17:45
9.2.2025
Si ka qenë trendi i fletëvotimeve të dëmtuara ndër vite?
Me ose pa qëllim, shumë fletëvotime edhe dëmtohen gjatë procesit të votimit, ndaj duhet pasur kujdes rregullat.
18:02
9.2.2025
Rruga deri në formimin e Qeverisë së re
Me përfundimin e zgjedhjeve të 9 shkurtit pason konstituimi i Kuvendit të Kosovës. Të zgjedhurit e rinj për Kuvendin e Kosovës do të kenë përgjegjësinë për zgjedhjen e Qeverisë së re. Në këtë video mund të kuptoni hapat proceduralë deri në formimin e Qeverisë së re.
18:15
9.2.2025
Për ju që sapo jeni kyçur në blogun tonë:
- Pjesëmarrja deri në orën 15:00 në zgjedhjet parlamentare të 9 shkurtit ishte 28.32 për qind, sipas KQZ-së.
- Në zgjedhjet e vitit 2021, pjesëmarrja deri në këtë orë ishte 32.32 për qind.
- KQZ-ja siguroi se procesi zgjedhor është duke shkuar mirë, pa ndonjë problem që do të mund ta cenonte mbarëvajtjen e tij.
- Vendvotimet janë të hapura deri në orën 19:00. Procesi i votimit mund të vazhdojë përtej kësaj ore vetëm nëse para vendvotimeve ka radhë njerëzish që presin për të votuar.
- “Ditë jashtëzakonisht e rëndësishme për demokracinë tonë”, tha presidentja e Kosovës, Vjosa Osmani, pasi votoi në një qendër të votimit në Prishtinë.
- Radio Evropa e Lirë do të sjellë sonte një emision special live, ku do të diskutohet për ditën e votimit dhe rezultatet e para me ekspertë nga Kosova, Brukseli dhe Uashingtoni.
18:44
9.2.2025