Sefer Tahiri

Mungesa e marrëdhënieve diplomatike me Kosovën

Analistët shqiptarë, duke komentuar mosftesën e presidentit të Kosovës, Fatmir Sejdiu, në inaugurimin e presidentit të ri maqedonas, Gjorgje Ivanov, vlerësojnë se ky veprim është në dëm të thellimit të marrëdhënieve dypalëshe me Kosovën. Ndërkaq, analistët maqedonas thonë se Maqedonia do të tentojë t’i balancojë raportet me Prishtinën dhe me Beogradin në një periudhë të gjatë.

Prolongimi i marrëdhënieve me Kosovën

Ministria e Jashtme e Maqedonisë mbetet në vlerësimin e saj të mëparshëm se marrëdhëniet diplomatike me Republikën e Kosovës do të vendosen në momentin më të përshtatshëm. Sipas analistëve, prolongimi i vendosjes së marrëdhënieve diplomatike me Kosovën mund të shkaktojë reagime negative tek shqiptarët e Maqedonisë.

Analistët: Neutraliteti i Maqedonisë rreth Kosovës - i padrejtë

Maqedonia që me njohjen e Kosovës si shtet të pavarur, ka treguar pozicionin e vendit sa i përket kësaj çështjeje dhe nuk mund të kuptohet qëndrimi neutral rreth procesit që zhvillohet në Hagë lidhur me pavarësinë e Kosovës. Kështu thonë Lëvizja qytetare “Zgjohu” dhe analistët shqiptarë. Ndërsa, analistët maqedonas thonë se Maqedonia duhet të ketë raporte të mira me Prishtinën, por edhe me Beogradin.

Rritet kriminaliteti në Maqedoni

Kriminaliteti në Maqedoni shënon rritje. Ministria e Brendshme thotë se është në kërkim të autorëve të veprave penale. Ndërkaq, ekspertët konsiderojnë se nevojiten ndryshime të mëdha në politikën e sigurisë, me qëllim që qytetarët të ndjehen më të sigurt në jetën e tyre.

BDI dhe VMRO-DPMNE arrijnë marrëveshje

Iker: Duhet të shmanget votimi familjar në raundin e dytë

OSBE: Zgjedhjet përmbushën standardet demokratike

Në raundin e parë të zgjedhjeve presidenciale dhe lokale është përmbushur pjesa më e madhe e standardeve ndërkombëtare për zgjedhje demokratike, por me vëmendje do të vëzhgohet edhe raundi i dytë. Kështu vlerësoi misioni i OSBE-së, ODIHR, në raportin preliminar.

Maqedonia deri më 2011 do ketë krizë ekonomike

Raportet e fundit të Fondit Monetar Ndërkombëtar dhe Institutit ekonomik të Vjenës vënë në pikëpyetje projektimin ambicioz të Qeverisë për rritje ekonomike prej 5.5 për qind. Përderisa Qeveria nuk ka koment rreth raporteve të këtyre institucioneve, ekspertët thonë se raportet duhet të kuptohen seriozisht, pasi realizimi i planeve në kushte te recesionit botëror është i pamundshëm.

Në KSHZ dorëzohen kandidaturat presidenciale

Ndarja e nxënësve në Strugë rrezikon shumetnicitetin

Zgjedhjet në Maqedoni më 22 mars

A po shkon Maqedonia drejt krizës etnike?

Analistët janë të ndarë në vlerësimet e tyre sa i përket zhvillimeve të fundit politike në Maqedoni. Analistët shqiptarë thonë se pas aksioneve të fundit policore në rajonet e banuara me shqiptarë, vendi mund të përfshihet nga kriza e re ndëretnike, ndërsa ata maqedonas përjashtojnë mundësinë që kriza të paraqitet sërish në relacionet midis shqiptarëve dhe maqedonasve, edhe pse pohojnë se shqiptarët kanë pakënaqësi ndaj sjelljes së pushtetit.

Ekspertët: Emri - kusht për liberalizimin e vizave me BE-në

Ekspertët në Maqedoni thonë se aspak nuk është befasi që zgjidhja e çështjes së emrit me Greqinë do të jetë kusht për liberalizimin e regjimit të vizave me vendet e Bashkimit Evropian. Sipas tyre, BE-ja vendos kushte teknike, por edhe politike, me qëllim që vendet që dëshirojnë të bëhen pjesë e saj, t’i përmbushin standardet e duhura.

Maqedonia dërgon Greqinë para GJND-së

Komisioni Evropian përsërit vërejtjet ndaj Maqedonisë

Përfaqësuesi i lartë i Komisionit Evropian, Jan Trushinski, edhe një herë ka përsëritur vërejtjet e Komisionit Evropian se në Maqedoni nuk zbatohen si duhet reformat në gjyqësi dhe polici, ndërsa dialogu politik nuk zhvillohet në nivelin e duhur. Sipas tij, që të jetë raporti negativ për Maqedoninë, kanë kontribuuar edhe incidentet zgjedhore. Qeveria dhe partia shqiptare në pushtet, BDI, u zotuan se do t’i marrin parasysh vërejtjet, ndërsa partitë e opozitës kërkuan që pushteti t’i përmbushë kriteret, pasi Brukseli ka vërejtur se ato nuk zbatohen sa duhet.

Shkup: Kuvendi miratoi Rezolutën për emrin

Kuvendi i Maqedonisë miratoi Rezolutën për zgjidhjen e çështjes së emrit, me të cilën kërkohet strategji për tejkalimin e kontestit me Greqinë. Rezoluta përcakton qartë që Kuvendi të vendosë për të gjitha çështjet që kanë të bëjnë me emrin. Presidenti Cërvenkovski tha se nevojitet konsensus dhe përgjegjësinë ia hodhi kryeministrit, por Gruevski u shpreh i bindur se nuk do të bëjë kompromis sa i përket identitetit kombëtar dhe për këtë çështje do të vendosin qytetarët në referendum.

Kuvendi i Maqedonisë miratoi ndryshimet në Kodin zgjedhor

Kuvendi i Maqedonisë miratoi ndryshimet në Kodin zgjedhor, të cilat u mundësojnë të drejtën e votës qytetarëve që janë me punë të përkohshme jashtë vendit. Sipas ndryshimeve, atyre u garantohet zgjedhja e 3 vendeve të deputetëve. Ndryshimet nuk u mbështetën nga Partia Demokratike Shqiptare, e cila kërkoi ndryshimin e kufijve të njësive zgjedhore, që do t’u mundësonin zgjedhjen e më shumë deputetëve shqiptarëve. Por, BDI-ja tha se për këtë çështje nevojitet konsensus i gjerë politik.

Qeveria nuk rrezikon përdorimin e gjuhës shqipe në Shkup

Ministri i Pushtetit Lokal, Musa Xhaferi, hedh poshtë pohimet e kreut të qytetit të Shkupit, Trifun Kostovski, se qeveria po shqyrton propozimin e tij për shkëputjen e tri komunave nga kryeqyteti, gjë që rrezikon përdorimin zyrtar të shqipes në nivel të Shkupit. Xhaferi mohon se janë duke u përgatitur ndryshime ligjore për këtë qëllim. Ndërkohë, Kostovski thotë se shkëputja e komunave nuk rrezikon gjuhën shqipe, pasi përdorimi i saj do të garantohet me ndryshimet e Ligjit për organizim territorial.

Së shpejti marrëdhënie diplomatike Maqedoni-Kosovë

Së shpejti do të vendosen marrëdhëniet diplomatike mes Maqedonisë dhe Kosovës. Ministri i Jashtëm i Maqedonisë, Mlloshovski, tha se çështja është vetëm se protokollare, ndërsa zv/kryeministri Ademi u shpreh se dokumenti për vendosjen e marrëdhënieve dypalëshe do të firmoset atëherë kur dy ministrat do të gjejnë kohë për të bërë një gjë të tillë.

Maqedonasit kundër propozimit për emrin, shqiptarët kërkojnë zgjidhje

Ekspertët maqedonas mbështesin refuzimin që kreu i shtetit i bëri propozimit të fundit të ndërmjetësit Nimic, që Maqedonia të quhet Republika e Maqedonisë veriore, ndërsa maqedonasit të quhen qytetarë që i takojnë Maqedonisë së veriut. Sipas tyre, ky propozim cenon identitetin kombëtar maqedonas. Por, intelektualët shqiptarë thonë se kreu shtetëror duhet të përcaktohet për një zgjidhje, meqë pa të, vendi nuk mund të anëtarësohet në BE dhe në NATO.