 маошу нафақаи мардумро зиёд хоҳанд кард. Баъзе аз сокинон онро мусбат арзёбӣ карданд. Иддае дигар гуфтанд, мумкин аст, то он вақт арзиши молу маҳсулот дар бозорҳои Тоҷикистон боло рафта, таъсири онро ба зиндагияшон ночиз гардонад.
Ёфтҳои бештар
