Rubrikat

Lajmi i fundit

Sefer Tahiri

Prodhuar nga Sefer Tahiri

7 tetor 2008
Maqedonia do të abstenojë në OKB rreth Kosovës

Republika e Maqedonisë do të abstenojë gjatë votimit në mbledhjen e Asamblesë së Përgjithshme të Kombeve të Bashkuara në Nju Jork, lidhur me rezolutën e Serbisë sa i përket shpalljes së pavarësisë së Kosovës.
4 tetor 2008
Bashkëpunimi ekonomik mes Maqedonisë e Kosovës

Maqedonia dhe Kosova kanë disbalancë në shkëmbimin e tyre tregtar, por nëse Shkupi e njeh shtetin e ri, atëherë ky bashkëpunim do të thellohej, pasi një gjë të tillë do të mundësonin edhe marrëveshjet dypalëshe mes dy vendeve. Ky është vlerësimi i Odës Ekonomike të Maqedonisë veriperëndimore, e cila kërkon nga kompanitë kosovare t’i afirmojnë prodhimet e tyre me qëllim që të eksportohen në Maqedoni.
29 shtator 2008
Cërvenkovski akuzon Gruevskin për bllokim të negociatave për emrin

Presidenti Branko Cërvenkovski ka drejtuar akuza të rënda ndaj kryeministrit Gruevski për pengimin e procesit negociues për çështjen e emrit. Cërvenkovski i bëri thirrje Gruevskit që të ndajnë përgjegjësinë, në mënyrë që të arrihet një zgjidhje, pa të cilën Maqedonia rrezikon integrimin në Bashkimin Evropian dhe në NATO. Pas takimit me presidentin Cërvenkovski, kryeministri Gruevski tha se Maqedonia është në pritje të propozimit të ri të ndërmjetësit të OKB-së, Metju Nimic, për çështjen e emrit.
20 shtator 2008
PDSH dhe BDI kërkojnë njohjen e Kosovës

Partia Demokratike Shqiptare kërkon nga Kuvendi i Maqedonisë që të vendosë në rend dite rezolutën për njohjen e Kosovës si shtet të pavarur nga Shkupi zyrtar. Sekretari i përgjithshëm i PDSH-së, Imer Aliu, tha se vonesat që bëhen sa i përket njohjes së pavarësisë nga Maqedonia, mund të destabilizojnë vendin, por edhe rajonin. Por, lideri i BDI-së, partisë pjesëmarrëse në Qeveri, Ali Ahmeti, tha se Maqedonia së shpejti do ta njohë pavarësinë e Kosovës.
8 shtator 2008
Shkupi hesht rreth njohjes së Kosovës

Shkupi hesht rreth shkrimeve në gazetat kosovare, të cilat njoftuan se Maqedonia do ta njohë Kosovën më 23 shtator. Por, zëvendëskryeministri Abdylhaqim Ademi tha se përcaktimi i vijës kufitare mes Maqedonisë dhe Kosovës ia hap rrugën njohjes së Kosovës si shtet i pavarur, por edhe ai iu shmang saktësismit të datës se kur do të ndodhë një gjë e tillë. Intelektualët shqiptarë thonë se Maqedonia është duke u vonuar shumë sa i përket njohjes së Kosovës.
4 shtator 2008
PDSH i kërkon Kuvendit të njohë Kosovën

Partia Demokratike Shqiptare dorëzoi në Kuvendin e Maqedonisë Rezolutën për njohjen e shtetit të Kosovës. Sekretari i përgjithshëm i kësaj partie, Imer Aliu, ftoi edhe BDI-në që të mbështesë rezolutën e propozuar. Por, BDI-ja tha se njohja e Kosovës do të ndodhë së shpejti, ndërsa kërkoi nga PDSH-ja që të mos shantazhojë procesin politik me njohjen e Kosovës.
3 shtator 2008
Opozita ndodhet në fazën e konsolidimit

Pas mbarimit të mandatit të tij presidencial, Branko Cërvenkovski do të rikthehet në krye të Lidhjes Social-demokrate. Në ndërkohë partinë do ta udhëheqë kryetari i Komunës së Strumicës, Zoran Zaev. Por, analisti Dane Talevski thotë se cilido që të jetë lideri i ri LSDM-së, nuk do të mund të ndikojë në bashkimin e opozitës. Ndërsa, analisti Xhelal Neziri thotë se edhe partia shqiptare në opozitë, PDSH, është përfshirë në një krizë të madhe pas paralajmërimeve se nënkryetari i kësaj partie, Imer Selmani, mund të formojë subjekt të ri politik.
13 gusht 2008
Qeveria angazhohet për zbatimin e Marrëveshjes së Ohrit

Në 7-vjetorin e firmosjes së Marrëveshjes së Ohrit, zëvendëskryeministri Abdilaqim Ademi, për zbatimin e këtij dokumenti thotë se është shënuar fillim i mbarë në dinamikën e zbatimit të tij. Ademi njoftoi se do të bëhet analizë e detajuar e ligjeve që janë miratuar dhe efektet që ato i kanë prodhuar. Ai deklaroi se prioritet do t’i jepet edhe përfaqësimit të drejtë dhe adekuat të shqiptarëve në administratë dhe në institucionet e sistemit.
9 gusht 2008
Qytetarët pro anëtarësimit të Maqedonisë në BE

Shumica e qytetarëve në Maqedoni mbështesin integrimin e vendit në Bashkimin Evropian. Në bazë të një sondazhi të kryer nga Sekretariati për çështje evropiane pranë Qeverisë, qytetarët janë shprehur se janë të gatshëm që edhe në një referendum të deklarohen pozitivisht për këtë çështje, të cilët e vlerësojnë si tejet të rëndësishme.
4 qershor 2008
Mbi 50 të arrestuar për dhunën zgjedhore

Mbi 50 veta janë arrestuar për shkak të dyshimeve se kanë marrë pjesë në incidentet e dhunshme gjatë ditës së zgjedhjeve parlamentare në Maqedoni. Për 38 prej tyre tanimë janë ngritur padi penale për pengimin e procesit zgjedhor.

Kthehu në fillim

XS

SM

MD

LG